أعمل اية فى الدبدبة والترزيع
 

عندى فية دبدبة فى العجل جامدة مش عارف السبب ايه ممكن يكون كاوتش انا مغيرو من سنه تقريبا

انا عارف ان العفشة فى النيو اكسنت ناشفة بس موضوع الدبه والرزع دة سببه ايه
واالعفشة كنت فى التوكيل من 3 شهور وربطوهالى

وشكر

رد: أعمل اية فى الدبدبة والترزيع
 

اكشف على ضغط الاطارات وخاصه اننا في فصل الصيف

رد: أعمل اية فى الدبدبة والترزيع
 

بص على علبة الدريكسون

رد: أعمل اية فى الدبدبة والترزيع
 

ممكن يكون الجنط محتاج ترصيص
رصص واظبط زوايا

رد: أعمل اية فى الدبدبة والترزيع
 

انا من ساعة الكاوتش ماركب مارصصتش

ويمكن من كتيييييييييير اوى مظبتش زوايا يمكن من سنتين
بس العربية مابتحدفش
غير ان انا خايف اروح مركز لضبط الزوايا تبوظ الا لو حضراتكم عندكو مكان مضمون كويس
ياريت تنصحونى بيها لو كان هو دة السبب اكيد

وشكرا

رد: أعمل اية فى الدبدبة والترزيع
 

انا كان عندى نفس اللى بتتكلم علية دبدبة حتى لو على طريق متسفلت
المهم رحت لبتاع عفشة خليك معايا بقى عشان تعرف العيب وتعملة وعلى فكرة مش هياثر على اى حاجة لو عملتة ومطلعش منة بس انا شبة متاكد انة من الموضوع دا والله
بص فك الفرامل هتلاقى مسمار لازم ينفك عشان تفك الفرامل صح طيب عارف بقى مش بتلاقى مقبض محطوط فية التيل واحد من الشمال وواحد من اليمين عشان يمسكوا الطنبورة
فك التيل الاتنين هتلاقى المقبض لوحدة وممكن تطلعة وتنزلة براحتك فك بقى المقبض دا هتلاقى فية مسمار داخل فية من فوق هو اللى مسكة المسمار دا بقى هو العيب والله هات المسمار دا ولف علية شكرتون من نوع كويس يعنى تقيل ودخل المسمار فى المقبض تانى هتلاقية بيدخل بعفية شوية لانك طخنتة بالشكرتون تمام وركب كل حاجة وجرب
لية بقى الدبدبة دى اقولك المسمار لما بيدخل جوة المقبض بيقابل كوتشة صغيرة من جوة بتمسكة عشان ميزنش ويدب زى ما عندك الكوتشة دى مع الوقت بتتاكل فى السخونة بتاعت الفرامل وبتسيب بووش للمسمار يعمل بقى الدبة دى
دى طريقة الطريقة التانية انك تجيب المقبض دا استيراد وتركبة بس دى مش مضمونة زى الطريقة الاولى لانى ممكن يكون متاكلة منة برضة بس والله انا عارف انى دا العيب اللى عندك ان شاء الله جرب وقولى

رد: أعمل اية فى الدبدبة والترزيع
 

ممكن توضيح اكتر لمكان المسمار

لان المفروض بيفك مسمار اللى بيرفع الغطا بتاع الفرامل وبنحط اللقمتين ونقفل
معلش مش قادر اوصلى لية

وشكرا