|
استفسار عن دايو اسبيرو
السلام عليكم ورحمة الله وبركاتة احب اهنيكم علي المنتدي الجامد ده وانا متأكد اني هستفيد من الاعضاء في المنتدي عايز اسأل خبراء السيارات في المنتدي علي عربية دايو اسبيرو مو 1996 علشان انا باذن الله ناوي اجبها قريب انا عايز اعرف امكانيات العربية من حيث الاعتماد عليها بقوة والاحتمال وانهي الاحسن الاوتومتيك ولا المانيول وقطع الغيار متوفرة و غالية و ممكن اعملها صيانة في توكيل دايو ولا لأ يعني من الاخر كده عايز اعرف عنها كل حاجة وللمعلومة دي اول عربية اجبها وانا من الاسكندرية ptmnlo123per122ptmnlo123p er122ptmnlo123per122 |
رد: اول مشاركة ليا في المنتدي
مرحباً بك فى المنتدى وأهلاً بك عضو جديد معنا
|
رد: اول مشاركة ليا في المنتدي
أهلا بحضرتك عضو جديد معانا
شوف يا باشا الاسبيرو ديه كان واحد جاري جايبها هي حلوه ولكن مشاكلها كثييييييييييير جدا منها أنها واطية وكمان فيها مشلكة في الفتيس (أوتوماتيك) بصراحة طلعت عينه ، وبالنسبةى لقطع الغيار بصراحة اللي فاكره انها كانت غير متوفرة ، يعني أنصحك أخويا بلاش |
رد: اول مشاركة ليا في المنتدي
اهلا بيك فى مصر موتورز
الاسبيروا ليها قطع غيار صينى كتير بس هى عامة اعتماديتها قليلة لانها من اوائل العربيات اللى عملتها دايو فهتلاقيها مش منتشرة كفاية وسوقها ضعيف اتفق مع اسلام شاهين فى ان الافضل تشوف حاجة غيرها تكون على الاقل قطع غيارها الاصلية متوفرة علشان موضوع قطع الغيار ده مزعج جداً |
رد: اول مشاركة ليا في المنتدي
اهلا بيك معانا ....
هي الاسبيرو عربيه مغريه ... كبيره وواسعه وصالون وتابلوه ظريف .. وشكلها كويس ... لكن الشكل لا يغني عن المضمون ... وملهاش سوق ... حضرتك قلنا احتياجاتك ايه من العربيه و رينج المبلغ ... و نقترح عليك ... وان شاء الله تلاقي العربيه المناسبه |
رد: اول مشاركة ليا في المنتدي
الدايو الاسبيرو عربية ممتازة وعملية وحمارة شغل وموريحة وهوا انا بحب العربية دى اوى وافضل المانوال فى كل العربيات وانصحك تجيب منول وبالنسبة لى قطع الفيار هى متوفرة عند المتخصصين فى الدايو اتصل بيا على رقم 0101596609 اكون عرفتلك مين متخصص فى الدايو
|
رد: اول مشاركة ليا في المنتدي
يقال ان فى بعض محلات فى الوكالة او فى التوفيقية بشارع رمسيس بس هية عربية ممتازة انا شخصيا نفسى فى وحدة بس حاليا مش معايا تمنها
|
| الساعة الآن 05:21 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017