بولو 96 1300 ممكن المساعدة
 

انا عايز وش الكاتينه الفبر الداخلى ضرورى قلبت الدنيا عليه ومش لاقيه خالص رجاء لو حد يعرف يقولى يا جماعة وشكراً

رد: بولو 96 1300 ممكن المساعدة
 

انزل الحرفيين بس هتلف شويه هناك لان الناس كلها هتقولك انا هخلعه من ماتور بس فى ناس بتبيعه لوحده انا لسه شاريها من هناك بس مش فاكر السعر والله

رد: بولو 96 1300 ممكن المساعدة
 

ممكن أعرف من ميين فى الحرفين عشان انا لفييت عليهم كلهم و مشكوور

رد: بولو 96 1300 ممكن المساعدة
 

و فى عندى مشكله فى سحب العربية مع العلم انى لسة مغير كل حاجه (طقم سرفييس/ديسك واسطوانه/كونترول/و الفلاتر) ومشكوور جداً

رد: بولو 96 1300 ممكن المساعدة
 

وانتا داخل من شارع المرسيدس اخره فى جامع ادخل شمال كانك رايح على رضا الميكانيكى فى محل على اليمين بتاع قطع غيار فولكس واجن هتلاقى عنده بس مش فاكر اسم المحل والله والسعر تقريبا كان 150 مش فاكر قوى بالنسبه لسحب العربيه ممكن تكون بوجيهات او موبينه ضعيفه والاحتمال الكبر ان تكون طرمبه البنزين ضعيفه روح من الاخر لرشاد الى فى بلوك 8 هيظبطلك الماتور والكربراتير ده الوحيد الى بيظبط المواتير فى مصر لان ممكن الكربراتير عاوز يتظبط وخلى بالك نوعيه البنزين بتفرق وانا تحت امرك فى اى حاجه تخص البولو

رد: بولو 96 1300 ممكن المساعدة
 

شكراً جداً يا باشا
(شمال من عند الطيار كدة) وبعديين انا مغير كل الى انت قولت عليه ده حتى الطرنبه و لسه رشاد مغيرلى الكنترول و مش عارف فى ايه العربيه لما اكبسلها على ال تالت او ال رابع تتكتم و مش بتعدى 140 غيير بال عافية .

رد: بولو 96 1300 ممكن المساعدة
 

والله انا مقدرش افتى بعد رشاد بس انا عندى العربيه كانت بتعمل كده وفاقت لوحدها وبرده عندى العربيه بتجيب 140 بالعافيه بس نخلى بالنا من نقطه ان العربيه ده السرعه القصوى 157.5 تقريبا ده كلام الكتالوج هات علبه منظف كاربراتير gunk علبه لونها اصفر ونضف الكربراتير وانت فاتح البوابه بتاعت البنزين ودور العربيه هتلاقيها بدور بصعوبه شويه وبطلع دخان اسود اكبسلها شويه بنزين وهو هينضف لوحده وشوف الدنيا فيها ايه وخلى بالك من نقطه كمان ممكن يكون الشكمان مسدود خلى واحد بتاع شكمان يبصلك عليه يشوف العادم طالع منه بشده ولا ضعيف وتبقى طمنى يباشا