استفسار بخصوص صيانة 20 الف نيوسيراتو
السلام عليكم ورحمة الله وبركاتة
اخوني في المنتدي بصراحة انا معجب جدا بالروح الجميلة بين اعضاء المنتدي كنت عايز استفسر بخصوص الصيانة 20 الف في التوكيل نيو سيراتو 2010 اولا انا قرأت في المنتدي عن الموضوع دا ولقيت ان في نسبة كبيرة من المشاركات بتشتكي من السعر عالي وهو حوالي 800 جنية كنت عايز اعرف هل الواحد ممكن يعمل الصيانة برا عند حد ثقة بسعر اقل دا افضل ولا التوكيل افضل ثانيا انا عندي لمبة الفنوس الامامي مش شغالة هل هيغيروها في التوكيل على خسابي ولا الضمان المفروض يغيرها وبعد كدا موضوع انو ممكن يغير قطع من غير ما يستشير صاحب العربية ولا لأ طيب ولو في تخفيض للمشتركين في المنتدي بيكون ازاي وكام بصراحة انا اصبحت محتار مش عارف افيدوني يا اهل الخبرة افادكم الله وجزاكم عني وعن المسلمين كل خير |
رد: استفسار بخصوص صيانة 20 الف نيوسيراتو
مع أنى مش حعرف ارد على الاسئلة بس حبيت اشكرك على تقديرك الغالى لروح المنتدى و يا رب اهل الخبرة فى الموضوع يردوا قريبا
|
رد: استفسار بخصوص صيانة 20 الف نيوسيراتو
اقتباس:
|
رد: استفسار بخصوص صيانة 20 الف نيوسيراتو
بص يا سيدى
انا لسة عامل صيانة 20 فى ابو رواش الصيانة فعلا 800 ج ثانيا حكاية الصيانة برة اعتقد ان دية مش صيانة دية انت هتغير شوية حاجات وخلاص لكن فى التوكيل هما بيكشفوا على العربية وبيراجعوا على كل حاجة ثالثا موضوع انهم يغيروا حاجة من غير اذن العميل دة مستحيل لو فى حاجة محتاجة تتغير هيقولولك الاول ويا توافق يا لا انت حر انا مثلا كنت عايز ينضفوا فلتر التكيف ولما شافة قلى لازم يتغير قولتلة مش دلوقتى راح منضفة بالهوا وركبة تانى عادى خالص ROSE4UROSE4U |
رد: استفسار بخصوص صيانة 20 الف نيوسيراتو
اقتباس:
|
رد: استفسار بخصوص صيانة 20 الف نيوسيراتو
الحمد لله انا عملت صيانة العشرين الف يوم السبت الموافق 9/7/2011
طبعا كان يوم سبت ودا طبعا كان مخلي المكان زحمة جدا لاني اعتقد ان كل الموظفين بيروحو يوم السبت لانو اجازة بس المفروض ان المكان المسئول عن الحجز للصيانة المفروض انو بيراعي الموضوع دا كويس المهم انا دخلت وانتظرت المهندس الي هيستلم العربية مني الحمد لله جالي مهندس ودا كان غنيمة بالنسبة لي لاني كان عندي اسئلة كتير عايز اجابات عليها ومنها الصيانة دي بيعملو فيها اية (20000) طبعا قالي انهم بيغيرو الزيت وفلتر الزيت والبوجيها وفلتر الهواء بس -- سئلتو عن فلتر البنزين لانو موجود انو بيتغير في الورقة بتاعت الصيانة -- قال لا فلتر البنزين في صيانة 30000 مش في الصيانة دي -- سئلت على البوجيهات البلوتنيوم -- قال ان دا تقريبا حسب رغبة الزبون او مش متذكر تقريبا هو قال اية لانو كان مشغول في فحص السيارة -- سئالني على ان كان في اي شكو ؟ -- طبعا كلمتو على اللمبة الامامية و كمان ان في حدفة بسيطة في العربية بس مش عارف دي من تظبيط الهواء في العجل ولا محتاجة ظبط زوايا قال ان لو محتاجة ظبط زوايا هيكون على حسابي ويكلفني حوالي 100 جنية مع اني كنت عارف ان ظبط الزوايا من التوكيل -- سئلت على موضع التخفيض الخاص بالمنتدي قال ان الموضوع دا كان زمان لكن الان مش موجود طبعا المكان الاستراحة ممتاز لوكن في مشكلتين الاولي هي قلة الكراسي والترابيزات الناس كانت مش لاقين مكان يقعدو فية الثانية الناس في الاستراحة اللي بيدخن مش مراعي الناس التانيين والمكان المعد للتدخين في منتصف الصالة وانا ممكن اكون هعد 4-5 ساعات فدا وقت طويل فلابد ان يكون هناك مكان للمدخنيين خارج القاعة وان يكون عدد كراسي وطاولات اكثر --- الاقتراح الجميل اللي ممكن التوكيل يعملو مع كارفور مثلا انو ممكن يخلي في باصات تنقل الناس من التوكيل الي كارفور في الوقت اللي العربية في الصيانة بدل ما الناس قاعدة وبتزهق من الملل -- وبعد ما تمت الصيانة وعند الحساب وجدت ان المصباح الامامي مش من الضمان وان التكلفة حوالي 790 وهي كالاتي زيت موتور حوالي 236 فلتر زيت 30 فلتر هو 80 بس مش متذكر بالضبط ممكن لما اراجع الفاتورة مرة تانية بوجيهات 160 لمبة اماممية 28 عسيل موتور بالفوم 20 مصنعية 180 10 % ضريبة على المبلغ في النهاية كان لي سؤال هل 180 المصنعية اللي انا شايفها انها كتير جدا بسبب المصنعية بس ولا داخل من ضمنها الفحص اللي بيقولو علية وفحص الكمبيوتر وانا شاكك اصلا انو بيتم يا ريت حد يكون بيعرف ان الحاجات دي بتم على العربية ولا لا وفي النهاية هل الاسعار دي تعد اسعار معقولة ولا لا ويعني التوكيل بيعاقب الناس انهم اشترو من عندهم |
الساعة الآن 11:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017