اسباب انحراف السيارة ناحية اليمين ؟؟؟؟؟؟
 

السلام عليكم ورحمة الله وبركاته

انا بقالى فترة أعانى من انحراف العربية ناحية اليمين وخصوصا عند الضغط على دواسة البنزين بشكل مفاجأ واوقات قليلة جدا تمشى زى المسطرة
قمت بتغيير كل شىء فى العفشة ( علبة دريكسيون - مساعدين بمشتملاتهم - مقصات - كاوتش ميزان امامى - بارات دريكسيون - كاوتش كبالن داخلى وخارجى بالأفايز - قاعدة فتيس - كاوتش ميزان امامى )
تم ضبط زوايا باكتر من مركز وتم عمل ترصيص للاربع عجلات وتم عمل كروس للعجل دون فائدة

1- العربية مايلة بنسبة بسيطة جدا من الامام ناحية اليمين والميل ده بيزيد لما حد بيركب جنبى
2- العربية الحدفة بتزيد فيها لما يكون حد قاعد جنبى وواحد وراه
3- بسمع صوت خبط مع الحفر من الناحية اليمين قدام ( زى ما يكون صوت علبة بتتخبط فى الموتور )
4- قمت بتغيير الكاوتش الامامى يمين مكان الخلفى يمين لاحظت اختفاء الحدفة بنسبة كبيرة فوق 95% ولكن بعد اسبوع رجع الوضع كما كان

منتظر نصائحكم واسف على الاطالة

رد: اسباب انحراف السيارة ناحية اليمين ؟؟؟؟؟؟
 

انا كان عندى نفس العمليه وكانت كاوتشه الشداد
ممكن تكون اليايات ضعيفه فاى وزن اوميل للطريق يحدف العربيه

رد: اسباب انحراف السيارة ناحية اليمين ؟؟؟؟؟؟
 

شكرا على اهتمامك بالمشكلة
حضرتك تقصد بالياى = السوست اللى فى المساعد ولا انا غلطان
ودى سعرها كام ولا ممكن تتعلى بحاجة معينة تركب فوقيها

رد: اسباب انحراف السيارة ناحية اليمين ؟؟؟؟؟؟
 

اليايات هى الى بتركب فى الملاكى الى بتركب فعلا فى المساعد والى حضرتك بتقول عليها سست (السوست هى الى بتركب فى النقل )
(128 ورا على سست جايا بالعرض وقدام على يليات )
العلو هيفيد بس فى المطبات بس لو اليايات ضعيفه العلو مش هيفد بحاجه ابدا وفى بعض الصنايعيه بيشدوها برضو مابيفدشى وفعلا فى جلد للتعليه
بالنسبه للسعر معنديش للاسف اى فكره

رد: اسباب انحراف السيارة ناحية اليمين ؟؟؟؟؟؟
 

جزلك الله كل خير

رد: اسباب انحراف السيارة ناحية اليمين ؟؟؟؟؟؟
 

اخى الكريم
العربية دى فعلا عشان تمشى كويسة وما تحدفش لازم يكون كل حاجة سليمة
فانت عملت اللى عليك واكتر فى العفشة من ادام
بس نسيت حاجة مهمة اوى
السوستة اللى ورى
هى عبارة عن 3 ورقات سوستة بعرض العربية عبارة عن قوس وليهم سنتر وهو سنتر العربية
عند اى حد حداد سوست زى مثلا الشاذلى فى عين شمس او الحاجة عند مستشفى اليوم الواحد بعد السكة الحديد
هايفك السوستة دى وهايقنطرها يعنى يعليها شوية والمقاس المظبوط هو 27 سم ويحط شمبر ( كاوتش داخلى قديم ) بين كل ورقة وورقة ويركب
بس انت بعينك لازم تتاكد ان علو العربية من اليمين زى الشمال بالظبط وساعتها وانت موقف العربية على شارع مستوى لازم تحس بعينك ان العربية من ورة اعلى من ادام بحاجات بسيطة
واركب وادعيلى

رد: اسباب انحراف السيارة ناحية اليمين ؟؟؟؟؟؟
 

الف شكر لكل من قام بمساعدتى
الحمد لله تم حل المشكلة
العجلة اليمين كانت ماخرو 1.5 سم وتم عمل زرجينه وربط وتزييت العفشة
والحمد لله بقت تمام