سؤال لمالكى ال BYD - F3
 

السلام عليكم
عندى بس كام سؤال بخصوص السيارة بى واى دى موديل 2007
1- انا بسمع كتير ان العربية فيها وصله AUX ممكن اعرف مكانها فين بالضبط لانى مش لاقيها ؟
2- وظيفة الزرار الكبير اللى فوق زرار A/C لانه عندى دخل جوة ومش عارف اطلعه ومعرفش وظيفته ايه ؟
3- زرار الكاسيت اللى بيتحكم فى الصوت بيعلى ويوطى الصوت هو شغال لكن الدائرة السوداء اللى عليه من بره مش موجوده ( المقبض اللى بتتحكم فى الصوت منه ) ممكن اعرف اشتريها منين ؟
4 - سير الكاتينة يتغير كل كام كم ( انا مشترى العربية وكان متغير على 40183 كم ) اغيره تانى امتى ؟ مع العلم ان السيارة عاملة الوقتى 68800 كم

متشكر جدا لتعاونكم ومنتظر المساعدة ان شاء الله .

رد: سؤال لمالكى ال BYD - F3
 

سؤال كمان للاعضاء الكرام وارجو ان لا اتسبب فى اى ازعاج
بخصوص تكلفة تجديد الرخصة لهذة السيارة فى كلا الحالتين :
1- تجديد الرخصة الحالية فقط دون نقل الملكية
2- عمل عقد مسجل لنقل الملكية ثم تجديد الرخصة لمدة سنة

رد: سؤال لمالكى ال BYD - F3
 

QUOTE=ashrafsoft;469146]السلام عليكم
عندى بس كام سؤال بخصوص السيارة بى واى دى موديل 2007
1- انا بسمع كتير ان العربية فيها وصله AUX ممكن اعرف مكانها فين بالضبط لانى مش لاقيها ؟
هتلاقى مكانها فى التسجيل على اليمين فوق تقريبا والوصلة المفروضة مستلمها مع العربية

2- وظيفة الزرار الكبير اللى فوق زرار A/C لانه عندى دخل جوة ومش عارف اطلعه ومعرفش وظيفته ايه ؟
ا[COLOR="yellow"]لزر الخاص بتربيد يعنى انت لو شغلت التكيف بدون الضغط على هذا الزورار هيشتغل مروحة [/COLOR]

3- زرار الكاسيت اللى بيتحكم فى الصوت بيعلى ويوطى الصوت هو شغال لكن الدائرة السوداء اللى عليه من بره مش موجوده ( المقبض اللى بتتحكم فى الصوت منه ) ممكن اعرف اشتريها منين ؟
فى ضمان استمله مع العربية خاص بتسجيل يرجى قراءتها اذهب لقرب معرض اسئل عليه مالك السيارة

4 - سير الكاتينة يتغير كل كام كم ( انا مشترى العربية وكان متغير على 40183 كم ) اغيره تانى امتى ؟ مع العلم ان السيارة عاملة الوقتى 68800 كم
ايلى اعرفه ان السيور كلها بتغير كل 10000 الالف برجاء مالك السيارة القديم عن اخر مره غير فيه السير ده

والله الموفق

رد: سؤال لمالكى ال BYD - F3
 

شكرا استاذى لردك ولكن حضرتك فى بعض الردود ما اخدتش بالك من السؤال كويس
وظيفة الزرار الكبير اللى فوق زرار A/C لانه عندى دخل جوة ومش عارف اطلعه ومعرفش وظيفته ايه ؟
انا بقول لحضرتك اللى فوق زرار A/C
بعنى زرار A/C موجود

سير الكاتينة يتغير كل كام كم ( انا مشترى العربية وكان متغير على 40183 كم ) اغيره تانى امتى ؟ مع العلم ان السيارة عاملة الوقتى 68800 كم
سير الكاتينة مختلف عن باقى السيور وانا ذكرت لحضرتك ان صاحبها مغيره على 40183 كم
ولكنى سمعت ان مش كل العربيات زى بعضها فى بيتغير على 40 الف وفى 80 الف وفى 100 الف فيا ريت اعرف بى واى دى يتغير كل اد ايه ؟

رد: سؤال لمالكى ال BYD - F3
 

الزرار الكبير ايلى فوق a/cعندى لايدخل جوه وهو مصمت
اما سير الكاتينة الافضل تاخد للاقرب وهو40 الالف وده رائى والله اعلم

رد: سؤال لمالكى ال BYD - F3
 

الله ينور عليك اخى
ومش معنى انى بقول دخل لجوة انى كنت بضغط عليه لالا هو دخل بالكامل الى داخل التابلوه
وان شاء الله اعرف اطلعه او اروح لحد يقدر يساعدنى
رجاءا اخى كمل جميلك معايا ورد على اسئلتى بتاعه الترخيص والضريبة

رد: سؤال لمالكى ال BYD - F3
 

ان مش عرف كتير عن الترخيص والضريبة علشان اول مره اروح المرور رحت لما كنت برخص 2011 byd f3 وكانت ترخيص اول مره ان دفعت المبلغ ان دفعت حوالى 1500جنيها ترخيص + ضريبة + تامين لمدة 3 سنوات
اما بخصوص نقل الملكية مش عارف افيدك
يوجد قسم فى المنتدى خاص بهذا الموضوع برجاء قراءة المواضيع ايلى فيها وربنا يوفقك