محتاااار ارجو المساعده
 

يا جماعه انا بقالى شهرين فى دوامه شراء العربيه و محتار جدا بين
1-سيات ليون
2-بيجو 308
3-باسات مو 2004
4-اوكتافياa5 مو2006

اول 2 زيرو و عايز ارف لو زيرو اجيب ايه و لو مستعمل اجيب ايه لانى لسه مقررتش و ياريت كمان لو حد يعرف سعر ال 308 كام
و شكرا

رد: محتاااار ارجو المساعده
 

بص ياباشا

اولا مش صح خالص نقارن بين مستعمل وزيرو لان الزيرو قيمتة اعلى فى مقابل اقتنائك لعربية متركبتش وتفضل اول يد بالنسبالك ومجرد ما بتعلق نمر سعرها بينزل

فحضرتك اولاً لازم تاخد قرار عايز يتشترى زيرو ولا مستعمل

رد: محتاااار ارجو المساعده
 

هو تقريبا يعنى الزيرو ارجح كتير و منكم نستفيد يا باشا

رد: محتاااار ارجو المساعده
 

و لو تعرف يا باشا سعر ال 308 بكام تبقى خدمتنى جامد و مشكور

رد: محتاااار ارجو المساعده
 

معلش انا دلوقتى بقيت بفكر فى
البرافو التيربو و بيجو 308 و سيات ليون
احب اسمع رايكم فيهم عشان انا خلاص كلها يومين تلاته و اشترى

رد: محتاااار ارجو المساعده
 

انا بعت لحضرتك سعر ال 308 على الخاص

بصراحة انا اميل للسيات ليون من ناحية الجودة فى التصميم والهندسة والاداء بس البرافو روعة برضو فى التصميم الخارجى والاداء برضو

بصراحة الموضوع محير البارفو تحفة واحدث واكثر تميزا الليون اداء واعتمادية والبيجو اكثرهم انتشاراً

انا شايف ان كل واحدة متفردة بمزايا مش فى التانية فعمر ما هتلاقى اتفاق على واحدة اكتر من التانية فالموضوع راجع لاولوياتك ونفكر مع بعض برضو بس قولنا ايه طبيعة استخدامك وايه احتياجتك واولياتك فى العربية

رد: محتاااار ارجو المساعده
 

طبعا مشكور جدا على الرد يا باشا
انا طالب جامعى و المسافه بين بيتى و الجامعه طويله و الطريق مش كويس يعنى محتاج حاجه تستحمل و سابته اوى على الارض و سريعه
لمل بالنسبه للاولويات فانا الثبات و السرعه اهم حاجه يليها العمليه و قطع الغيار و الصيانه و مش مشكله الشكل اللى من بره على اد الوبشنز الى من جوه و طبعا لو عند حد اقتراح غير ال 3 دول ياريت يقولى