ارجو المساعدة والافاده فى نيسان صنى EX SALOON
 

إن شاء الله انا نازل الاسبوع ده اجيب نيسيان صنى EX SALOON بس محتار اجيبها منين انا مش عارف احسن مكان ممكن اجيب منه وايه العروض الموجوده . وعايز اعرف كمان انا هستلم على طول ولا لسه هحجز واستنى . وايه الى انا هستلمه مع العربيه .
مستنى ردودكم . سلاااااااااااموووز يا احلى نيسانويه

رد: ارجو المساعدة والافاده
 

اولا الف مبروك و ثانيا انا كنت في نفس الحيره دي من كام شهر لحد ما ربنا هداني الى مركز السبع اللي في المعادي ناس محترمين جدا و نفذوا كل كلمه قالوها بالحرف و بالثانيه
ولو عاوز رقم مدير الفرع كلمني
وياريت نعرف نويت على لون ايه ان شاء الله و مبروك مقدما

رد: ارجو المساعدة والافاده
 

السبع عاملين بصمة متميزة ما شاء الله في البيع و الصيانة

رد: ارجو المساعدة والافاده
 

اوتو ايجيبت مدينة نصر, ناس قمة فى الاحترام و العميل اهم حاجة عندهم و بضاعتهم جاهزة و الف مبروك مقدما.

رد: ارجو المساعدة والافاده
 

المهم العربية الجديدة 2011 تعمل كام. ابقى قول لنا على السعر

رد: ارجو المساعدة والافاده
 

أنا كلمت المحمل الى فى قليوب
والى رد عليا قالى كلام غريب جدا
أولا : قالى العربية A/T ب 93000 مع انى لسه سائل عليها فى السبع ب 92000 :F_14WA~16[1]:
ثانيا : قالى مفيش ABS ليه بقه عشان المشكلة بتاعت اليابان وبيقول مفيش منه .:w6w200504112220146b
ثالثا : قولتلو على اللون البتنجانى قالى مفيش اصلا والعربية الى تعرف تلحقها خدها ولو اى لون عشان مفيش تانى .
:09C207~188:
بصراحة حاسسنى انى لو مرحتش اخد العربية الى عنده مش هلاقى فى اى حته تانى
الغريب بقه انى قولتله انى سعر العربية فى اماكن تانية اقل من كده بالف جنية
قالى المهم التنفيذ بطريقه حاسسنى فيها ان الناس ده هتنصب عليا وبعد ما احجز هزودو تمن العربية باى حجه .
انتو ايه رايكم ياجماعة فى الكلام ده

رد: ارجو المساعدة والافاده
 

احسن واحلى مكان عن تجربتى فى عربيات كتييييير جدا هو اوتو سمير ريان
والراجل ده اللى يتعامل معاه مره مش هيروح ولا يدور فى اى معرض تانى لأن الألتزام بالكلمه هو شعارهم الأساسى وتعاملك معاهم هيريحك جدا فى اسلوبهم ومواعدهم وكل حاجه هتلاقيها عندهم
وابعد عن معرض المصريه بكل فروعه لأنه ناس ابسط حاجه تتقال عنهم انهم معندهومش رريحه الدم ولا الأدب ولا الذوق ولا احترام العميل