|
ال reverse بيعلق حد يفيدني حتجنــــــــــــــــــــن ="(
يا شباب حد يفيدني ال Reverse بيعلق كتـــــــــــــــــــــــ ـــــير أوي و بتنتش كتير و العفشه حاسس أنها ناشفه أوي
و للمعلوميه العربيه عامله 825 كيلو بس حد يفهمني بس هي كده ولا في حاجه غلط ؟؟؟؟ :shwt: |
رد: ال reverse بيعلق حد يفيدني حتجنــــــــــــــــــــن ="(
ممكن لو سمحت توضح أكتر .. يعنى السيارة مانويل ولا أتوماتيك .. الريفيرس بيعلق إزاى . يعنى بييجي معاك الغيار و بعدين يفلت ولا مابيجيش إلا بصعوبة ؟؟؟ و موضوع العفشة ناشفة ده طبيعي .. السيارة لسه جديدة .. و هتليين معاك مع الوقت .. كمان خاللى واحد بتاع كاتوتش يظبطلك ضغط العجل على 30 مش أكتر من 30 .. لأنها بتطلع من الوكاله ضغط العجل يمكن 40 أو أكتر . و مبروك عليك السيارة و إنشاء الله تكون مشكلة بسيطة
|
رد: ال reverse بيعلق حد يفيدني حتجنــــــــــــــــــــن ="(
طبعاً العربية لسه جديدة وطبيعى إن العفشة تكون لسه ماخدتش وضعها الطبيعى وبخصوص الـ Revers فده مهمة التوكيل يظبط لك كل شيئ فى صيانة الـ 1000 ، ومبروك عليك العربية وربنا يكفيك شرها
|
رد: ال reverse بيعلق حد يفيدني حتجنــــــــــــــــــــن ="(
أستاذ / محمود سامي .........
ألف شكر علي إهتمام حضرتك و العربيه مانيول و الغيار بيعلق فعلا و بياخد وقت عقبال ما بيرضي يجي و طبعا أنت عارف الشعب الجميل بكون أخدت تهزيق للصبح بدون أي ذنب. فما هو الحل للمشكله ديه ؟؟ :08da300846c84943ae1 |
رد: ال reverse بيعلق حد يفيدني حتجنــــــــــــــــــــن ="(
الله يبارك في حضرتك يا أستاذ / نبيل و شكرا علي مرور حضرتك الكريم
أنا بس عايز أطمن علي كل حاجه قبل ما أسافر علشان متعملش معايا الناقصه علي الطريق علشان كده بحاول أخلص ال1000 كيلو بسرعه علشان أروح أول صيانه. :36_1_1[1]: |
رد: ال reverse بيعلق حد يفيدني حتجنــــــــــــــــــــن ="(
أستاذ حنفي .. مشكلة التعليق ده لازم تروح التوكيل يظبطوها هتبقى أكيد مشكلة فى التروس .. و على فكرة ممكن تروح قبل 1000 كم .. لأنك رايح عشان مشكلة فى السيارة موضوع الصيانة ده حاجة تانية لما ييجي ال1000 كم فى مياعدها روح تانى دى مشكلتهم لازم يظبطوها .. و انشاء الله تكون بسيطة .. بالنسبة للسفر أنصحك ماتسفرش بيها قبل ال 1000 كم .. عشان غلط تمشي على غيار واحد فترة طويلة عشان التليين .. لما تعمل صيانة ال1000 توكل على الله و سافر براحتك .. يكونو غيرو زيت و نزل الرايش بتاع الموتور فى الزيت القديم .. اللى عايز أقولهولك موضوع مشكلة فى السيارة دى حاجة و ميعاد الصيانة حاجة تانية و لما تروح تقولهم كده ... أمال يعنى أيه سيارة فى الضمان ..و ربنا يستر طريقك
|
| الساعة الآن 04:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017