السرعة وعدد لفات الماتور
 

يا جماعة أنا كنت سايق الماتركس اليوم. وكنت بحاول الاحظ السرعة تبعا لعدد لفات الماتور. لاحظت اننا بنوصل لسرعة 40 كيلوا عند عدد لفات 3000 لفة. طبعا لسة العداد فيه لحد 7000 اللى بتكون فى المنطقة الحمراء. أنا دلوقتى عاوز أعرف هل لو أستنيت على الغيار لحد ما المؤشر وصل إلى 4000 دة يبقى فى غلط.

أنا بسأل دة لان يعنى 40 كيلوا تعتبر بطئ ومحتاج إنها توصل 50 كيلوا علشان أكون ماشى زى اللى العربيات اللى حوالى. محدش بيعدى 60 كيلوا إلا لمددة دقيقة وغصب عنه هيهدى لوجود إشارة أو زحام أو تقاطع لاننا فى مدينة صغيرة. أنا مش عاوز كل شوية أخد الثالث وبعدين أنزل الثانى بعد دقيقة ، وأرجع أخد الثالث وأرجع للثانى مرة ثانية بتغير السرعة من 50 أو 60 إلى تحد 40 كيلوا حسب ظروف الطريق...

رد: السرعة وعدد لفات الماتور
 

ممكن طبعا مشكلتها ان استهلاك البنزين حيرتفع

رد: السرعة وعدد لفات الماتور
 

يعنى حضرتك بتنصح انى مش اعدى على 3000 لفة وبعدين اخد الغيار اللى بعدة لان عدد اللفات الأعلى يعنى مستوى اعلى من استهلاك البنزين

رد: السرعة وعدد لفات الماتور
 

طبعا لو عايز توفر انقل على 3000 كده معقول لو عايز توفر اكتر بس حتبقى ادائها ممل قوى انقل قبل كده كمان عند 2500 مثلا
و فى نصيحة فى معظم كتيبات السيارات انك تنقل عند ال rpm المقابل لاقصى عزم مش عارف عندك كام بس دى علشان تحصل على اداء معتدل و توفير متوسط

رد: السرعة وعدد لفات الماتور
 

يا أستاذ أحمد أقصى عزم دة بتكون عند عدد لفات 5800 وأعتقد مفيش حد ممكن يستنى على النقل لحد 5800. كما النقل على 2500 تبىق دلع قوى للماتور يعنى بالشكلة دى عمر الواحد ما هيوصل 100 كيلوا فى الساعة إذا كان هينقل إلى الثالث على سرعة 30 كيلوا علشان يكون عدد الفات 2500

رد: السرعة وعدد لفات الماتور
 

الحقيقة مش مهم التوفير للبنزين عندى. المهم راحت الماتور. يعنى العمر الطويل يكون النقل على كم عدد لفات...

رد: السرعة وعدد لفات الماتور
 

الحقيقة أنا شفت حاجة فى الكتالوج بتاع العربية بتقول التالى أقصى سرعة لكل نقلة من الفتيس كالتالى:::

I: 48
II: 85
III:125
IV:164
V:208

المشكلة أن العداد أخرة 220 كيلوا مش 208 اللى كتبنها دى وكمان العربية عمرها ما تجيب أقصى من 160 بالكتير أوى دى ماتركس ومرتفعة. مش فاهم الأرقام دى حطنها أزاى؟