استكمال المهزلة عشان الناس اللى بتشكر لسة فى النيسان
 

طبعا انتم اكيد زهقتوا منى بس حبيت ابلغ الناس بأخر تطورات الموقف انا طبعا رحت السبع و طلعلى مهندس قاللى يا فندم ايه الشكوى قولتلوا على قصة التكييف و السحب قالى طيب نجرب العربية قلتلوا ماشى طلع بالعربية و طبعا سمعت الجملة الشهيرة اصل النيسان سحبها بطىء عشان العربية تقيلة طيب ايه نظام الأوفر درايف اللى الناس قالتلى عليه قالى اوعى تستعمله لأن ده بيلغى النقلة الرابعة و بيعمل حمل على الموتور و لو نسيته شغال ممكن يحرقلك المجموعة التالتة من الفتيس طيب يا عم الحج ايه فيدتوا قالى لما تكون هتعمل غرزة اوك طيب يل عمنا العربية صوت موتورها عالى جدا بعد ال 110 تحس ان الموتور هيتحرق طبعا سمعت الأجابة الشهيرة هى النيسان كدة يا فندم عشان سير الكاتينة معدن عشان مفيش عزل للموتور طيب يا عم الحج ريحة العطن اللى بتطلع من التكيف قالى اصل الصنى يا فندم بتنزل من غير فلتر تكييف لا حول و لا قوة الا بالله طيب يا عم الحج استهلاك البنزين العربية بتهرتل انا بفول العربية بتعمل 320 كيلو بالعافية اكيد فى حاجة غلط و بعدين انتم قلتوا ان فى سنسور عشان البنزين قالى يا فندم ده بيقلل 6% بس يعنى نسبة مش محسوسة و كمان مشروطة ان الكتاتوش يبقى منفوخ جامد جدا و ده اصل هيخليك تتبهدل من المطبات فا احنا مش بنعمله طيب يا عم الحج قصة التكييف اللى بيفصل قالى يا فندم حاجة من 2 يا إما التكييف مشحون فريون زيادة فا بيفصل كتير يا إما بقى الجو بيبقى حر و انت بتحمل على الموتور فا التكييف بيفصل و دة طبيعى ؟؟؟؟؟؟!!!! عامة هنشوف و نرد على حضرتك و قعدت يا اخوانى من 9 و نص لغاية 1 و نص مستنى لأنى كنت بعمل صيانة ال 10 الاف و فى الأخر قالولى انزل ادفع و استلم دفعت فين يا جماعة العربية اه معلش يا فندم اصل العربية بتشحن فريون حضرتك اتفضل استنى تانى ربع ساعة امال العربية كل ده كانت يتعمل ايه المهم استنين جيت استلم قالولى فعلا يا فندم اكتشفنا ان الفريون كان زيادة و العربية بقيت تمام الكلام ده كان يوم الأتنين المفاجأة بقى يا اخوانى اخويا كان واخد منى العربية امبارع رايح مدينة نصر و التكييف فصل تانى و قعد تلت ساعة تانى على ما اشتغل قولولى بقى اعمل ايه؟؟؟؟؟؟؟؟

رد: استكمال المهزلة عشان الناس اللى بتشكر لسة فى النيسان
 

قولهم على الموضوع ده و قولهم يزبطولك التكيف و خلاص

رد: استكمال المهزلة عشان الناس اللى بتشكر لسة فى النيسان
 

كنت ناوي اجيبها والله،، بس بعد كتر الشكاوي غضيت نظر عن الموضوع خالص

طب اللي معاك موديل كم وايه مواصفاتها؟

رد: استكمال المهزلة عشان الناس اللى بتشكر لسة فى النيسان
 

اللى معايا موديل 2011 اتوماتك EX

رد: استكمال المهزلة عشان الناس اللى بتشكر لسة فى النيسان
 

حضرتك ما تابععتش المواضيع اللى عملتها قبل كدة دى تانى مرة اروح عشان التكيف اول مرة قالوا فيوز و تانى مرة قالوا فريون و المشكلة مش بتتحل

رد: استكمال المهزلة عشان الناس اللى بتشكر لسة فى النيسان
 

جهاز حمايه المستهلك وبهدلهم هناك

رد: استكمال المهزلة عشان الناس اللى بتشكر لسة فى النيسان
 

انا فعلا اول مره اشوف الموضوع ده

علي فكرة يا بشمهندس ده شغل نصب

انا كنت سايق نيسان صني 2008 والعربية غاز طبيعي يعني المفروض يكون صوتها اعلي من البنزين ماشي بيها 170 والصوت يكاد يكون مسموع بطريقة مش ظاهره

التكييف كان شغال كمان ومفيش اي روايح غريبة بتظهر

سحبها فوق الممتاز مع تشغيل التكييف ديه 118 حصان ازاي يعني الكلام الفاضي ده

يا زعيم اطلع اشتكيهم في جهاز حماية المستهلك واعملهم محضر وقلبلهم حياتهم دول عالم معندهمش ريحة الدم

وعلي فكرة النيسان الصني اللي بكلمك عليها ديه عمرها ما عملت صيانة في التوكيل وكانت ماشية فوق ال 100 الف