مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - استفسار (https://www.masrmotors.com/vb/showthread.php?t=61724)

السلام عليكم
انا بصراحه مقيم فى السعوديه واسمع على السيارات الصينى فى مصر وكنت عايز اعرف منكم هل السيارات دى كويسه يعنى واحد صاحبى بيقول اول شىء بيتعمل فى السيارات دى بيتفك ليها الفرامل وبتتغير
وكنت عايز اعرف سعر المستعمل منها كام يا ريت يا جماعه اليعرف ميبخلش علينا بمعلومه
وشكرااااا
جزيلاااااااا
لكم

رد: استفسار

المشكلة في الصيني والمشاع عنه انه عامل زي البطيخة يا قرعه يا حمرا يعني يتجيب عربية تريحك يا عربية تعكنن عليك عيشتك من المشاكل اللي فيها والغالبية بتبقي قرعه علي فكرة

خليك في المضمون وعمتا الصيني المستعمل بينزل جامد في سعره لان الناس بتخاف تشتريه ليطلع معيوب وصاحبها عايز يخلص منها وده المتعارف عليه دايما

رد: استفسار

جزاك الله خيرا على المعلومات المفيده
والف شكرا ياعم على النصيحه المهمه وان شاء الله انا هعمل بها
شكرا
جزيلا

رد: استفسار

اقتباس:

المشاركة الأصلية كتبت بواسطة corsair (المشاركة 463647)

ياأخى العزيز...رأى حضرتك ينم على إنك استعملت كل السيارات الصينى لأنك شايف إن كل السيارات الصينى هتبقى قرعة ,ارجوا ان يكون الرأى مبنى على ردود منطقية مش مبنى على امور بطيخية,ده حتى الأخ الذى سأل بانى رأيه على فكر مغلوط ,يعنى ايه الى بيشترى عربيه صينى بيغير الفرامل هيه عجله يجماعة ,بلاش النظرة السطحية ,وفى النهاية نجد انفسنا بنمجد فى الصينى زى مكنا بنعمل مع الكورى وقبله اليابانى فى السبعينيات من القرن الماضى,طبعاً معظم حضراتكم صغار السن مش زى العبد لله عجوز ومش هتعرفو ان الناس زمان يعنى الى اوئل الثمانينات كانوا ينظرو لليابانى زى نظرتهم للكورى ثم الأن الصينى,المنطق بيقول ان كل شىء بتطور طالما ان الأمور تأخذ مأخذ الجد ,وهذا هو حال الصينيين الأن,مره أخرى بلاش منطق البطيخ ارجوك ,واضح انك مصيف من الدرجة الأولى تكييف وغاوى تأكل بطيخ كتير,عموماً,تحياتى الى حضرتك ...

رد: استفسار

اقتباس:

المشاركة الأصلية كتبت بواسطة aymanlaw (المشاركة 466555)

ده اللي هو صيني ومن سكان الصين اصلا مركبش كل عربيات بلده ....وحكم عليها بطيخ.
فعلا رأي ونضرة بطيخية ...من الاخ corsair أو مايسمى بالفتي على السريع.
تحياتنا للسائل والمجيب ...

رد: استفسار

اقتباس:

المشاركة الأصلية كتبت بواسطة aymanlaw (المشاركة 466555)

ارجوا ان يكون الرأى مبنى على ردود منطقية مش مبنى على امور بطيخية

هههههههههههههه حلوه قوى الامور البطيخية دى ويا سلام لو معاها شوية امور جبنية براميلية الله الله الله وهو ده المطلوب فى الجو الحر ده ههههههههههه:286: انا اؤيد رأى حضرتك يا استاذ ايمن (على اسمى ) وان شاء الله مع الوقت النظرة هاتتغير للمنتج الصينى زى ما اتغيرت للمنتج اليابانى والكورى وفى النهاية دى عربية وفيها كل المقومات (الدلائل ) اللى تثبت ده لكن للأسف ان الشائع عن المنتج الصينى وخصوصا المنتجات الاستهلاكية انها مش بتعمر وشهر والتانى تجيب غيرها اعتقد العمر الافتراضى للسيارات يختلف كتير عن المنتج الاستهلاكى لان ع الاقل المفروض العربية عمرها الافتراضى(فى وقتنا هذا) ما يقلش عن 15 بحد ادنى وماننساش كمان فرق سعر العربيات الصينى اللى بتديك اعلى امكانية بأقل سعر وهوه ده منهج الصين فى صناعتها يا ريتنا نبقى ربعهم
احييك على رأيك بشدة:286:

اقتباس:

المشاركة الأصلية كتبت بواسطة mot (المشاركة 466843)

مايسمى بالفتي على السريع.
...

الاخ الفاضل mot العضو الجديد اهلا بيك فى المنتدى والتمس من حضرتك تخفيف لهجه استنكار الاراء او بمعنى اوضح اختيار المسميات فى الحوار
وممكن بدل ماتقول( فتى على السريع) تختار معانى ارق من كده زى استاذ ايمن فى المشاركة السابقة (اراء مبنية على كذا ....) لان ممكن كلمه بسيطة بدون قصد تزعل حد واحنا مش عايزين حد يزعل مننا يا باشا
اعذرنى على المشاركة وتقبل كلماتى برحابة صدر :140109~347:

رد: استفسار

اقتباس:

المشاركة الأصلية كتبت بواسطة بن سام (المشاركة 463447)

اهلا بيك اخينا الفاضل وحضرتك حطيت السؤال المناسب فى القسم المناسب تماما
بس الماتش بتاع النهارده يخلص (الاهلى والزمالك) وان شاء الله هتلاقى اجابات كتير على سؤالك
ومن وجهة نظرى ان السيارات الصينية شأنها شأن اى سيارة فى العالم بدليل ان معظم منديات السيارات افرد قسم مخصوص للسيارات الصينة بالاضافة الى الاقبال على شرائها وفتح التوكيلات ومراكز الصيانة الخاصة بها فضلا عن توافر قطع الغيار وان شاء الله لا تزعج نفسك بما يشاع حول المنتج الصينى الضعيف لانها سيارة وليست لعبة اطفال او احد الاجهزة الضعيفة
وفقك الله الى مافيه الخير
وتقبل مرورى
على فكرة العربية دى صينى:ff5a34af6efef0e643e
:260309~352: وماشية معايا زى الفل هههههه
:THE_PR~18: