سيارات المعاقين
 

السلام عليكم
اخواني الكرام انا والدي عندو ضمور في رجلو اليمين و معوق و هوا شغال في هيئة النقل العام اعمال اداريه
فا انا لو كنت عايز اجيب عربيه تبع المعاقين يا ريت اعرف اسعار السيارات ايه و هل ينفعل لوالدي ولا لا و الفلوس الي هندفعها اد ايه في عربيه فيرنا مثلا او اعلي منها
وشكرا

رد: سيارات المعاقين
 

أولا مرحبا بيك فى المنتدى... ثانية طبعا ممكن والدك يجيب عربية زى ما هو عاوز. الضمور من الحاجت اللى تستحق سيارة. أما عن الأسعار فهى متدرجة من 14 الف ولحد 70 الف وفى أنواع كثيرة ولكن كلها كورى وقليل منها أوروبى ( المانى وفرنساوى...) كل اللى عوزة هتلاقية.. الفيرنا اللى حضرتك بتقول عليها موديل 1999 لحد 2001 بتعمل بين 22 الف وحتى 25 الف على حسب الحالة والموديل.... فى لانوس برضوا أرخص شوية من 17 الف لحد 22 الف...

دى صورة عربية فيرنا شكلها شوية مختلف على المصرى

http://www.acemotors.net/usedcars/da...0201422R1s.gif
أى سؤال أنا موجود

رد: سيارات المعاقين
 

منور المنتدى دايما يا tham1010
حضرتك بتقول العربيات هناك تبدأ من 14 ألف،، ممكن اعرف ايه الانواع اللى هناك اللى تعمل 14 أو 15 أو 16 شكـــــــــــــــراً

رد: سيارات المعاقين
 

أيوة أنا شفت عندهم عربية كانت 13 الف ولكن أصلا مش سألت عن نوعها هى كانت عربية صغيرة جدا زى السوزوكى ماروتو وصاحب المعرض قال لى مفش فيها أى كمليات يعنى عربية تمشى وخلاص. هى كانت نفس الصورة المرفقة وحتى اللون نفس اللون والفوانيس نفس الفوانس. اعتقد أنها كانت ماروتى برضوا

http://www.indiacar.com/infobank/fir...ruti%20800.jpg

رد: سيارات المعاقين
 

شكرا جزيلا للاخوه الكرام علي تعاونكم معي بس انا عايز اعرف دلؤتي لو عايز فيرنا هتتكلف 20 الف مثلا يا ريت اعرف الاجرائات بالترتيب و بالظبط و اسف علي تعبكم معايا و شكرا

رد: سيارات المعاقين
 

بص يا أخى الإجراءات بتتلخص فى أربع خطوات

1- تحديد جلسة طبية وهذا بيكون فى وزاة الصحة الموجودة فى شارع الفلكى أمام مجلس الشعب.
2- الكشف الطبى على الوالد بمستشفى المنيرة العام ( كشف نظر وكشف عظام)
3- الذهاب للجمرك فى بورسعيد لاختيار السيارة المناسبة ودفع الثمن كاش
4- عمل رخصة القيادة ورخصة السيارة بعد تركيب الجهاز اللازم بها.

إذا هتروح أربع أماكن فى رحلتك دى

اولا الذهاب لتحديد جلسة بوزارة الصحة.

خد معاك قلم و2 صورة بطاقة الوالد و2صورة شخصية لية ومبلغ 600 جنية وروح هناك هتلاقى مكتب ملحق بوزراة الصحة فى شارع جانبى بيتستقبل الطلبات. هما هيعملوا لك ملف ويلزقوا الصور على الطلب ويأخدوا الفلوس ويحددوا ليك يوم تروح تكشف طبى فى المستشفى. عادة يتم الكشف فى بعد أسبوع من تقديم الطلب بالوزراة. لما تروح المستشفى هتجد الطلب بتاعك راح المستشفى ومستنيك....

لما تخلص الخطوة دى ابقى أقول لك على الباقى....
بالتوفيق

رد: سيارات المعاقين
 

شكرا اخي العزيز علي ردك الوافي ROSE4U