مشكلة في سخونة المروتي و مش فاهم من أيه ، النجداا!!!
 

والله يا جماعة أنا مش عرف مشكلة السخونة ده من أيه !!
إنهردة الصبح بفتح الرديتير لقيت المية فيه كاملة ، و زودت ميت الأربى
بس و أنا ماشي المؤشر بيعد النص و مش فاهم من أيه
هل علشان المروحة مش بدوور
ولا من الزيت
ولا من أيه مش فاهم
الملاحظ اني لم بيكون الطريق ماشي ، و أنا دايس بنزين ، المؤشر بيهدي و ينزل
بس لامة الطريق بيكون واقف بلاكي المؤشر زاد تاني ، لدرجة إنو بيوصل لحد الأخر خالص
يا ريت حد يفهمني علشان أعرف أروح لأنهي صنيعي

رد: مشكلة في سخونة المروتي و مش فاهم من أيه ، النجداا!!!
 

اكيد المشكلة بسب المروحة اكشف علي ثرموثتات العربية او شوف فيوس المروحة لو مقامتش المروحة شيك علي التوصيلات

رد: مشكلة في سخونة المروتي و مش فاهم من أيه ، النجداا!!!
 

هو طبيعى طول مانت ماشى هيبقى الهواء فى وش العربيه ويتولى تبريدها وطبيعى لما تمشى فى الزحمة مفيش هواء كفاية فى وش العربيه فهتسخن لو منظومة التبريد مش شغالة

محتاج ميكانيكى بسرعة يبص على العربيه علشان السخونة متعملش مشاكل اكبر فى الموتور

بس عامة لو بتلاقى المية كاملة احتمال يكون المشكلة فى المروحة او الترموستات

رد: مشكلة في سخونة المروتي و مش فاهم من أيه ، النجداا!!!
 

ممكن جدا يبقى سلك الارضى,
عموما بص على المروحة هل تعمل بطريقة طبيعية ام لا, و قم بتنظيف الرادياتير,
لو السخونة بتقف بعد النص يبقى غالبا مشكلة سلك الارضى او فى عداد الامبير,
لو السخونة بتكمل لحد الاحمر اذن هناك مشكلة فى دورة التبريد.

رد: مشكلة في سخونة المروتي و مش فاهم من أيه ، النجداا!!!
 

شكراً و جزاك الله خير جميعا
أنا كشفت على المياه لاقتها كلمة في الرادياتير و في الأربى
و يوم السبت إلي فات لم العربية سخنت في الطريق عديت على كهربائي و زودنا مياه في الرديتر قالي دوس بنزين ، و الالمروحة دارت و العربية هدييت
يبقه المروحة شغالة لم زودت بنزين
كدا بقى أروح لكهربائي ولا بتاع رادياتير ؟؟

رد: مشكلة في سخونة المروتي و مش فاهم من أيه ، النجداا!!!
 

المروحة ملهاش دعوة بزيادة البنزين من عدمه,
أعتقد ان المروحة اشتغلت لما زودت المياه, المروحة لا تعمل فى حالة نقص المياه فى الرادياتير لأنها تعمل اعتمادا على حرارة الماء لذا فالمشكلة ليست المروحة.
لو الميه بتنقص يبقى غالبا فيه تسريب بص اولا على الخراطيم و الوصلات ثم الرادياتير.