|
فيديوهات مصر موتورز
ياترى هي دي فعلا أخلاق المصريين ؟
أكيد كلنا يا جماعه عارفين الأعلان ده و شوفناه أكتر من مرة http://www.youtube.com/watch?v=9CxsR-ctIic وبصراحة أول مرة شوفت الأعلان ده موت على نفسي من الضحك لكن مع كثرة مشاهدة الأعلان اكثر من مرة أستوقفني الأسلوب المتدني في الشماته وطرق التعبير عنها فمثلا ظهر رجل أثناء جنازة السيارة يقول وهو يقوم باداء بعض الحركات بيده تشبه حركات السيدات الشعبيات والريفيات وهو يقول "واديه بيغني ظلموه" في نوع من الشماته المستترة الظاهرة في نفس الوقت وفجأ يظهر لنا بعد أن أكتشف الرجل صاحب العربية التالفة أنها لم تعد صالحة وأنها "بااااااظت باااااظت"طلع علينا رجل صاحب لحية بيضاء ويمسك بسبحة ويقول "قولتله هات شيفورليه الدبابة ماسمعش الكلام" وكأن الاعلان يقول لنا أن الناس الحكماء وأصحاب الأيمان لهم بصيرة ومعرفة ميكانيكية بالفروق الجوهرية بين السيارات بمختلف ماركاتها أما عن الشماته الواضحة وطريقة إظهار "إن عربيتي احلى من أي عربية تانيه وإللي يقول غير كده يبقى مابيفهمش" لقينا فرح عامله واحد أشترى عربيه جديده "شيفورليه الدبابة" وبكل تعالي وجهل (في قولة"يعني الكما" وكان يقصد طبعا كلمة "القمة") يعلن للناس عن امكانيات سيارته الفضائية الهلامية إللي محصلتش وبتشفي واضح يقول "يعني من الشفورليه وأنت نااازل" ويشير بيده بطريقة سوقية بها تعالي على اصحاب السيارات الاخرى على أنهم لا يستطيعوا أن يصلوا إلى مستواه العالي في التفكير واختيار "الدبابة" وهناك الكثير من الإحائات والأشارات السوقية التي نشير إلى أن الشعب المصري (خاصة هذه الفشة التي تعمل في مجال النقل) شعب كياد ومتعالي بما يملكه طبعا الاعلان بنظرة أولية وسطحية سوف يجعلك تضحك وتتذكر فيلم "شيء من الخوف" و مظاهرة "جواز عتريس من فؤادة باطل بااااااطل" أما إذا نظرنا إلى الإعلان بنظرة متأنية لوجدنا أن الأعلان يوصف ويشير بطرف خفي إلى أن هذه هي اخلاق المصريين في أكثر من طريقة للشماته والنصائح الغير متخصصة من ناس طيبين بيحشروا نفسهم في أي حاجه والسلام ويشير أيضا إلى أن التباهي بتعالي والنظر إلى الأخرين على أنهم محدودي التفكير والأمكانيات واخشى أن تنتقل هذه العدوى إلى باقي ملاك السيارات الأخرى غير النقل وإن كنت أشعر احيانا بهذا الشعور من حين إلى أخر فهل تشعرون انت ايضا بهذا ؟ |
رد: ياترى هي دي فعلا أخلاق المصريين ؟
دا مش اخلاق ولا كلام من دا
دا استهزاء بعقليه المصريين |
رد: ياترى هي دي فعلا أخلاق المصريين ؟
اقتباس:
ptmnlo123per171 |
رد: ياترى هي دي فعلا أخلاق المصريين ؟
انا مختلف معاك يا بايوووو
تصدق ده من اكتر اعلانات العربيات اللي بحبها هوا بيخاطب جزء في المستهلك بيخوفه و بيرعبه من المخاطره و نجح فعلا في كده العربية اللي حيلتي باظت !!!!!!!!!!! الكلمة اللي كلنا نخاف نقولها في يوم من الايام و الناس تتريق عليك عشان ماحسنتشي الاختيار في رأيي كل شء في البيزنس مباح مادام ما كذبشي و لا غش و لا سرق اعلن ليه هدف اعلاني و نجح في تحقيقه |
رد: ياترى هي دي فعلا أخلاق المصريين ؟
الإعلان الناجح هو الذي يخاطب الشريحة الشرائية المتوقعه بشكل محدد و واضح و بالتالي تتفاعل معه، في هذه الفئة مضوع الكيد و الشماته منتشر بل هو القاعدة الأصلية في التعامل فيما بينهم
لن تأخذ هذا الانطباع و أنت تتعامل مع واحد علي حدة و لكن ستصل لهذه القناعة عندما تصبح واحد منهم لأن من الغريب أيضا أنهم يشعرون أن هذه الطباع لا يستحب أن تظهر أمام الفئات الأخري (الأفندية و الباشاوات) و لكنه لا غضاضه إطلاقا بينهم بل إن الشماته هي خاصية للشاطر منهم. سبحان الله و هل ما نحن فيه من فقر و ضعف إلا من صنائع أنفسنا (وما ربك بظلام للعبيد) |
رد: ياترى هي دي فعلا أخلاق المصريين ؟
اقتباس:
اقتباس:
تصدق أنت إن ده أكتر إعلان فعلا بيعجبني كأخراج وتصوير وكفكرة كمان اقتباس:
ياترى الفئة إللي بيخاطبها الأعلان ده فعلا فئة هايفة للدرجة دي وسوقية للدرجة دي عشان الإعلان ينقل فكرته بالطريقة السيئة دي ؟ اقتباس:
هي دي أخلاق المصريين ؟ اقتباس:
مين قال إن الشيفورليه أحسن عربيه في مصر ؟ ومين إللي قال أنها في القمة والباقي زبالة ؟ لو قلت لي مصدر محايد واحد يأيد هذا الكلام سوف اقتنع أنها فعلا السيارة الأولى في فئتها ولن أقنع بان من يركبها من حقة التعالي والنظر بقرف والشماتة في الأخرين اقتباس:
صدق الله العظيم ويبقى عليه العوض في الشهامة والجدعنه والكرم والرجولة إللي كان بيتميز بيهم المصري عن باقي الشعوب |
رد: ياترى هي دي فعلا أخلاق المصريين ؟
يا بايوو
انتا لو عندك شركة هتعمل اعلان ايه غير انك تقول ان منتجاتك افضل منتجات انا شفت اعلانات عربيات بره ،،، صراحة بيقولوا ان العربية بتاعتهم افضل من العربية الفلانية ( بالاسم ) وش كده بس الصراحة كان بارقام و كده كان فيه اعلان لهيونداي بيقارنوا السوناتا ليمتد بالفئة الخامسة أقل فئة طبعا http://www.youtube.com/watch?v=bK_1cUy_97Y و اعلان تاني للجينسيس مصورينها و هيا بتقتحم مرسيدس و انفنتي و لكزس و بي ام http://www.youtube.com/watch?v=oOq4M...eature=related عادي يعني بالعكس الاعلان المصري مذكرشي اسماء منافسين ده مش كدب ده تجمل ptmnlo123per154 |
| الساعة الآن 05:40 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017