|
عاوز رأي قاطع في el-m11
سلام
بعد قراءة كتير في المنتدى هنا , حسيت إن فيه فريقين واحد معجب جدا b m11 وناس تانية عاوزة تشتكي الشركة الام طيب أنا بسأل عن موديلات 2011 يا تري لسة فيها مشاكل برضك زي الدينامو , الزجاج ..إلخ... أرجو الرد للأهمية |
رد: عاوز رأي قاطع في el-m11
ممكن تشتري عربيتين من نفس النوع و من نفس المكان و في نفس الوقت و واحده تطلع كويسه و زي الفل و التانيه تطلع عين صاحبها متعرفش ليه |
رد: عاوز رأي قاطع في el-m11
طيب هانفترض إن العربية ممتازة
إسأل عن سمعة التوكيل والبلاغات إللى فى جهاز حماية المستهلك دور على الحاجات دى فى جوجل |
رد: عاوز رأي قاطع في el-m11
العربية الصراحة لا غبار عليها و ناس كتير أوي شكرت فيها جدا
مشكلة الدينامو كانت في اول انتاج العربية في مصر و اتحلت و غيروا الصفقة و جابو دينامو تاني طبعا اللي يقول لحضرتك ان في سيارة مفيهاش عيوب يبقى بيكذب بس العيوب اللي ظهرت منها ماتعيبش العربية تعيب التقفيل و كلها مشاكل فردية مش مشاكل بشكل عام في العربية .. يعني مثلا لما تنك البنزين يعلق وللا الريموت يعلق وللا الحاجات البسيطة دي .. ده ميعتبرش عيب في العربية دي بتبقى مشاكل تقفيل و بتتعمل على الضمان يخلصهالك و انت واقف .. لو انت عايز تشتريها روح اتفرج عليها في معرض من معارض ابو الفتوح و أطلب test drive و جربها بنفسك و خد غرز و شوف السحب مع التكييف و انزل في حفر و كل مطبات و قيمها و بعدين قرر و اسف على الاطالة |
رد: عاوز رأي قاطع في el-m11
اقتباس:
كلام مظبوط مليون الميه |
رد: عاوز رأي قاطع في el-m11
اقتباس:
العربيات الام 11 لو دى العيوب والمشاكل بس كانت كده مش هيكون فيها مشاكل ياسيدى الفاضل الام 11 كل 1000 عربيه تجد عربيه مشكلها خفيفه والباقى زى النيله عيوبها انها مش عيب تقفيل عيوبها انتا وبختك يطلع صوت فى العربيه من الخلف او من الامام ولن تجد له حل يطلع عنك صوت غبى من الزجاج الابواب وليس له حل وبعدين كل الام11 جديد وقديم القربه بتاعه المياه الخاصه بالتديير بتشرخ ومش موجوده قطع غيارها ليست موجوده لابره ولاجوه اخى وحبيب قلبى ابوالاسعاد عايز الفبره اللى على العتب ومش لقيها الى الوقت الحالى انا عايز بلى العجل الامامى ومش موجود لابره ولاجوه التوكيل فياناس لاتحكمه من الناس اللى بتمشى فى الشهر 10 كيلو متر وبعدين العربيات الانتاج من شهر 5/2010 زى الزفت الى الان روحه التوكيل فى ابو رواش وشوفه بعنكم الام11 وهى لسه زيره يدوب مشيه ميكملشى 200كيلو وفيها مشاكل وبعدين ياسيدى يلى بتقول روح واركب العربيه عند ابو الفتوح دى يباشا تقفيل الصين مش تقفيل مصر وطبعا غير بتعتنا خالص لان الام زباله دى فى الطرق الخشنه مش فى المطبات تجد ان الدركسيون فيه واحد قاعد بمرزبه وعمال يدق فى الدركسيون وهتكره العربيه ولاهم ياباشا ان العربيه تم تخفيف وزنها وتم الغاء بعض الحجات منها يعنى النسخ القديمه افضل من الجديد مليون مره والكلام ده من الناس اللى فى خط الانتاج نفسه وياخى يلى عايز تشترى الام 11 نصيحه لو عايز تجبها جبها استعمال انتاج قبل شهر اربعه لانها افضل من الجديده مليون مره ولله الامر من قبل ومن بعد وانتا صاحب القرار بس ياريت لو رحت وشترتها اجو من اى اخ يشترى الام11 ميقلشى حسبنا لله ونعم الوكيل فى اى احد وبعدين روح شوف نسبه الشكاوى فى حمايه المستهلك كميتها ادئيه وانتا تعرف هتجد ان اغلب العربيات شكاوى فى حمايه المستهلك اسبيرانزا ولام 11 وخده المركز الاول فى الشكاوى واغرم مشوار الى التوكيل الفرع الرئيسى فى الكيلو 28 فى ابو رواش وشوف بعينك |
رد: عاوز رأي قاطع في el-m11
السلام عليكم
يا سيدي الفاضل اي تعميم على سيارة ما بعينها كما قيل من قبل يكون غير صحيح انا مش بدافع عن العيوب و بعترف بيها فعلا في بعض السيارات ماكينة الزجاج فيها ضعيفة و الصفارة اللي بتيجي من تيل الفرامل بس زي ما قلت دي كلها مشاكل تقفيل التيل كدة كدة لما بيتغير مع الصيانة الصوت بيروح و ماكينة الزجاج مش ممتازة لكنها مش سيئة يعني نقدر نقول عليها جيدة على استعمال كويس و على فكرة وزن العربية اكيد مش هقدر اقول لحضرتك هو كام بس العربية فعلا على ال 160 بتتمتع بثبات فائق موديل 2011 و ده عن تجربة شخصية و مش كلام اتسمع و على سيارة مش بتاعت المعرض عشان حضرتك بتقول انها التقفيل بتاع برا. انا قلت انطباعي الشخصي عن السيارة و سيادتك قلت انطباعك و في الاخر الرأي للي عايز يشتري و نصيحه مني لأخي الي عايز يشتري السيارة .. خد وقتك كويس جداً و لو بعد كدة عندك شك او خوف معين من العربية بلاش تشتريها و انت مقلق :) و شكرا جزيلا |
| الساعة الآن 09:03 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017