مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   رينو لوجان Logan (https://www.masrmotors.com/vb/forumdisplay.php?f=160)
-   -   استفتااااااااااااااااء هااااااااااااااام (https://www.masrmotors.com/vb/showthread.php?t=53950)

mazenzyad 30-04-2011 08:53 AM
استفتااااااااااااااااء هااااااااااااااام
 
استفتااااااااااااء هام :
عاوز كل واحد يرد و يكتب وضع كرسى السائق عندو مرفوع لاعلى و لا لتحت ؟ أيهما افضل للقيادة الآمنة و المريحة ؟ هتقولى حسب طولك هقولك الوضعين شغالين معايا بس انا مش قادر احدد الوضع الافضل للقيادة لانى كنت منزل الكرسى تحت و منزل الدريكسيون تحت بس مش للآخر و ركب واحد صاحبى السيارة و قالى كدة غلط على كشف الطريق و لازم ترفع الكرسى لاعلى و براحتك ترجعو لورا او تقدموا لقدام حسب طولك ، لكن انا عاوز رد كل واحد من الوحوش علشان اعرف الاغلبية رافعاه و لا منزلاه ؟ انا عارف ان معظمكم هيستخف بالطلب ده لكن الرد مهم بالنسبة لى ، مع الشكر .

الكشفى 30-04-2011 10:41 AM
رد: استفتااااااااااااااااء هااااااااااااااام
 
انا بفضل الكرسى فوق

corsair 30-04-2011 10:42 AM
رد: استفتااااااااااااااااء هااااااااااااااام
 
مفيش استخفاف ولا حاجه انا عن نفسي منزل الكرسي لتحت ورافع الدركسيون لاعلي وضعيه والظهر مستقيم لاني شايف ان ده احسن وضع ليا في السواقه

RENAULT 18 30-04-2011 11:18 AM
رد: استفتااااااااااااااااء هااااااااااااااام
 
لو حضرتك طويل و منزل الكرسى لتحت يبقى مفيش مشكلة .......
لو حضرتك مش طويل يبقى ترفع الكرسى حبتين فوق عشان تبقى شايف تمام ....

الدركسيون أعمله على حسب ما تستريح أيدك فى السواقة ........

mazenzyad 30-04-2011 06:24 PM
رد: استفتااااااااااااااااء هااااااااااااااام
 
اقتباس:
المشاركة الأصلية كتبت بواسطة corsair (المشاركة 414182)
مفيش استخفاف ولا حاجه انا عن نفسي منزل الكرسي لتحت ورافع الدركسيون لاعلي وضعيه والظهر مستقيم لاني شايف ان ده احسن وضع ليا في السواقه
اولا اشكرك ، انا ملاحظ ان انتا الوحيد اللى رشحت وضع الكرسى لتحت ، يا ترى الوضع ده مش غلط على القيادة لانى بالرغم من طولى 195 لكن مبشوفش طرف الكبوت و لما برفع الكرسى بشوف طرف الكبوت بس رجلى اليمين مش واخده راحتها ، يا باشا دوشتك حبتين

AbOnOrA 30-04-2011 06:45 PM
رد: استفتااااااااااااااااء هااااااااااااااام
 
مهم جداً قعدتك تكون مظبوطة وفق مقاييس مش حسب الراحة بس
مينفعش ترجع الكرسى اوى علشان فى اى لحظة ممكن تحتاج تدوس على الفرامل بكل قوتك
مينفعش تمسك الدريكسيون وانت فارد دراعك على الاخر لانك ممكن تحتاج تحكم كامل بايدك الاتنين
ومينفعش ترجع بالكرسى ورا بزيادة لان فعالية حزام الامان وعدم تاثيرة على سلامتك مظبوطة على عدله الجسم القياسى على الكرسى

يعنى وضعيتك قدام الدريكسيون والفرامل وموضع حزام الامان من صدرك كل ديه حاجات مهمة بالاضافة لانك تشوف اخر الكبوت او لاء

يارب اكون عرفت اوصلك قصدى واهلاً بيك فى مصر موتورز GIFT4U

حسام البورسعيدى 30-04-2011 07:01 PM
رد: استفتااااااااااااااااء هااااااااااااااام
 
انا عن نفسى فى اللوجان منزل الكرسى تحت خالص ومنزل الدريكسيون تحت خالص ...

بس انا شايف ان دى حاجة ترجع لجسمك وطولك .. وعلى حسب ما ترتاح وانت سايق .....


الساعة الآن 06:56 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017