مصر موتورز مجتمع السيارات - شوية أسئلة محيراني

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - شوية أسئلة محيراني (https://www.masrmotors.com/vb/showthread.php?t=56493)

شوية أسئلة محيراني

السلام عليكم ورحمة الله وبركاته احبابي اعضاء المنتدي
انا عندي بفضل الله نيسان صني 2011 عاملة لحاد دلوقتي حوالي 3800 كيلو بصراحة العربية مريحاني جدا وما بتكسفنيش خالص بمعني اي غرزة عاوز اخدها علي سرعة عالية بفضل الله أسد بتاكل ف الطريق

ندخل بقي ع المهم
لاني قتلت موضوع النيسان وعلو صوت الموتور بتاعها بحثا يا ريت حد يفسرلي صوت الموتور عالي في اي غيار ؟؟؟؟؟؟؟؟؟؟؟؟؟!!!!!!!!!!!! !!

طبعا حد هيرد علي يقول الموتور مش علي سير دا جنزير هاقولو ماشي ليه كل الشركات بتحط سير ونيسان بس بتحط جنزير- وبرضو كل المواتير اللي موجودة امان وكويسه

واحد تاني هيقولي لان وزن العربية تقيل هقولو لو شفت كتالوج العربية هتلقي ان وزنها 1100 كيلو جرام دا بالنسبة لعربيتي ولما نيجي نتكلم عن عربية مثلا زي السيراتو ( علي فكرة انا باكره العربية دي جدا ) نلاقي وزنها اعلي من الصني ومع ذلك التسارع بتاعها اعلي بكتيييييييييير( ولا الوزن بتاع الكتالوج مقصود بيه حاجة تانية انها فاضية وزنها طن ولا الهيكل بس اللي وزنه طن بصراحة انا مش فاهم الحتة دي).

واحد تالت هيقول ان العربيه عزمها اقوي وبرضو من كتالوج نيسان اللي من علي موقعها الرسمي باقول ان ال 118 حصان فقط بيكونو عند عدد لفات الموتور 6000 لفة ف الدقيقة بمعني ان الطبيعي بتاع الموتور انو ما بيطلعش ال 118 حصان خالص لان ما فيش حد فينا بيخليه يوصل 6000 الا لو كان جايب 180 مثلا ساعتها هيكون صوت العربية عالي جدا (انا جبت بالعربية 150 ما قدرتش اتحمل صوت الموتور بتاعها جوة الكابينة لذلك ما زودتش عن كده)

واحد رابع هيقول ان العزل سيئ بسبب التقفيل المصري اقولو هي نيسان دي ما فيهاش خبراء يابانيين ولازم البضاعة بتاعتهم ايا كانت بتخضع اولا لمواصفات قياسية عالمية ومواصفات قياسية يابانية ولا الناس اللي ف التوكيل دول شغالين علي مزاجهم ( يا ريت حد يفهمني ايه معني عربية بتتقفل في مصر)

والله يا جماعه انا مقتنع بالعربية دي بنسبة كبيرة لاحسن حد يقول عكس كده والا ما كنتش اشتريتها اصلا

انا باتكلم عن الاسئلة دي والردود بتعتي علشان انا حاسس اني مش مقتنع شوية علشان لما ادافع عن عربيتي ابقي انا نفسي مقتنع بالكلام اللي انا باقولو

ومتاسف ع التطويل

رد: شوية أسئلة محيراني

اوعى تكون لاغى ال overdrive
الصح انه يكون شغال يعنى لمبة الاوفردرايف فى التابلوه تكون طافيه مش منورة
و عربيات حديثة كتير جنزير مش سير

رد: شوية أسئلة محيراني

معظم اليابانى الكاتينة جنزير مش كاوتش
وفعلا اما ركبتها حسيت انها صوتها عالى اوى

رد: شوية أسئلة محيراني

متاسف ع التاخير يا جماعة
العربية مانيوال مش اوتوماتيك يا استاذ احمد والحمد لله بتتحسن يوم عن يوم في السحب والنعومة

بس انا ليا تعليق واحد علي الصني
" هي عربية اجزائها جميييييييييلة ونظييييييفة جدا وممتازة بس دخلت فيها ايد ما بتعرفش تشتغل ولا تنتج ولسة بيتعلموا ف الناس والعربيات"

يا جماعة انا روحت التوكيل اللي في ابو رواش والله انا حسيت انهم صبيان صنايعية اللي شغالين هناك وقيس علي كده كل التوكيلات " بيجربوا ف الناس " وهو كده كده ما بيخسرش حاجة التوكيل بيغطي والعميل هو اللي بيخسر ( فلوس ووقت بس )

بس بصدق العربية والله ممتازة بالنسبة لحاجات كتيرة اوي اتقالت ف المنتدي هنا في مئات التقارير.

رد: شوية أسئلة محيراني

ربنا يباركلك فيها انا فعلا العربية مع حمايا من 2007 و ممتازة

رد: شوية أسئلة محيراني

متشكرين جدا علي ذوقك يا باشمهندس احمد
وربنا يخليك

رد: شوية أسئلة محيراني

اقتباس:

المشاركة الأصلية كتبت بواسطة goudamahdy (المشاركة 444572)

فعلا السياره ممتازه بس توكيلات مصر سيئه جدا ودى تجربتى معاهم فى صيانه الالف وطبعا كان السبع وعلى فكره السبع فاهمين بس بيسطعبطوا جدا يعنى لو فيه عيب فى السياره مش حيقولك الا اذا كان ظاهر جدا جدا فى السياره غير كده حيقنعك ان السياره كده وده الطبيعى بتاعها خلى بالك من النقطه دى وكمان توكيل نيسان الحضره عباره عن ورشه كبيره معظم العاملين فيها مع الاسف جدد وليس لديهم اى درايه لان اصحاب الخبره الفعليه بيتركوا التوكيل ويفتحوا ورش خاصه بهم خارج التوكيل وده دليل على ان التوكيل فاشل لا يحتوى الايدى العامله المتخصصه بشكل جيد نيجى بقى لموضوع الصوت العالى على فكره الصوت ده مش فى كل سيارات نيسان فيه سيارات كتير اوى صوت الموتور فيها ممتاز وعزلها فوق الممتاز كمان انت بقى تطلب شخص يطلع معاك يجرب من التوكيل وبعد ميجرب لو قالك ده صوت طبيعى خليه يجرب معاك فى سياره تانيه وتتمسك بده جدا لو حصل انه موافقتش تطلع سيادتك تعمل محضر وتروح بيه جهاز حمايه المستهلك وهما حيتصرفوا غير كده تبقى بتتعب نفسك لان مع الاسف الشديد يوجد بعض السيارات فى نيسان بها عيوب تصنيع وده طبعا لان السياره مصرى التقفيل غير كده الغالبيه العظمى من 2011 و 2012 السيارات ممتازه جدا ولو فيه تجاوزات فى الموديلات المذكوره بيكون بسيط جدا غير كده لا عشان كده بقولك خد بالك من الموضوع ده كويس اوى واعمل اليى قولتلك عليه مع تمنياتى لك بالتوفيق ان شاء الله