استفسار بخصوص الايرباج فى الجين 2
|
رد: استفسار بخصوص الايرباج فى الجين 2
مبدئيا الجين تو مش مناسبة للاشخاص الطويلة وانا طولى 190 سم وكانت جحيم بالنسبة ليا
وانا مش متاكد من مكان سنسور الايرباج فى الجين تو بس صعب اوى انه يفتح الا لو الخبطة جت مركزة فى السنسور ده وده يعتبر نصيبه بقه لكن المفروض ان الايرباج ماتفتحش الا لما الحادث لا قدر الله يكون قوى بس ساعات الخبطة بتيجى فى السنسور وفى الاول والاخر العربية الة ومابتفكرش |
رد: استفسار بخصوص الايرباج فى الجين 2
يعنى مبدئيا مايفكرش فى العربيه
مع انه مقتنع بيها جدا بس هو قال لو طلعت فعلا مش هتنفع هاجيب صنى سوبر صالون |
رد: استفسار بخصوص الايرباج فى الجين 2
للأسف عربيتى لسه عاملاها معايا انا معايا ساجا اوتو 2010 والايرباج بتاعها هو هو بتاع الجين تو 100% للأسف سرحت وانا بجرى وطلعت فوق الرصيف بالعربية وربنا ستر والعربية ماحصلهاش حاجة عشان الرصيف كان واطى لكن للأسف الايرباج فتحت وتسببت ليا فى حروق شديدة على ايديا الاتنين من البودرة اللى بتبقى جوا الايرباج على قد ماهى ميزة على ماهى عيب خصوصا فى مساله اصلاحها الايرباج مش هيشتغل بدون حزام الامان وده عن تجربه لانى سبق خبطت فى رصيف قبل كده وكان اعلى من الاخرانى ده بس الايرباج مافتحتش لانى ماكنتش رابط الحزام لكن المرة دى بالرغم ان السرعه كانت اقل وارتفاع الرصيف اقل الا ان الايرباج فتح بسبب حزام الامان اللى هو بيضرب هو كمان مع الايرباج ولازم يتغير لاحظت ان فى ورقه متخيطه عند قاعدة حزام الامان مكتوب عليها AIRBAG No. xxxxxxxxx يعنى الاتنين مرتبطين ببعض بالرغم من كل اللى حصل الا انى بيزيد اعجابى واقتناعى بالبروتون اولا وبالساجا ثانيا الحمد لله وقدر الله وماشاء فعل استخر الله مره واتنين وتلاته |
رد: استفسار بخصوص الايرباج فى الجين 2
يعنى معنى كده ان الواحد لو ماشى بسرعه اقل مثلا من 60 مايربطش الحزام لانه مثلا لو لقدر الله حصل حاجه هتبقى بسيطه والايرباج مايفتحش
ولا لو خبطت السياره فى الاكصدام الامامى اللى هو مكان الحساس بتاع الايرباج تفتح ؟ |
رد: استفسار بخصوص الايرباج فى الجين 2
اقتباس:
|
رد: استفسار بخصوص الايرباج فى الجين 2
اقتباس:
بس بفهم شوية عن وسائل الامان حتى البى ام لو اتخبطت بعصايه و هى واقفة خبطة على الحظ جت فى السينسور الاير باج حيفتح و طبعا حكاية انك متربطش الحزام علشان ماشى اقل من 60 فدى كارثة اولا العبرة بالسرعة النسبية بمعنى انى بمجرد انى ركبت العربية لازم اربط الحزام و مفكهوش الا لو فعلا حنزل منها لان ممكن و انا واقف تيجى عربية بسرعة و تخبطنى من قدام حيبقى زيها بالظبط كانى كنت ماشى و خبطت عربية واقفة ثانيا الحزام عليه حاجة زى 35% من الحماية و الاير باج 17% زيادة يعنى الاساس الحزام و لو الموضوع ده مربط الفرس فموضوع الشراء فممكن لو مشاويره جوه البلد كتير على سرعات بطيئة فيبقى يشيل ريلى الايرباج و لما يجى يسافر يركبه و اخيرا لا انصحه بفصل الايرباج نهائى سواء جوه البلد او حتى لو مش حيمشى غير على الاول و ربنا هو الحافظ و أمرنا ان نأخذ بالاسباب لا تتخيل مدى الضرر و الاصابات الى ممكن تكون مميته لعربية ماشية على الاول و خبطت فى عربية تانية وش فى وش |
الساعة الآن 07:37 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017