سيتروين AX كلوب
 

السلام عليكم
اولا فى اخ فاضل كان اقترح نعمل موضوع خاص بمالكى ستروين AX بس عشان نتشارك بتجاربنا وخبراتنا والاقتراح ده كان ممتاز وخصوصا انى مره عرضت على الادارة تعمل اقسام فرعية فى كل ماركة على حسب الموديل عشان توحد الاتجاهات وتسهل البحث لكن الرد كان : بما ان عدد الموضوعات فى القسم عموما قليل فا ما ينفعش يعملوا اقسام فرعية دلوقتى ولما الموضوعات تزيد وتبقى زحمة هايقسموا قسم الستروين لاقسام فرعية على حسب الموديل زى الاقسام اللى اتعمل فيها كده
ولغاية ما ده يحصل اخدت باقتراح اخويا الفاضل وعملت الموضوع ده وبعد اذن الجميع سميته (سيتروين AXكلوب) عشان بعد كده نبقى نتقابل بقى فى الكلوب.... بس اوعوا حد يحدف كراسى ولا حاجه ويقفل لنا الموضوع......هههههههههههه هه
اتمنى تكون فكرة الموضع عجبتكم وانا على استعداد للاجابة على اى استفسار يخص AX على قد ما اقدر ان شاء الله وبرضه اللى عنده اى حاجه تخص AX يتفضل يفيدنا بيها واللى عنده روابط برضه لمواضيع AX يتكرم ويحطها عشان الموضوع ده ان شاء الله يكون مرجع شامل لموديل AX المظلوم فى البلد دى
يللا يا جماعة ايدينا فى ايدين بعض
وانا اول واحد هبدأ بأخر موضوعاتى واشملها وهوه تجديد العربية سمكرة ودوكو كهرباء وكماليات وفينيش وكل اللى قدرت اعمله فى عربيتى لغاية ما الفلوس خلصت هههههههه سيتروينتى AX

رد: سيتروين AX كلوب
 

ايه يا جماعة هو مافيش حد عايز يشترك فى الكلوب ولا ايه؟؟؟؟
ده فيه قاعده حلوه وبلياردو وكافيتيريا وتليفزيون LED كبييييييييييييير 56 بوصة:3_8_14:
يللا تعالوا بدرى واحجزوا مكان هههههههههههههههههههه

رد: سيتروين AX كلوب
 

يا ترى ليا مكان ههههههههه شكرا ليك جدا يا ايمن على الاقتراح الجميل ده

رد: سيتروين AX كلوب
 

المفروض يا فندم تكونى عضو مجلس ادارة او على الاقل من مؤسسى الكلوب
بس باين عليكى هاتتبرّى من سيتروينتك وتروحى بقى للكرولات والتويوتات والشغل اليابانى ده!!!
بس برضه باب الكلوب مفتوح لك فى اى وقت ههههههههه ادخلى من غير ماتخبطى:01F6EB~150:

رد: سيتروين AX كلوب
 

ماحدش عايز عضوية ......؟؟؟؟؟؟؟؟؟؟؟؟؟؟؟؟؟
:CHUBBY~36:

رد: سيتروين AX كلوب
 

كل يوم افتح النادى واكنس وأرش قدام الباب وأبخر كمان(عشان النِفس) وبشغل قرآن يمكن ييجى زبون ولا حاجه .......:joy23: ده ببلااااااااااااااااش
ماحدش ييجى واقعد أنش طول اليوم امال لو العضوية بفلوس كان ايه اللى حصل ..هههههههه
طبعا لو كنت كتبت اى عنوان يدل على الخبرة فى AX زى عنوان اى مساعدة فى الاكسارا انا جاهز .... اكيد ماكنتش هلاحق على الردود والمشاركات بس (رحم الله امرىء عرف قدر نفسه) انا صحيح ليا تجربة مع سيتروينتى بس مش لدرجة الخبرة يعنى ...ومع ذلك مستعد لاى مساعدة فى حدود خبرتى المتواضعة القليلة دى اممممممممممممم
طالما مافيش حد عايز ييجى يتفرج حتى على التليفزيون فى النادى ... اسلى نفسى بقى واكلمنى شوية وجنان بجنان مانا كده كده قاعد لوحدى
ايه رأيك يا واد يا ايمو(اللى هوه انا - وكله يدلّع نفسه) نعمل موضوع بعنوان كل شىء فى AX
او اى عنوان يشد كده .... طبعا أرد عليا واقولى: طب افرض حد زنئك فى سؤال ما مرش عليك قبل كده هاتعمل ايه؟؟ اممممممم والله عندك حق ..!!! بس ايه المشكله لما تقول مش عارف ..... لأ طبعا انت كده عملت عنوان وهمى لان كل اللى هايشوف هايفكر انك(ياماهنا ياماهنا - يا ما ها بتاع الموتسيكلات) ويتفاجىء انك لسه مبتدىء وماتعرفش حاجات كتير ...
طيب يا سيدى نأجل الموضوع ده شوية لغاية ما نكتسب خبره اكتر (والمنتدى موجود ) مش هايروح بعيد وساعتها بقى نعمل موضوع بعنوان يلم الناس واللى ما يشارك يتفرج ... حلو كده..... أقولك تعالى نعمل فنجانين قهوه ونولع سيجارتين كوكو الضعيف و نلعب عشرة طاوله نسلى نفسينا ونتكلم عن AX وسيتروينتك واحنا بنلعب ... اه اذا كان كده ..ماشى:w6w200504111340266 d

رد: سيتروين AX كلوب
 

زى ما يكون ماحدش عنده AX غيرى
مع ان الموضوع والله كان هايبقى مفيد لو خصصناه لتناقل خبراتنا مع بعض ...
ومين عارف مش ممكن يكون فى مقابله ولا حاجه لملاك ax ونرجع قيمة العربية الممتازة دى اللى ضاعت
ع العموم حبيت بس اجدد الموضوع يمكن حد يحب يقول حاجه:fun_36_3_16[1]: