|
بريليانس ولا سبرنزا ولا كيا و لا هيونداي !!!؟؟؟؟؟!!!؟؟؟؟!!!؟؟؟؟
السلام عليكم اتمني تقولولي رأيكم انا جديده هنا في المنتدي و بصراحه مليش في العربيات اوي يعني و انا دلوقتي المفروض هجيب عربيه اهم حاجه طلبها انها تكون شيك و توكيلها محترم انا مش هسافر بيها ولا حتي هعمل بيها مشوير كتير انا اماكني محدوده جدا عشان كده مش لازم تكون قويه او موتورها قوي اهم شيئ انها تكون شكلها حلو و قطع غيرها معقوله اناكنت بفكر في عربيه في حدود 80 او 85 الف مثلا شوفت البريليانس تحفه بجد و حلوه اوي بس سمعت ان الامان فيها مش كويس و فكرت في اسبرنزا تيجو عجباني جداا بس انا لسه مش شوفتها في الحقيقه و بسمع ان تقفلها وحش و قطع غيرها مش موجوده غير في التوكيل بس و فكرت كمان في كيا ريو بس حاسه انها غليه علي الفاضي و صغيره شويه و بردووو فكرت في هيونداي اكسنت حلوه جدااا بس بصراحه لما اجي اقرنها ب مثلا اسبرنزا تيجو بحس ان التيجو فيها مميزات اكتر و نفس السعر مش عارفه اتمني انكم تفيدوني و شكرا مقدمااا |
رد: بريليانس ولا سبرنزا ولا كيا و لا هيونداي !!!؟؟؟؟؟!!!؟؟؟؟!!!؟؟؟؟
لو بتفكر في اعادة البيع وتوفر قطع الغيار خليك في الهيونداي ولكن لو عايز حاجة شكلها حلو و تستحمل يبقي التيجو
|
رد: بريليانس ولا سبرنزا ولا كيا و لا هيونداي !!!؟؟؟؟؟!!!؟؟؟؟!!!؟؟؟؟
طبعا الاكسنت ويا سلام لو الاكسنت RB خيااااااااااااااااااااااا ااااااااااااااااال
|
رد: بريليانس ولا سبرنزا ولا كيا و لا هيونداي !!!؟؟؟؟؟!!!؟؟؟؟!!!؟؟؟؟
يسلمووو بس انا كنت كمان عايزا اعرف هي التيجو فعلا قطع غيرها مش موجوده غير في التوكيل بس و تقفلها وحش ولا كويسه ؟؟ |
رد: بريليانس ولا سبرنزا ولا كيا و لا هيونداي !!!؟؟؟؟؟!!!؟؟؟؟!!!؟؟؟؟
اسمحيلى هنتكلم ف موضوعك نقطة نقطة
اولا حضرتك قولتى اللى يهمك الشكل وتوافر قطع الغيار وحددتى اربع عربياتوانتى محتارة بينهم ( تيجو -- نيو اكسنت --كيا ريو -- بريليانس ) برغم انى مش عارف اى نوع من البريليانس 1 --التيجو متوافرة وقطع غيارها كويسة بس هتلاقى عيب التقفيل المصرى و والتوكيل وحاجة كمان الافضل منها هو 2000 سى سى وليس 1600 ومن رايى مش مناسبة لسيدة ( لو حضرتك اللى هتسوقيها ) 2 -- نيو اكسنت -- كيا ريو الاتنين تقريبا زى بعض بس انا بفضل النيو اكسنت لانتشارها وانها اجمل ف الشكل باعتبار اهتمام حضرتك بالشكل وكمان انها 1600 سى سى لكن الكيا 1400 بس 3 -- نيجى للبريليانس بس انا مش عارف اى نوع من البريليانس( FSV & FRV عموما الماركة نفسها كويسة ومحترمة البريليانس توكيل محترم البافارية توكيل الى ماسك BMW التعامل محترم لدرجة انهم بيعاملوكى زى مابيعاملوا بتوع البى م الشكل جميل والتوكيل محترم بعد الرغى الكتير دة وصلنا لاية ودى طبعا وجة نظرى الخاصة وليست فرضا ع احد نيو اكسنت او بريليانس انا بقول نيو اكسنت لانى بحب العربية دى ولسبب اخر ان البريليانس بقالها فترة مش موجودة والتوكيل كل شوية بياخر المعاد النتيجة ( نيو اكسنت ) اسف ع الاطالة تحياااااااااااااااااااااا ااتى ليكى وربنا يوفقك وقوليلنا ققررتى اية:fun_36_3_4[1]: |
رد: بريليانس ولا سبرنزا ولا كيا و لا هيونداي !!!؟؟؟؟؟!!!؟؟؟؟!!!؟؟؟؟
تيجو 2000 الافضل
|
رد: بريليانس ولا سبرنزا ولا كيا و لا هيونداي !!!؟؟؟؟؟!!!؟؟؟؟!!!؟؟؟؟
توكلى على الله واشترى جاك b class
|
| الساعة الآن 04:13 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017