|
افضل السيارات اعتمادية لعام 2009 - jdpower vehicle dependability
تقرير الاعتمادية لمؤسسة جي دي باور الأمريكية التقييم للسيارات في السوق الامريكية بعد استخدام ثلاث سنين مختلف عن تقييم الجودة المبدئية بيكون بعد ثلاث شهور أولأ ترتيب الشركات ، http://www.blogcdn.com/www.autoblog....9/03/vds_1.jpg ثانيا افضل السيارات في كل فئة ،، http://www.blogcdn.com/www.autoblog....9/03/vds_2.jpg http://www.blogcdn.com/www.autoblog....9/03/vds_3.jpg منفول من اوتو بلوج |
رد: افضل السيارات اعتمادية لعام 2009 - jdpower vehicle dependability
كالعادة تفوقت السيارات اليابانية باختلاف انواعها على نظيرتها الاوربية والامريكية بشهادة الامريكين انفسهم ptmnlo123per1147
|
رد: افضل السيارات اعتمادية لعام 2009 - jdpower vehicle dependability
اقتباس:
فى المقدمة عندك بويك الأمريكية و وراها جاجوار, و مفيش غير تويوتا هى اللى فى مركز متقدم, و عندك ميتسوبيشى و نيسان و سوزوكى و ايسوزو بعد منتصف الجدول, فى المقابل عندك مركورى و لينكولن و كاديلاك فى مراكز معقولة, و ده بينفى تماما فكرة البعض عن ان السيارات الأمريكية تفتقد للاعتمادية. على فكرة اعتمادية تويوتا (ان وجدت) لا تعود الى جودة الصنع, بقدر ما تعود الى اعتمادهم دائما على تكنولوجيا قديمة, و مجربة جيدا, فهم لا يخاطرون أبدا و لا يهمهم سوى زيادة مبيعاتهم. ده على افتراض انو هذا التقرير مش ملعوب فيه لصالح هذه الشركة أو ذاك( هتلاحظ انو السيارات التى تنتمى الى شركات لها وجود قوى فى السوق الأمريكى فى مقدمة هذا التقرير, تفتكر ليه؟). |
رد: افضل السيارات اعتمادية لعام 2009 - jdpower vehicle dependability
بس الغريبه فعلا ان العربيات الالماني ترتيبها متأخر اوي ؟؟!!
مرسيدس و بي ام دبليو .... اما فولكس ... ففي القااااااع !!!! بصراحه مش قادر اقتنع ان كرايسلر اعتماديتها اكبر من بي ام و مرسيدس كمان المسافه بين كيا و هيونداي كبيييره في حين انهم نفس التكنولوجيا و المواتير ... اختلافات تصميميه مش اكتر !!!! علامات استفهام كتيره .... مشكوووووووووووور |
رد: افضل السيارات اعتمادية لعام 2009 - jdpower vehicle dependability
فى الجدول الاول القياس على عدد المشاكل فى كل مئة سيارة والخط الاسود للمتوسط وهتلاقى اقل من المتوسط (الاكثر اعتمادية) اكثرها سيارات اسيوية فى حين ان الاوربية اقل ظهورا فى الشريحة ديه واكثر ظهورا فى الشريحة الاكثر من متوسط (الاقل اعتمادية)
موضوع التكنولوجيا القديمة انا شايفة ميزة مش عيب ان الشركة اللى بتعمل سلعة هامة زى العربيات تقدر توازن بين استخدام التكنولوجيا الحديثة وتقديمها بشكل يعتمد عليه لكن انى اقتنى احدث تكنولوجيا وكل شوية تعطل اكيد مش ميزة والشاهد ان تويوتا قدرت تقدم للعالم نموزج عملى جدا وتجارى حقيقى من السيارات الهجينة (البريوس) وباعتمادية كبيرة جدا ً |
رد: افضل السيارات اعتمادية لعام 2009 - jdpower vehicle dependability
الشركات اليابانيه وبالاخص هوندا - تويوتا ... سيارات اعتماديه في المقام الاول ...
وتويوتا بالذات ... مع تصميماتها الغير مميزه وبدون هويه او شخصيه ... لكنها في النهايه الاولى مبيعا على مستوى العالم .... وده لو مكنش بسبب اعتماديتها العاليه حيكون بسبب ايه ؟؟ اللي انا مستغرب له ان شركه المانيه عريقه زي مرسيدس يكون ترتيبها اقل من المتوسط .. كنت اتوقع ده من بي ام لميلها الدائم لاستخدام اعلا و احدث تقنيه و بالتالي وارد وجود بجز BUGS لكن مرسيدس طول عمرها معروف عنها طول فتره الاختبار و عدم نزول الموديل التجاري الا بعد اختبارات و تجارب طويله و قاسيه ..... وده كان من اسباب ان الموديل الواحد بيفضل 10 سنين او اكتر لحد ما يتزل موديل جديد .... وفولكس كمان عليها علامه تعجب !!! عموما من وجهه نظري انه من الافضل 100 مره اني اجيب عربيه بتكنولوجيا (يعتمد عليها ) عن اني اجيب احدث تقنيه و متشتغلش معايا مظبوط وابسط مثال الويندوز فيستا و لا اقولكم ... خدو رأي الميجان في الموضوع ده ptmnlo123per1147 |
رد: افضل السيارات اعتمادية لعام 2009 - jdpower vehicle dependability
شكرا بس هي الجهه دي ايه مدى مصداقيتها او تحيزها ف العمليات الاحصائيه لان دا هيفرق كتير ف النتايج
والله اعلم |
| الساعة الآن 11:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017