صوت نقره فى موتور الاوبل
 

عندى صوت نقره فى موتور الاوبل فيكترا a مانور 2000cc روح ت لكزا ميكانيكى يقولوى ده غطاء البستم والتانى يقول بلوف والتالت يقول الوتور ده كدا بس كلهم قالولى دى مابتاثرش على اى حاجه هو فعلا الماتور ممتاز ولا فى دخنه ولا اى حاجه وسحبه حلو اوى انتم ايه رايكم.

رد: صوت نقره فى موتور الاوبل
 

لو الصوت مش لسه ظاهر جديد واداء العربيه طبيعى ممكن يكون صوت طبيعى فى العربيه فعلاً وانت بس اللى مستغربة وبصراحة موضوع الاصوات ده حسمة صعب جداً فلو شاغلك اوى يبقى لازم تكشف عند ميكانيكى واتنين لحد ما تتأكد من العيب المسبب للصوت ده

رد: صوت نقره فى موتور الاوبل
 

ياريت توضح الصوت منين بالظبط فى الموتور من الكامه ولا من تحت الموتور طرمبه الزيت ولا من ايه ياريت توضيح اكتر :shyy:

رد: صوت نقره فى موتور الاوبل
 

الصوت ممكن يكون خشونة ف حاجة معينة .. اللى هيقدر يحسم لك الامر هو الميكانيكي للاسف
ولازم واحد نضيف وخبرة وبيراعي ربنا وهما قليلين جدا ف الزمن دة

رد: صوت نقره فى موتور الاوبل
 

الصوت تقريبا من تحت والصوت ده من زمان وحالة الموتور جميله اوى ممكن يكون حاجه فى البساتم؟

رد: صوت نقره فى موتور الاوبل
 

لو من تحت الموتور يبقى مش بستيم ولا التاكيهات على كلامك لا تقلق الحمد لله

طيب بتسمع التكتكه دى وانتا ماشى بالسياره ولا هيه واقفه ودايره لو هيه واقفه ودايره يبقى كده ان شاء الله تروح تكشف على طرمبه الزيت الموتور لو وهيه ماشيه دى تبقى حاجه تانيه خالص

رد: صوت نقره فى موتور الاوبل
 

حضرتك هى نقره خفيفه