العداد السرعة فصل بتاع التيجو و خايف من توحة يخرجني برة الضمان
 

مساء الفل علي كل الاعضاء
عداد السرعة بتاع التيجو فصل عند 70 كيلو مش عارف الفيشة اتحركت ولا الفيوز ضرب
ولما استلمت الضمان لقيت فية ان الضمان بيسقط عند تغيير عداد السرعة
فيا تري هذة الحالة تسري عليا ولا لا
وعم توحة هيستغلها فرصة و يخرجني من الضمان ولا لا
اعمل ايه دلوني
مشكورين

رد: العداد السرعة فصل بتاع التيجو و خايف من توحة يخرجني برة الضمان
 

هو انت غيرت العداد؟

رد: العداد السرعة فصل بتاع التيجو و خايف من توحة يخرجني برة الضمان
 

بالظبط كده الكلام ده لو انت الى غيرت العداد لان بيبقى فيه المسافة فمش معقول واحد عدى مسافة الضمان يروح مغير العداد و يعيد الضمان تانى فده كان قصدهم اما لو العداد اتغير بمعرفتهم فانت مش حتطلع من الضمان

رد: العداد السرعة فصل بتاع التيجو و خايف من توحة يخرجني برة الضمان
 

عادي ياباشا متقلقش..

وبعدين ممكن يكون العداد اصلا سليم.. توكل على الله وروح لتوحة

رد: العداد السرعة فصل بتاع التيجو و خايف من توحة يخرجني برة الضمان
 

مشكورين جدا هلى الرد
و اللي حصل انا مشيت بالعربية 70 كيلو بس و بعدين امبير السرعة فصل و بالتالي عداد السرعة فصل فقلت لما اروح صيانة الالف
و لما استلمت الضمان لقيت انة الضمان يسقط لو غيرت العداد فخفت من توحة يعملها و يتلكك
و سؤال تاني هو لاوم اروح كل 3 اشهر او 5000 كيلو عشان الضمان
وشكرا

رد: العداد السرعة فصل بتاع التيجو و خايف من توحة يخرجني برة الضمان
 

ما تقلقش ... مبدئيا .. ممكن تتذائب كده و ترفع تليفون لمهندس معرفتك من التوكيل ... ممعكش يبقى ممكن تشوف حد معاه العربية و رايح صيانة و يسأل لك ان لو العداد فصل هل بيخرج م الضمان ولا لا .... ولا كده و لاكده يبقى تنزل على كهربائى معرفتك بس يكون شغله محترم و ايده نضيفة مش بيكسر و يخربش .. قوله بص لى ع فيشة العداد بس .. هيحل و يبص ممكن يلاقى الفيشة اتفكت و يروصلها و خلاص .....
نصيحة : لو ايده تقيلة و هيبان انه فتح يبقى بلاش منه ..... و لو لاقى اى قفله او مشكلة ف العداد متخليهوش يتعامل معاها ولا حتى بحته شيكرتون .... انت تفتح تستكشف ..... الفيشة مفكوكة ركبها .... لقيت شياط او اى حاجة يبقى قففل و روح ع التوكيل و اعمل عبده العبيط .... ( سورى ف اللفظ طبعا ) .. يبقى انت تسأل او تفتح و تبص بس متلعبش ف حاجة ... ومش انت اللى تفتح ..... حد بيشتغل ف العربيات الحديثة عشان تبقى ايده حساسه ..... متعرفش حد يبقى متعملش حاجة ومتخليش اى حد بطيخة يلعب ف عربيتك ...

طولت عليك بس متقلقش عموما الموضوع بسيط ... و انا على حد علمى و فهمى و نظمى ان الحوار ده عيب زى اى عيب ... ولا زم تروح تشتكى و يصلحوه كمان ....... فيوز وارد .. فيشة وارد ... قفلة او ماس بعيدة شوية
ربنا يوفقك و طمننا عليييييييك GIFT4UGIFT4UGIFT4U

رد: العداد السرعة فصل بتاع التيجو و خايف من توحة يخرجني برة الضمان
 

روح ومتخفشى وبلغهم ان العداد فاصل وهما هيدخله العربيه وهيتم

الكشف عليه ولو طلع فيه حاجه هيتم تغيره على الضمان ومش هتدفع ولا مليم بس روح الفرع الرئيسى اللى فى ابو رواش

اللى فى دخله القريه الزكيه انا مغير طقم العدادات

وكان معيا اتنين معى بيركبه برده طقم عدادات

وكان فيهم واحد العدادات فصله منه بعد ال500 كيله وتم تغير العدادات

بعد فتره لاتقل عن4 شهور

فلاتقلق بس وريهم الوش الخشن لو حبه يتلككه بس ان شاء لله

هما مش هيتكلمه خالص معاك هما هيعمله على طول بس

ربنا يستر ويكون عندهم طقم العدادات موجود ولاتقلق

اصل انا والحمد لله غيرت حجات كتير جدا

وليا حجات لسه هتتغير ولم تيجى الى الان وانا ان شاء لله

رايح الصبح علاشان اعمل ليهم محضر وارفع عليهم قضيه

وربنا يسترها على كل اللى غلط وجاب اسبيرانزا
GIFT4U