مساعدة من الخبرا العربية بتاكل بنزين جامد
 

السلام علكم
العربية 128 م89 - 1300سي سي
فولت ومشيت100كيلو نصف التانك حوالي 20لتر بنزين فعايز اعرف كدة بتاكل بنزين ولا لاء واعمل اية لوبتاكل بنزين

رد: مساعدة من الخبرا العربية بتاكل بنزين جامد
 

لا كدا بتاكل بنزين جامد حاول تروح عند فني كربيراتير يبصلك عليها ويوطيلك العربية شوية لان ممكن يكون الشفاط معلق وعمال حارق بنزين

20 لتر تعمل مش اقل من 200 كيلو بحكم الفترة الزمنية انها موديل 89

رد: مساعدة من الخبرا العربية بتاكل بنزين جامد
 

اخى الكريم المعدل اللى انت عملتة مش مظبوط
المفروض تكون مفول وتعمل مشوار وترجع تفول تانى وتشوف قراءة الكيلو متر كام وتشوف حطيت بنزين باد اية وبعدين تقسم عدد الكيلو مترات / المسافة المقطوعة يبقى دة استهلاك لتر واحد وعلى كلامك كدة
100كم/20لتر=5 لتر/كم
انما موضوع بالتقريب انة نصف التانك يبقى الحساب مش مظبوط

رد: مساعدة من الخبرا العربية بتاكل بنزين جامد
 

شكرا للردكم
انا فعلا هفولها اعمل مشوار وارجع افول تاني
العربية عندي واطية
الميكانيكي وهوا كان بيكشف علي العربية قالي اظبط الكاربرتير فعلا
ممكن يكون هوا السبب وانا بردة بمشي في اماكن زحمة كتير

رد: مساعدة من الخبرا العربية بتاكل بنزين جامد
 

انا رحت فولت ولقيت العربية عاملة 141كيلو في26لتر بنزين 80 والعربية
128م89؟ 1300سي سي

رد: مساعدة من الخبرا العربية بتاكل بنزين جامد
 

الاستهلاك ده كتير جدا جدا (ضعف الاستهلاك الطبيعى تقريبا) ...

انت كده محتاج ظبط للكربراتير وكهربة الموتور ...

اكيد هتلاقى العربية جايبة دخان اسود من الشكمان معاك .. مش كده ؟

رد: مساعدة من الخبرا العربية بتاكل بنزين جامد
 

5.4لتر لكل كيلو دة نصف المفروض
الكربراتير دة عاوز لغم ويتفجر فية
الحلول المتاحة
اما عمل صيانة شاملة للكربراتير عند مركز الصفا بمدينة قباء ( مجرب وشغلة تمام+ مصنعية غالية)
اما انك تجيب كربراتير استيراد
وفى كلتا الحالتين لازم تراجع على دورة البنزين من التنك مرورا بالمواسير الى حوض الموتور والفلتر ورجوعا من خرطوم الفايز الى التانك والمراجعة تكون بالعين فى وضح النهار حسبما يوجد اى تسريب للبنزين مع مراجعة دائرة الاشعال وتغيير التالف منها