ححد عنده معلومات عن ؟؟BYD F0
 

عايزين معلومات عن BYD F0
حد اشتراها حد جربها مشاكل العربيه ,توافر قطع الغيار ؟
هل هي كويسه وناجحه زي F3????
ولا ايه ؟؟؟ ليه مفيش معلومات كامله عنها ؟؟؟444546

رد: ححد عنده معلومات عن ؟؟BYD F0
 

بص يا باشا انا اشتريت العربية دى 8/7/2013 وهى موديل 2013
عربية مريحة وناعمة وفيها كماليات كتير زى زجاج كهرباء الامامى فقط والخلفى شراعة
تعمل بالريموت ولكى تعمل يجب ان يكون معاك الكارت بتاعها والا لن تدور
المحرك بزرار الباب بزرار
تنك البنزين والباب الخلفى والباب الامامى يفتحوا بمفتاح واحد
بس مفتاح الامامى يفتح بمفتاح لما ريموت العربية البطارية بتعته تفضى
فيها ABS, EBD
احزمة امان
تكييف
راديو وسى دى وام بى ثرى
وقطع غيارها متوفرة فى التوكيل
وعلشان هى جديدة معايا بقلها ارب شهور انا مشتكتش منها لسة:10D5C8~1107:

رد: ححد عنده معلومات عن ؟؟BYD F0
 

يا ريت تقولنا ايه انطباعك عنها بعد 9 شهور :)

رد: ححد عنده معلومات عن ؟؟BYD F0
 

شكرا سيدى على متابعتك لموضوعى
وبالنسبة لانطباعى عن العربية انها عربية مريحة وناعمة على الطريق
يعنى فى مجملها ممتازة بس مفيش حاجة تخلى من العيوب
وعيوبها تتلخص فى نقطتين
1- الدهان بتاع العربية ضعيف جدا اقل من ورقة السجارة يعنى اى حجة بسيطة فى الصاج بيظهر الدهان الاسود على طول
2- لما تكون محملة باربع افراد بما فيهم السائق ويكونوا اوزان فى اى مطب تسمع خبطة بسيطة فى شاسية العربية

رد: ححد عنده معلومات عن ؟؟BYD F0
 

شكرا جزيلا على الرد...

طيب انا حاليا احتمال كبير استلم العربية خلال الأسبوع ده ان شاء الله...هل فيه أي حاجات أبص عليها و انا بستلم ؟

حاجة كمان...ايه اخبار قطع الغيار و الصيانة و الأسعار ؟

سؤال برضه عايز اعرف اجابته :) ...الناس اللي بتقعد ورا مش بتضايق :) ؟ و المفصلة بتاعت الإزاز دي متينة و لا ايه النظام ؟


و شكرا جزيلا

رد: ححد عنده معلومات عن ؟؟BYD F0
 

و حاجة كمان معلش ...عداد ال rpm مش نازل مع العربية ...أجيبوا منين ده اللي في الصورة دي ؟

http://static.betazeta.com/www.bolid...98-660x495.jpg

رد: ححد عنده معلومات عن ؟؟BYD F0
 

بسم الله الرحمن الرحيم
اولا العفو انت تامر يا برنس
بس خد بالك انت طلباتك كترت هاهاهاهاهاها اوعى تزعل انا بهزر معاك
بالنسبة للاستلام انا معرفش قوى انت تعمل ايه عند الاستلام بس انا ححكيلك انا عملت ايه ساعة الاستلام ولاى تفاصيل اخرى ابحث فى المنتدى عن اى شخص استلم سيارة وستجد تفاصيل اكثر
1- انا خدت الكارت بتاع العربية والمفتاح اللى بيفتح الباب وتانك البنزين وشنطة العربية وكل ده هو مفتاح واحد وانت بتستعمل المفتاح ده لفتح الباب لما الريموت بطاريته تفضى
2- جربت افتح العربية بالزرار اللى فى الباب واقفلها تانى بالريموت واتاكدت ان الريموت يعمل
3- جربت المفتاح وفتحت الباب وتنك البنزين وشنطة العربية
4- ركبت العربية ودوست فرامل وضغطت على زر التشغيل واشتغلت العربية
5- شغلت كهرباء العربية بالزراع الشمال وجربت فانوس الضباب بالزر على يمين ازرار التكييف الثلاثة اللى فى نصف التابلوه
6- جربت كل فوانيس الاشارات والفانوس العالى والواطى والمارشدين (فانوس المارشدير اليمين بينور ابيض والشمال ما بينورش لانه عاكس وسالت صاحب المعرض عن كده قال انها بتيجى كدة من بلدها وخد بالك ان مكوناتها كلها صينى يعنى هى لسة مجمعوهاش لسة فى مصر)
7- جربت التكييف بتشغيله على البارد وعليت التكييف من 1 حتى 4 واعجبت جدا بدرجة برودة التكييف وجربت التكييف السخن
8- نزلت من العربية وبصيت على جوانب السيارة لو فى اى خبطة فى البودى

اما بالنسبة لقطع الغيار فهى متوسطة يعنى الحاجة الوحيدة اللى انا غيرتها كانت المرايا الشمال وسالت التوكيل قال بـ 170 جنيه ولما روحت لصيانة الـ 5000 كيلو قولتلهم يغيروها فليت فى الفاتورة 250 جنيه سالتها قالولى ده تمنها وتمن التركيب وبالنسبة لتزويد السوائل والزيوت عند كل صيانة يعنى الالف والخمستلاف وهكذا بيكلف 135 جنيه

وبالنسبة للكنبة اللى ورا مش ضيقة اوى يعنى راجل طويل وقاعد ضهره مستقيم حيبقى فى فرق بين ركبته والكرسى اللى قدامة قد حوالى 10 سم ولو عايز يريح ويجى لادام ففى الحالة ديه حيلزق ركبته فى الكرسى ولكن للتغلب على كده الكراسى اللى قدام بتاعت السواق واللى جنبه يقدموها شوية لادام لانها بالفعل واسعة قدام وانا عن نفسى قدمت الكرسى بتاعى لادام عشان انا اول مركبتها لقيت دواسة البنزين والفرامل والدبرياج بعيدة عنى ولازم افرد رجلى علشان ادوس عليهم

وبالنسبة للازاز اللى ورا اللى هو شراعة متخفش المفصلة متينة
واى استفسار انا فى الخدمة