|
ارجوكم افيدونى فى تغيير زيت الفتيس فعلا رايكم هيفيدنى جدا
بسم الله الرحمن الرحيم اولا يا جماعة انا معايا فيرنا 2007 عاملة 50 الف كيلو ودايما اسمع انك متغيرش زيت الفتيس المانيوال وزودة لو احتاج وانا كشفت علية كذا مرة لقيتة مش محتاج تزويد الوقتى فى زى صوت زنة بسيطة جدا مسموعة وانا رافع رجلى من على الدبرياج بتروح اول ما المس الدبرياج مجرد اللمس رحت ميكانيكى قلى الزيت ناقص شوية وكفاية كدة علية غيرة احسنلك وصدقنى الصوت هيروح طب غيرة قالى بصراحة انا اغير بس اشترى لاة عشان مفيش حد عندة ضمير فى المدينة الصناعية فى السويس اشترى انت وانا تحت امرك السؤال الاول ودا اجبارى ما هو افضل زين فيتيس للفيرنا مانيوال وهل نوعة 90 ام 140 فى اللزوجة وكم لتر ياخذ فتيس الفيرنا السؤال التانى اختيارى هل فعلا يجب تغيير زيت الفتيس وليس تزويدة فقط اذا كانت الاجابة نعم فاغيرة كل كام الف مثلا بالله عليكم تساعدونى لانى حاسس فعلا انى المشكلة فى نقص زيت الفتيس ارجو الرد وشكرا لحضراتكم تمنياتى لكم بالنجاح والتوفيق |
رد: ارجوكم افيدونى فى تغيير زيت الفتيس فعلا رايكم هيفيدنى جدا
هههههه اية يا جدعان الصحراااااااااااء دى
|
رد: ارجوكم افيدونى فى تغيير زيت الفتيس فعلا رايكم هيفيدنى جدا
يفضل تغييره بزيت ذو درجة لزوجة 90
|
رد: ارجوكم افيدونى فى تغيير زيت الفتيس فعلا رايكم هيفيدنى جدا
افضل زيت تروس على الاطلاق وعن تجربة زيت شل للتروس 90-140 وهو زيت على الجودة ولكن غالى الثمن ووصل اخيراً الى 70ج للجركن اربع ليترات ، وفى زيت موبيل تروس 90 ب 20ج الكيلو بس خفيفزيادة عن اللزوم ، اشترى جركن ( لأن مفيش كلوات فردية) غالباً معظم الفتيس بياخد كيلو ونصف وعموما هو هيفضى الزيت القديم ( بشرط ان تكون السيارة باردة تماماً ودة مهم جداً ) وبعدين يقفل الطبة اللى فضى منها ويبتدى يزود الزيت من طبة المقاس ودى بتبقى على جنب واعلى من الطبة الاولى لغاية ما يبتدى الزيت يسيل من الطبة يبقى كدة خلاص تسيب الفتيس يصفى الزيادة حتى يتوقف الزيت عن النزول تماماً ( الزيت الزيادة بيضرب اويلسيل الفتيس ) وبعدين تدور العربية فى وضع الثبات حتى تصل لدرجة حرارتها العادية للسير وتتوكل على الله واحدة واحدة لغاية الغيار الخامس وبكدة تتم العملية بنجاح وبدون اية آثار جانبية
ولا تنسانا من صالح الدعاء |
رد: ارجوكم افيدونى فى تغيير زيت الفتيس فعلا رايكم هيفيدنى جدا
يا باشا الزنة ديه زنة بليه طقم الدبرياج
|
رد: ارجوكم افيدونى فى تغيير زيت الفتيس فعلا رايكم هيفيدنى جدا
طيب يا جماعة انا اجيب شل 90 صح كدة اصلى سالت انهاردة واحد قالى 90 على 80 دا اسمة كدة
وواحد تانى قالى 90 على 140 مش فاهم اى حاجة ممكن حد يحددلى اجيب اية بالاسم بالضبط اروح اقولة للراجل يدهونى ومعلش هو لازم تغيير الزيت ناس تقولى لاة اوعى تغيرة زودة بس حد يقولى وبالنسبة لاخويا اللى قال انها بلية بص هو لو بلية تحس بالونة او الزنة وانت دايس دبرياج ولما تسيبة الزنة تروح انما انا عندى ونة بسيطة لما اسيبة خالص وواحد قالى غير وتوكل على الله وهيختفى بس مش عارف حكاية انة لازم يكون باردة العربية دى انا محتار شوية وبعد اذنكم عايز رد مفصل وشكرا اوى لكل اللى ساعدونى الف شكر |
رد: ارجوكم افيدونى فى تغيير زيت الفتيس فعلا رايكم هيفيدنى جدا
انا مكدبش عاليك انا لسة شايف موضوع هنا فى المنتدئ الرائع موضوع بتاع استاذ عصام عنايم وبجد الزيت لما غيرة كان شكلة وحش جدا الفرق بين الجديد والقديم كبير جدا جدا جدا
جدا ودة خلانى بصراحة وانا بغير زيت الموتور يعنى فاضل حوالى 2500كيلو وانا بغير زيت الموتور هغير زيت الفتيس بالمرة كمان لان بصراحة لما عصام غير الزيت بيقول الفرق كبير جدا جدا فى حركة الغيارت واللى انا اعرفة كل زيوت لازم تتغير زى زيت الموتور كدة بيتغير علشان الاحتكاك طيب ماهو بردة الفتيس كلة احتكاكات بردة وانا بصراحة لما شوفت الموضوع قررت اغيرالزيت مع زيت الموتور الموضوع فى قسم الانوس ادخل وشوفة واتأكد براحتك وربنا معاك وعلى فكرة الموضوع من مكلف قوى يعنى حاجة بسيطة |
| الساعة الآن 12:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017