تيل فرامل نيو اكسنت 2010
 

السلام عليكم ورحمة الله وبركاته،،
بعد صباح الخيرجميعاً... عندى استفسار عن سعر تيل الفرامل الأمامى للنيو اكسنت (الاصلى - التقليد) وكمان ممكن الاقيه فين (مصر الجديدة - مدينة نصر) علشان فى التوكيل صدمونى بالسعر 336 جنيه من غير مصنعية
جزاكم الله كل خير

رد: تيل فرامل نيو اكسنت 2010
 

هما صدموك ماشي
بس الفكرة في ايه بقى ياباشا
تيل التوكيل يا معلم تشتريه من التوكيل وومكن تركبو بي 40 جنيه في بنزينة موبل
بس مش هتفكر تبص عليه او تشيك عليه قبل 30000 ومعاك لحد 50000
لو استعمالك للفرامل حنين طبعا ده لو العربية اتو
لو مانيول بتهيالي التيل بيتغير كل فين وفين

رد: تيل فرامل نيو اكسنت 2010
 

وانا مع فكرة انك تجيبوا من التوكيل عشان ماحدش يديلك تيل تقليد وخصوصا الفرامل مافيهاش اى احتمال غلط

رد: تيل فرامل نيو اكسنت 2010
 

والله يا غالي انا كنت زيك كدا بالظبط من اسبوعين محتار حيرتك ديه لعربيتي الفيرنا ولقيت التيل في التوكيل ب 280 جنيه وقعدت احسحس علي تيل يكون نضيف ومن هنا لهنا لقيت تيل اسمه جولد تيل بجد ملهوش حل والله انا بالنسبالي احسن من التيل الاصلي بمراحل حسيت ان الفرامل فرقت معايا عن يوم استلامي للعربية زيرو

جيبته ب 60 جنيه وركبته عندي وزي الفل بسم الله ما شاء الله ولا بيتاكل ولا تصفير ولا اي حاجه

هقولك علي حاجه كمان ممكن تلاقي التيل الاصلي في السوق ب 150 جنيه بتاع غبور بس خلي بالك علشان اكتشفت ان التيل ده بيبقي زي السيراميك فرز اول وتاني وتالت وكلهم في نفس العلبة بتاعت غبور بالعلامه المائية

بس الفرق بقا ان ده بيكون فيه زيادة شوية صنفرة مش قوي وهكذا
انا ريحت دماغي وجيبت الجولد وركبته وعملت ريجلاش للفرامل بالكامل وغسلت الطنابير الخلفية كمان وكل ده ب 35 جنيه مصنعية و 60 جنيه تمن التيل

رد: تيل فرامل نيو اكسنت 2010
 

يا اخى الكريم التيل الامامى بيعمل بره 65 لحد 90 جنيه وتركيبه عند اى عفشجى بى 10 او 15

التيل الخلفى بيعمل بره 120 جنيه

لما بحل 4 فرد كوتش عند اى عفشجى ينظف ويغير التيل ويشغسلهم كبيره 20 جنيه

رد: تيل فرامل نيو اكسنت 2010
 

سؤال هام لاعضاء المنتدى المحترمين بسمع صوت ضغط هواء عندما اضغط على الفرامل مش عارف بالظبط اية ده ارجو منكم افادتى
بس فى حاجة الصوت ده مش دايم يعنى ممكن لما بطلع بالعربية واضغط على الفرامل اربع او خمس مرات بحس الصوت دة وبيبقى قوى وبعد كدة الصوت بيروح

رد: تيل فرامل نيو اكسنت 2010
 

برجاء التوضيح بظبط هوه صوت هواء ولا صفاره
وده بتسمعه من التيل الامامى ولا الخلفى بتقريب

كمان الصوت ده وانت قافل كل نوافذ السياره ولا وهيه مفتوحه

وهل ده بيكون على سرعه عاليه ولا طبيعى مطب او ما شابه

ولما بتدوس 4 او 5 مرات متتاليه ولا على فترات ولا حسب الطريق

شكرا