مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   منتدى الصيانة العام (https://www.masrmotors.com/vb/forumdisplay.php?f=4)
-   -   الهاند بريك ضعيفة جدا ؟؟؟؟؟ (https://www.masrmotors.com/vb/showthread.php?t=62796)

momen_bondok 10-07-2011 01:43 AM
الهاند بريك ضعيفة جدا ؟؟؟؟؟
 
بسم الله الرحمن الرحيم

انا من حوالى 6 شهور اول ما اشترينا العربية واول يوم اطلع بيها نسيت فرامل اليد مشدودة ومشيت مسافة طويلة شوية وبعد شوية شميت رائحة شياط ودخان ينبعث من العجل الخلفى المهم عرفت انى نسيت انزل الفرامل وطبعا الفرامل اصبحت لا وجود لها

المهم الاسبوع اللى فات روحت الميكانيكى وشرحت لية القصة وراح فاكك العجلتين الخلفيتين بس لقى ماستر الفرامل الشمال مرشح المهم غيرتة وقالى الفرامل كدة تمام قولت لية ازاى وتيل الفرامل فقال انة سليم
روحت شادد الهاند وزققت العربية راحت اتحركت عادى
تخيلو استحالة اوقفها على مطلع جراج فقال لى طبعا لا قلت لية طب ازاى المرسيدس بتقف كل يوم (بتاعت جارى) فقال انت هتجيب المرسيدس زى ال 128 وبالتالى على مطلع الكوبرى هتعمل نفس الحكاية

بس انا مش مقتنع بصراحة بكلامة والله واعلم
منتظر رايكم يا رجالة

حسام البورسعيدى 10-07-2011 02:14 AM
رد: الهاند بريك ضعيفة جدا ؟؟؟؟؟
 
لأ طبعا ده كلام فارغ ...

طيب هو دراع الفرامل بينشف فى ايدك والعربية برضو مش بتفرمل ولا بيكون خفيف وسايب ؟؟

لو خفيف يبقى الفرامل محتاجة رجلاش ..

بس لازم تتأكد من سلامة التيل الخلفى ..

برضو بما ان الميكانيكى اللى انت رحتله عبقرينو بالمنظر ده يبقى انصحك تتأكد ان واير الهاند بريك سليم اصلا ....

momen_bondok 10-07-2011 02:23 AM
رد: الهاند بريك ضعيفة جدا ؟؟؟؟؟
 
اقتباس:
المشاركة الأصلية كتبت بواسطة حسام البورسعيدى (المشاركة 473608)
لأ طبعا ده كلام فارغ ...

طيب هو دراع الفرامل بينشف فى ايدك والعربية برضو مش بتفرمل ولا بيكون خفيف وسايب ؟؟

لا طبيعى خالص ومش سايب ولما برفع الهاند بريك وفعلا الفرامل شغال بس ضعيبة جدا يعنى لو واحد فقط دفع العربية هتتحرك معاة

لو خفيف يبقى الفرامل محتاجة رجلاش ..

بس لازم تتأكد من سلامة التيل الخلفى ..

برضو بما ان الميكانيكى اللى انت رحتله عبقرينو بالمنظر ده يبقى انصحك تتأكد ان واير الهاند بريك سليم اصلا ....

انا بصراحة شاكك فى التيل لان اول مرة نسيت فيها الفرامل شميت شياط جامد وكان الدخان جامد جدا الصادر من العجل الخلفى


طب حضرتك تنصحنى اروح لميكانيكى تانى ولا اروح لواحد متخصص فى الفرامل بس
الرد فى الاقتباس

حسام البورسعيدى 10-07-2011 02:41 AM
رد: الهاند بريك ضعيفة جدا ؟؟؟؟؟
 
لو تعرف حد متخصص فرامل معروف يبقى خير وبركه واحسن من الميكانيكى ...

عموما المشكلة بسيطة يعنى باذن الله متقلقش خالص ...

بس اوعى تروح لعبقرينو ده تانى ..

لمعلوماتك فرمله اليد ملهاش اى دعوه بالماستر والخزنة لانها شغاله على واير (فرامل ميكانيكية مش هيدروليك زى الفرامل الاساسية) ...

لو الفرامل بتمسك متأخر (يعنى يكون فى فراغ والدراع بيمسك فى اخر مشواره) يبقى الفرامل محتاجة رجلاش .. لو بتمسك بدرى عادى ولكن مفيش فرمله يبقى حاجة من اتنين :

اما التيل باظ ومحتاج يتغير .. او الطنابير الخلفية محتاجة وش ع المخرطة (فيها ريجة يعنى مش ناعمة)

فخليك واقف معاه وبص على الطنابير لو حسيت ان فيها خطوط واضحة ومش ملساء يبقى محتاجة تتمسح ع المخرطة .. وشوف سماكة التيل لو التيل رقيق قوى يبقى جاب اخره ومحتاج يتغير ..

ولو التيل سليم بالمره خليه يصنفرهولك ...


وعلى فكره لما تعملها هتلاقى تحسن واضح فى الفرامل الاساسية باذن الله ...


اتمنى اكون قدرت افيدك يا غالى .. ابقى طمننى عملت ايه ...

AbOnOrA 10-07-2011 02:46 AM
رد: الهاند بريك ضعيفة جدا ؟؟؟؟؟
 
كلام الشباب مظبوط وعبقرينو ده متروحلوش تانى فعلا

لازم تشوف تيل الفرامل الخلفى وحالة الطنابير لو سليمة يبقى هيظبط رجلاش الفرامل للدرجة اللى انت عايزها بالظبط

انا شخصياً بحب الهاند بريك تمسك على اول تكتين تلاتة

essamenen 10-07-2011 04:21 AM
رد: الهاند بريك ضعيفة جدا ؟؟؟؟؟
 
توجد صاموله تحت الهاند بريك اربطها لفتين وجرب وزود ان تطلب الام ان شاء الله هتحللك المشكله
اوعى تروح للمكانيكى ده تانى لانه بيريح نفسه وغير امين
تغيير الماستر الخلفى ( اخزنه الخلفيه للفرامل ) تتغير لما تكون مرشحه هى ديه الحسنه الوحيده الى عملها

momen_bondok 10-07-2011 04:40 PM
رد: الهاند بريك ضعيفة جدا ؟؟؟؟؟
 
جزاكم الله خيرا الواحد مش عارف يودي افضالكم فين وان شاء الله هذهب لمتخصص فى الفرامل عن قريب
بارك الله فيكم


الساعة الآن 05:28 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017