مشكلة في مياه الرديتير في ال مروتي؟؟
 

سلام عليكم
أنا عايز أعرف هو المفروض أزود مياه الرديتير كل أد أيه في المروتي ؟
أنا مزوده يوم السبت إلي فات هي و الأربة ملتهوم، و إنهردة المياه خلصت من ال رديتير و المروحة مدرتش و العربية ولعت
مؤشر الحرارة وصل لحد الأخير


أنا بعمل ٥٠ كيلو في اليوم
يعني من يوم السبت حوالي ٢٥٠ كيلو
شكراً جزيلاً

رد: مشكلة في مياه الرديتير في ال مروتي؟؟
 

كدة انت عندك مشكلة في دورة التبريد
ولازم تشوف حد بتاع رادياتير

لأن الطبيعي انك تزود المياة كل فترة كدة وتزودها حاجة بسيطة

رد: مشكلة في مياه الرديتير في ال مروتي؟؟
 

الكلام ده مظبوط جدا ........
متسكتش علي حوار السخونة ده يا عم رامي........ربنا يسترها ع الجميع

رد: مشكلة في مياه الرديتير في ال مروتي؟؟
 

والله يا جماعة أنا مش عرف مشكلة السخونة ده من أيه !!
إنهردة الصبح بفتح الرديتير لقيت المية فيه كاملة ، و زودت ميت الأربى
بس و أنا ماشي المؤشر بيعد النص و مش فاهم من أيه
هل علشان المروحة مش بدوور
ولا من الزيت
ولا من أيه مش فاهم
الملاحظ اني لم بيكون الطريق ماشي ، و أنا دايس بنزين ، المؤشر بيهدي و ينزل
بس لامة الطريق بيكون واقف بلاكي المؤشر زاد تاني ، لدرجة إنو بيوصل لحد الأخر خالص
يا ريت حد يفهمني علشان أعرف أروح لأنهي صنيعي

رد: مشكلة في مياه الرديتير في ال مروتي؟؟
 

رد: مشكلة في مياه الرديتير في ال مروتي؟؟
 

شكراً و جزاك الله خير جميعا
أنا كشفت على المياه لاقتها كلمة في الرادياتير و في الأربى
و يوم السبت إلي فات لم العربية سخنت في الطريق عديت على كهربائي و زودنا مياه في الرديتر قالي دوس بنزين ، و الالمروحة دارت و العربية هدييت
يبقه المروحة شغالة لم زودت بنزين
كدا بقى أروح لكهربائي ولا بتاع رادياتير ؟؟

رد: مشكلة في مياه الرديتير في ال مروتي؟؟
 

روح لكهربائى هايغير لك حساس الحرارة عشان اول المؤشر لما يوصل للنص المروحه تشتغل
وممكن يركب لك مفتاح للمروحه عشان تشغلها يدوى لو المؤشر عدى النص
وخد بالك ان سخونة العربيه مشاكلها كبيره جدا وممكن تكلفك موتور ( لو العربيه سخنت معاك بالطريقه دى مرتين خلال نفس الاسبوع يبقى لازم تغير زيت الموتور عشان الزيت بيتحرق من السخونيه )