مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   رينو لوجان Logan (https://www.masrmotors.com/vb/forumdisplay.php?f=160)
-   -   روحت المصرية أسأل عن اللوجان النهاردة .. فا قالى ... (https://www.masrmotors.com/vb/showthread.php?t=62798)

monismod 10-07-2011 02:12 AM
روحت المصرية أسأل عن اللوجان النهاردة .. فا قالى ...
 
أنا روحت المصرية اللى فى داندى مول (قبل الكارتة بتاعت اسكندرية) أسأل عن اللوجان النهاردة
فا قاللى للأسف مافيش .. قلت له ليه ؟ قالى علشان الـ 2012 على وصول
طب أمتى يجى ؟ يعنى ممكن اسبوع كده
طيب وهاتبقى بكام تقريباً ؟ هاتغلى 4000 جنيه تقريباً
فا مارديتشى أكتر فى الكلام ورحت ماشى

حد عنده كلام أحسن من اللى سمعته ده ؟
وهل فعلاً الـ 2011 اختفت من السوق ؟ ولا ممكن تلاقيها عند حد راكن شوية عنده زى محمد زكى القطامية مثلاً ؟

وأنا بالنسبة لى الـ 2011 كان فيها كل اللى أنا عايزه .. وعاجبنى سعر الـ 66.000 للهاف أوبشن .. فا الواحد يعمل إيه .. مع العلم أنا قدامى شوية على ما أجهز المقدمة بتاعت العربية .. فهل الـ 2011 هاتستنانى شهرين كمان مثلاً ؟ ولا هاتختفى كمان شوية وهاضطر أشترى الـ 2012 اللى متوقع تبقى غالية

شكراً لحبايبى وأصدقائى فى المنتدى

Eng.Ahmed Wagdy 10-07-2011 03:04 AM
رد: روحت المصرية أسأل عن اللوجان النهاردة .. فا قالى ...
 
انا فعلا ساكن في اسكندرية جنب توكيل رينو اللي في سان ستيفانو مش عارضنها هناك عارضين سكالا و فلوانس بس

Devill Blood 10-07-2011 03:29 AM
رد: روحت المصرية أسأل عن اللوجان النهاردة .. فا قالى ...
 
أظن هاتلاقى بعد شهرين بس مش مؤكد هو لسه فيه فى المنصورة وأن كانت نادرة والأحسن لو تجيب الشكل الجديد 2012 ممكن تختلف فى قطع الغيار والأسم معاك الموديل الحديث وترجع تندم:10CC26~164:

monismod 10-07-2011 04:01 AM
رد: روحت المصرية أسأل عن اللوجان النهاردة .. فا قالى ...
 
طب وبعدين .. العربية كدة عمالة تغلى وهاتقرب من النيسان صنى أمات 84.000

وساعتها الواحد هايحلقلها ويجيب النيسان

Eng.Ahmed Wagdy 10-07-2011 04:08 AM
رد: روحت المصرية أسأل عن اللوجان النهاردة .. فا قالى ...
 
متهيألي نفس الشكل مافيش تغيير

MOUSTAFA_SAAD 10-07-2011 08:46 AM
رد: روحت المصرية أسأل عن اللوجان النهاردة .. فا قالى ...
 
2011 اختفت فعلا
هى عموما مفيش تغيير طراء عليها
عقبال لما الفلوس تجهز ياعالم ايه اللى حيحصل بس مفيش حاجه مؤكده بخصوص موضوع الزياده

وعلى فكره كل العربيات سعرها زاد

Meemo The Beast 10-07-2011 12:27 PM
رد: روحت المصرية أسأل عن اللوجان النهاردة .. فا قالى ...
 
احنا عاملين زي الفراشة اللي بتطير حوالين االنار عارفة ان هي حتتحرق و برضه بتطير على النار
يعني كلنا عارفين ان المصرية أسوأ موزع في مصر و حرامي و شيخ منصر و برضه رايحين نتعامل معاه؟ لغاية ما تضخم و بقى أكبر موزع في مصر رغم سمعته اللي زي الزفت
و كمان محدش عايز يلتزم بمقاطعة شراء السيارات التي استفحلت أسعارها الى ما فاق الحدود و برضه مفيش فايدة خليكو لغاية ما في يوم حيكون سعر اللوجان زي سعر الرولزرويس


الساعة الآن 08:51 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017