|
فورد فيسستا موديل 2000 وسكودا فيلشيا كومبي 97
ممكن افادة من اهل الخبرة
انا بدور علي عربية في حدود 35000 ومعروض فورد فييستا موديل 2000 بجالة جيدة واوبشن كويس وفي سكودا فيليشيا كومبي موديل 97 ممكن حد يعمل مقارنة واضحة للعربيتين افهم منها انهي الافضل طبعا بالنسبة لقطع الغيار و متانة العربيتين خصوصا اني مش خبير اوي في العربيات وعيوب كل عربية ومميزاتها كمان وجزاكم الله خيرا عنا اللهم آمين |
رد: فورد فيسستا موديل 2000 وسكودا فيلشيا كومبي 97
فيليشيا كومبي سيارة تشيكي ( قبل شراكتها مع فولكس ) عربية عملية موتورها اداءة ضعيف شوية و قطع غيارها متوفرة بعض الشيء و اسعارها متوسطة ( مش غالية ولا رخيصة ) شكلها غير شاعري
في بعض الاحيان بتبقى في مشاكل في دورة التبريد او التكييف لو مكيفة الفورد فيستا انا ارشحها لك افضل - شكل اكثر رياضية و حداثة - الماني بالكامل ( مصنعة في مصنع فورد المانيا لدول الاتحاد الاوروبي ) اهم حاجة يكون المحرك ال 1300 الانجيكشن اداءه راقي جدا السيارة قطع غيارها متوفرة نسبيا لكنا مرتفعة السعر و عمرها الافتراضي طويل انا ارشح الفييستا و لكن بشرط الحالة ( استعمال نضيف و فابريقة بالكامل او دواخل على الاقل و ميكانيكا و محرك سليم - و بلاش يكون في اعطال كمبيوتر و يقولك ده فيوز و مش عارف ايه حاجة هايفة - لان في اعطال الكترونية بتكون مبهدلة صاحب السيارة و مش عارف يصلحها) بالتوفيق |
رد: فورد فيسستا موديل 2000 وسكودا فيلشيا كومبي 97
الفليشبا فيها مشكلة في التبريد و ضعيفة و قطع غيارها ارخص من الفورد بس مش معمرة
الفيستا شكلها جميل اوبشن اعلاة متانة و قوة و قطع الغيار متوفرة بس غالية شوية مش كتيير و معمرة و طبعا رائي الفيستا انا كان معايا فورد 100ْ 100 |
رد: فورد فيسستا موديل 2000 وسكودا فيلشيا كومبي 97
هل حضرتك بتفكر في الهاتشباك فقط ولا السيدان ؟!
يعني لو هاتشباك ... عندك الابيزا 99 ... و الجوليت 99 - انا افضل الجوليت - بس ممكن تزود 3000 جنيه و تلاقي حاجه جميله و لو سيدان ... عندك السيينا و الاكسنت و الكليو 2002 تقبل مروري ... :vctry: |
رد: فورد فيسستا موديل 2000 وسكودا فيلشيا كومبي 97
شكرا علي اهتمامكم جدا
انا فكرت في الجوليييت بس هي متهيالي مش بسب 35000 هي بحدود كام بالظبط انا بصراحة محتار اجيب عربية مستعملة ازاي ب 35000 لاني خايف اقع في عربية تبهدلني مصاريف برده وفكرت كتير في كسر الزيرو بس مش معايا اكتر من 35000 حاليا هل في معارض بتقسط عربيات الكسر الزيرو دي وهل ده بيبقي كويس ماديا يعني ان شاء الله ولا كده حرام وفوايدها عالية ياريت حد يوجهني لسكة صح اشتري بقي وانجز لاني بجد تعبت وعندي حالة ضيق شديدة جدا |
رد: فورد فيسستا موديل 2000 وسكودا فيلشيا كومبي 97
حضرتك لو جبت جولييت مش هتغلب في مصاريف صيانه و لا ميكانيكيه ... و زود 3000 جنيه و هات جولييت 99 ...:danceW7:
|
| الساعة الآن 04:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017