مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   Tiggo (https://www.masrmotors.com/vb/forumdisplay.php?f=189)
-   -   التيجو أرخص بألف جنيه (https://www.masrmotors.com/vb/showthread.php?t=55016)

ehabvet 11-05-2011 08:16 AM
التيجو أرخص بألف جنيه
 
أنا بإذن الله ناوي أشتري التيجو كمان يومين .. وانتو طبعا عارفين الزيادة في السعر اللي عملها أبوالفتوح في نفس اليوم اللي بيعت فيه العربية القديمة عشان أشتري التيجو فأصبح تمنها 85900 بدل ماكان 82900
طبعا صدت نفسي شويه وحاولت أدور على كسر زيرو ولكن ما باليد حيلة وخصوصا ان العربية في وجهة نظري تستاهل
قولت اروح أحجزها عند عيسى بتاعنا في طنطا الموزع المعتمد ومركز الصيانة بتاع أبو الفتوح في طنطا
لكن قرأت في الجرايد أسعار أقل حاجة بسيطة ومنها على سبيل المثال معرض في مدينة نصر بيبيعها بـ85000 وكلمتهم وقالوا انهم بيبعوها بالتمن ده فعلا
فهل الأفضل والأضمن إن الواحد يجيبها من عيسى وخلاص ومش فارقه ألف جنيه وحلال على أبو الفتوح؟
ولا مفيش فرق واجيبها من بره وأنا أولى من أبو الفتوح بالألف جنيه دي؟
وجزاكم الله خيرا
وياريت لو حد عنده كسر زيرو نضيف يقولي

أشرف صبرى 12-05-2011 04:52 AM
رد: التيجو أرخص بألف جنيه
 
مرحباً بيك اخ و زميل
انصح حضرتك بالشراء من الارخص بشرط الاستلام الصحيح بمعنى التتميم الجيد على العربيه و الملحقات و الاستبن و اختبار العربيه جيداً
و تحياتى لحضرتك

Egy News 12-05-2011 07:26 AM
رد: التيجو أرخص بألف جنيه
 
طالما معرض محترم ذو سمعه كويسه
توكل علي الله و اشتري منه بدون تردد

ehabvet 12-05-2011 01:46 PM
رد: التيجو أرخص بألف جنيه
 
اقتباس:
المشاركة الأصلية كتبت بواسطة Egy News (المشاركة 424794)
طالما معرض محترم ذو سمعه كويسه
توكل علي الله و اشتري منه بدون تردد
والله أنا معرفش إن كان المعرض محترم ولا لأ أنا كلمته على التليفون بعد ما شوفت إعلان على جريدة السيارت وبس

hyundai2005 12-05-2011 02:08 PM
رد: التيجو أرخص بألف جنيه
 
عيسي محترم سيبك من ابو الفتوح انت اولي بال 1000 جنيه ترخص بيهم

emad7759 12-05-2011 02:19 PM
رد: التيجو أرخص بألف جنيه
 
ايوه فعلا فى معارض فى مصر بتبيع العربيات ارخص

الف واتنين بس خلى بالك وانتا بتستلم العربيه افحصها كويس

وبعدين مترخصى العربيه على طول اصبر شويه علاشان لو فيها

حاجه لاقدر لله تبان وتقدر ترجعها تانى

لاننا والحمد لله الجهاز اللى كان بيحمنا من شله الحرميه

اصبح يحميهم هما وليس احنا وربنا يوفقق فى الاختيار

وعلى فكره شركه عيسى ناس محترمه جدا جدا وموعيدهم فى التسليم

زى الفل وعنك فى مصر سمير ريان برده بيبيع العربيات ارخص

من السوق كله برده وعنده جميع المركات بس موعيد التسليم عنده

لو العربيه اللى انتا عيزه مش موجعنده زى الزفت

GIFT4U

ehabvet 12-05-2011 04:01 PM
رد: التيجو أرخص بألف جنيه
 
ألف شكر لكل اللي الأخوة اللي نصحوني
بس أحب أوضح إن عيسى هو المعتمد بتاع أبو الفتوح وبيبيع بنفس السعر
أما الأرخص فمعرض في عباس العقاد اسمه مازن كار .. حد يعرفه؟؟؟


الساعة الآن 09:35 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017