عايز اعرف سعر الكوبلن
 

السلام عليكم ورحمة الله وبركاته
السادة الاعضاء ياريت حد يفيدني بسعر الكوبلن الخاص بالسيارة الستروين AX - سي سي 1100
وياريت برضه اعرف هو لازم اغير الاتنين ولا كفاية واحد بس اللي هو فيه المشكلة مع جزيل الشكر

عايز اعرف سعر الكوبلن
 

السلام عليكم ورحمة الله وبركاته
السادة الاعضاء ياريت حد يفيدني بسعر الكوبلن الخاص بالسيارة الستروين AX - سي سي 1100
وياريت برضه اعرف هو لازم اغير الاتنين ولا كفاية واحد بس اللي هو فيه المشكلة مع جزيل الشكر

رد: عايز اعرف سعر الكوبلن
 

بالنسبة للسعر انا معرفش والله
بس تملى بنركب اتنين كوبلن جداد مع بعض عشان لو ركبت واحد جديد والتانى قديم مهما ظبط زوايا العربية هاتحدف ناحية الكوبلن الجديد

رد: عايز اعرف سعر الكوبلن
 

وعليكم السلام ورحمة الله وبركاته
مش لازم تغير الاتنين فقط غير اللى محتاج يتغير ولو التانى سليم خليه
الكوبلن اليمين اطول من الشمال لكن السعر واحد
انا كنت غيرت الاتنين كوبلن عند الحاج فرج كل واحد غيرتة فى مره لوحدة
حسب لى الاولانى (الشمال) 225 ولما غيرت التانى (اليمين) 210
وكنت سألت عليهم فى الوكاله قبل كده (من باب العلم بالشىء) قالى الجوز بـ 300 لكن بصراحة ماشوفتهمش

رد: عايز اعرف سعر الكوبلن
 

اشكرك على الرد لكن من الواضح ان حضرتك بتتكلم على الاستيراد فياريت تقولي ايه اخبار الاستيراد وعاش اد ايه وكمان انا سالت على الجديد عرفت انه بـ 1000 عند واحد في التوفيقية ودة سعر الفرنساوي اما الايطالي فكان بـ 750 وفي الصيني اقل 100 جنيه بس ناس كتير نصحوني بالبعد عنه الاسعار دي للجوز مش الفردة وفي ناس سالتهم قالوا ان الاتنين لما يكونوا جداد دة افضل بكتير من تغيير ناحية واحدة
اعيد شكري تاني لحضرتك واستاذنك تقولي فين فرج دة او رقم تليفونه لان مش سهل اني اجيب اليومين دول الجديد واشكرك جدا

رد: عايز اعرف سعر الكوبلن
 

العفو وانا تحت امرك فى اى حاجه
عندى وجه نظر ان الاستيراد افضل لان القطعة مفكوكة من عربية ومن مكان زى اللى عندك بالمم ده غير مش معنى انه استيراد مستعمل يعنى متهالك لأ الناس بره عندها وعى بإستخدام الاشياء غير ان الطرق عندهم بتساعد على الحفاظ على اجزاء السيارة فأنا رأيى الاستيراد افضل من ناحية الجودة وانا مجرب الجديد زالاستيراد حسيت بالفرق لصالح الاستيراد طبعا ده رأى مش اكتر وزى ماقولت لحضرتك على سعر الكوبلن اللى غيرته قبل من عند الحاج فرج مره 225 ومره210 ومش عارف الفرق ده ليه لكن فى الحالتين انا مافاصلتش معاه ولما سأت فى الوكالة قالولى الجوز بـ300 لكن ماشوفتهمش بعينى ع العموم انت عندك اختيارات كتير
وقول الحمد لله ان الجديد والاستيراد متوفر
وتليفون الحاج فرج 0105639260 ومحمود ابنه 0112397478
اسأل واعرف برضه وزى ماقولت لحضرتك قبل كده لو عندك كوبلن سليم ماتغيروش خليه وغير اللى عايز يتغير بس وماتجيبش حاجه مش محتاجها وبفلوسها اعمل حاجه اهم
ولاحظ ان فى كوبلن اطول من التانى مش فاكر ايهم بالظبط
وبالتوفيق

رد: عايز اعرف سعر الكوبلن
 

اشكرك جدا يا استاذ ايمن وانا فعلا روحت لبتاع كبالن معرفة واحد صحبي بس دة كان قبل ما اقرا تعليق حضرتك وقالي ان القولة سليمة وان الاكس هو اللي يتغير واخد 140 جنيه تاني يوم الكوبلن كان بيطقطق روحت له تاني قالي انه هيجيب كوبلن جديد استيراد برضه يعني وهيركبه ونشوف الطقطقة دي منين لانه بيستعبط وبيقولي دة من اليمين بالرغم انها بتطقطق من الشمال عموما انا ميعادي معاة يوم السبت باذن الله وربنا يسهل وهشوف هوصل معاه لايه وربنا يقدم اللي فيه الخير لان لو كدة ممكن اخليه ريجعلي الكوبلن بتاعي واحاسبه على الفك والتركيب واشوف الحج فرج
بس انا كان عندي سؤال عايز استفيده من خبرة حضرتك انا عربيتي ايه اكس 1100 سي سي هل العربية دي فيها ميزان لان كذا عفشجي سالني على الميزان وانا مفكتش منها حاجة ولا صاحبها الاصلي اللي انا اشتريت منه فك منها حاجة على الاطلاق لانه مكانش بيركبها اصلا لانه كان على طول مسافر ومش موجود في مصر على الاطلاق
وبالنسبة لموضوع الكوبلن تاني الناحية اليمين هي الاطول من الناحية الشمال انا عرفت المعلومة دي من بتاع الكبالن
واكرر شكري لحضرتك تاني