رينو سانديرو......أشتريها ولا لأ؟؟؟؟
 

السلام عليكم....أنا لحد دلوقتي مش عارف أقرر أشتري أي عربية و محتار ما بين كذا نوع.... بس أنا مرتاح أكتر للسانديرو.... و لكن المشكلة إن في ناس بتقول إن قطع الغيار غالية و سعر إعادة البيع مش هيبقى كويس...
هل فعلاً الكلام ده صحيح لأن بالنسبة ليا موضوع قطع الغيار و أسعارها لازم تكون في حدود المعقول... أما سعر إعادة البيع مش هيفرق معايا قوي لإني ممكن أحتفظ بيها..

و بالنسبة للوكيل....هل لو أنا اشتريت السيارة من معرض تاني هقدر أعملها صيانة فيه ولا كله هيبقى بره التوكيل؟؟؟؟
و هل التوكيل كويس في مصر ولا لأ...مع العلم إني عايز أشتري العربية بالتقسيط
و هدفع 40% أو 50% من تمنها إن شاء الله...و بردو دي هتبقى أول مرة أشتري فيها عربية في حياتي... ف ياريت لو تساعدوني و متبخلوش عليا بأي معلومة..

و شكراً مقدماً...
أخوكم... د-محمد فايد....طبيب أسنان امتياز

رد: رينو سانديرو......أشتريها ولا لأ؟؟؟؟
 

مفيش أي ردود ليه!!!!!!!!!

رد: رينو سانديرو......أشتريها ولا لأ؟؟؟؟
 

رد: رينو سانديرو......أشتريها ولا لأ؟؟؟؟
 

شكراً على ردك... أنا كنت تقريباً قربت أستقر عليها....بس دلوقتي بفكر في عربية تانية معاها: بروتون ساجا....!!! و لسه محتار...:)

رد: رينو سانديرو......أشتريها ولا لأ؟؟؟؟
 

ياريت تقولى وصلت لأيه فى الأخر؟؟؟؟؟

رد: رينو سانديرو......أشتريها ولا لأ؟؟؟؟
 

انت ليه يا دكتور حاصر نفسك في عربيات غريبه سواء السانديرو او الساجا الرينو بصفه عامه قطع غيار غاليه اعده بيع زفت محدش بيعرف يشتغل فيها البروتون برده قطع غيار غاليه اعاده بيع غير مقبل عليها وبعدين نفس قيمه الفلوس دي تجيب عربيه كويسه ومعروفه بس لو قررت بروتون يبقي ال جين 2 ما خاب ما استشار دي نصيحه لوجه الله

رد: رينو سانديرو......أشتريها ولا لأ؟؟؟؟
 

اولا السانديرو من العربيات الممتازة الملائمة جدا للطرقات المصرية - عالية وتعتبر الاعلي في فئتها

واسعة جدا يعني عائلية وتناسب العائلات الكبيرة نوعا وشنطتها ممتازة بالنسبة لعربية هاتشباك

التوكيل من انضف التوكيلات في مصر - خدمة ممتازة ومعاملة مفيش احسن من كده - واسعار الصيانات معقولة جدا وصيانات ال 5000 - 15000 - 25000 - 35000 كلها صيانات مجانية وانت بتدفع فلوس بس كل 10000 كيلو يعني صيانة 10000 - 20000 - 30000 - 40000 هما دول اللي بفلوس وتكلفة كل واحدة فيهم من 450ج الي 800ج ودا عشان بتغير بوجيهات ولو زي حالاتي كده حتلاقي نفسك بتعمل حوالي 2000 كيلو في الشهر يعني حتدفع متوسط 500 او 600 ج كل 5 شهور ومتهيالي دي حاجة ممتازة

اسعار قطع الغيار طبعا داخل التوكيل غالية زيها زي اي عربية موجوده في مصر سواء كوري او صيني لكن ولله الحمد بقت متوفرة دلوقت برة التوكيل وبكترة ومتنساش ان قطع غيار الماتور والعافشة جامعة ما بينها وما بين اللوجان لانهم نفس العربية مع اختلاف الشكل الخارجي

مش حقولك اشتريها ولا حقارن ما بينها وما بين الساجا بص نصيحة حاول تقرا في موضوعات اللوجان والسانديرو المختلفة علي المنتدي

يكفي ان انا اقولك ان الحمد لله انا معايا لوجان شهر 6 2010 ومعايا سانديرو شهر 8 2011 لان بجد ادمنتها

وربنا يوفق لما فية الخير باذن الله