ايهما افضل العجل العريض ام الرفيع وهل له علاقه بالثبات
عن نفسي افضل العريض ولكن لا اعلم فوائده
وهل يمكن تغيير العجل الرفيع بعجل عريضptmnlo123per122 |
رد: ايهما افضل العجل العريض ام الرفيع وهل له علاقه بالثبات
العجل العريض افضل عشان اقوى من حيث العزم وحلو فى المطباط وعلى الطرق السريعة وبالاخص فى السيارات العالية مش عريضة بس ميكنش مبالغ فى عرضة عشان ميتلفش العفشة
|
رد: ايهما افضل العجل العريض ام الرفيع وهل له علاقه بالثبات
طبعا فى فرق لصالح العريض ...
1-شكل احلى .. 2-ثبات اعلى ... 3-تحكم .. و ينفع تغير من رفيع لعريض و انا نفسى عملت كده و حسيت بفرق ملحوظ فى الثبات خصوصا فى الغرز و الملفات القاسيه ... مع ان العربيه اساسا ثابته ... |
رد: ايهما افضل العجل العريض ام الرفيع وهل له علاقه بالثبات
غير ان العريض بيعيش اكتر
علشان التقل بيتوزع علي مساحه اكبر |
رد: ايهما افضل العجل العريض ام الرفيع وهل له علاقه بالثبات
انا برضو بحب العريض لكن
العريض اقل مرونة مع المطبات اقل تماسكا على الاراضى المبتلة تسارع ابطىء لكن كله يهون قصاد الثبات والاداء الافضل فى الفرملة للكاوتش العريض |
رد: ايهما افضل العجل العريض ام الرفيع وهل له علاقه بالثبات
فوائد الكاوتش العريض
1- ثبات اعلي 2-قوه فرامل اعلي توزيع مثالي لوزن السياراه فوائد الكاوتش الرفيع 1-سرعه انطلاق 2-اعطاء العزم الكامل 3-سهوله تفادي المطبات و الخنادق الموجوده في شورعنا و طبعا العيوب العكس تماما في ال 2 |
رد: ايهما افضل العجل العريض ام الرفيع وهل له علاقه بالثبات
العجل العريض معناه زياده مساحه التصاق الكاوتش بالارض ..
وبالتالي ثبات اكتر ... تماسك و قوه احتكاك اعلا .. استهلاك بنزين اكتر ... مناوره اصعب ... دريكسيون اتقل ... سرعه قصوى اقل ... فرامل احسن ومسافه توقف اقل وده سبب ان العربيات الصغيره بيكون عجلها رفيع .. لأن سرعتها القصوى مش كبيره ... واداء متواضع .. وبالتالي مش محتاجه تماسك كبير ... وبالتالي العجل الرفيع بيساعد على رفع السرعه القصوى و تسارع العربيه وكمان للمساعده في توفير البنزين ... لكن فرامل ضعيفه نسبيا ... وثبات ضعيف والله اعلم |
الساعة الآن 12:14 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017