ممكن مساعده في الاختيار بين 3 عربيات
في واحد طلب مني اعرفله اية احسن حاجا
وانا طبعا من غيركم معرفش اعمل حاجا فا كنت حابب اعرف اية رائيكم في ford fiesta 2011 seat ibiza 2011 honda city 2011 من حيث قطع الغيار والبنزين والتأفيل من فين ومن الحاجات التانيا بقي بس يا ريت لو كل واحد يقول لية هو اختار العربية عشان اعرف اساعده شكرااااااااااااااااااا |
رد: ممكن مساعده في الاختيار بين 3 عربيات
اقتباس:
الفورد الفيستا 1400 سى سى تولد 96 حصان واقصى عزم لها 127/4200 Nm/RPM السيات ابيزا 1400 سى سى تولد 85 حصان واقصى عزم لها 132/3800 Nm/RPM الهوندا السيتى محرك 1500 سى سى ويولد 118 حصان عند 6600 RBM واقصى عزم له 146 عند 4800 RBM كمحرك السيتى الاقوى كمحرك وكوسع داخلى الثلاث عربيات انتشارهم مش كبير بكل اسف فبالتالى الصيانة مش سهلة اكيد خارج التوكيل بس اقلهم من حيث الانتشار الفورد الفورد والابيزا تقفيل بلدهم لكن السيتى تايلاندى فعند المقارنة بين الابيزا والسيتى بعد استبعاد الفورد يبقى يبقى لو شاب لوحده يبقى الابيزا لكن لو اسرة تبقى كفة السيتى ارجح |
رد: ممكن مساعده في الاختيار بين 3 عربيات
اقتباس:
هي هتكون ليا انا كاشاب وطبعا والدي هيستخدمها بس هو عشان بيسافر كتير فا نقدر نقول هيستخدمها شهر انا كنت في الاول عايز الفورد عشان الرفاهية وكدا بس قلقت من حكاية عندم الانتشار بس دلوقتي ابتديت اميل لل سيتي والابيزا بس ما زلت محتار لية حضرتك اختارت السيات للشاب مع ان الهوندا حضرتك بتقول محكرها اقوي .. طب بالنسبة للرفاهية ؟؟؟ هتبقي زي الفورد ولا لأ ؟؟ والف شكر |
رد: ممكن مساعده في الاختيار بين 3 عربيات
اقتباس:
الرفاهية فى رائ الشخصى المدرسة الامريكية الافضل دائما فى الرفاهية لكنها مش مناسبة لمصر من حيث الصيانة وقطع الغيار وطبعا سعر اعادة البيع السيتى من جوه افضل قليلا لكن الفرق مش كبير لكن السيات تتفوق فى التقفيل لانها تقفيل بلدها فى حين السيتى تقفيل خارج بلدها |
رد: ممكن مساعده في الاختيار بين 3 عربيات
اقتباس:
طب حضرتك ترشح عربيات بنفس المستوي وفي نفس مستوي السعر ؟ ولا كدا كويس ؟ |
رد: ممكن مساعده في الاختيار بين 3 عربيات
اقتباس:
بص انا لو مكانك حكمل واجيب المازدا 3 ب130 الف اه حتكمل بس عربية محترمة وخصوصا ان غبور اخد التوكيل فمستقبل العربية من حيث الانتشار الافضل والبولو حلوة لكن مشكلتها نفس مشكلة السيارات اللى فاتت اللى انت اختارتها النيسان تيدا عربية حلوة وقوية ويابانى محترمة وبكل اسف نفس المشكلة اللى مع العربيات اللى فاتت الكيا السول عربية جديدة من حيث كل شئ الهيونداى I30 عربية محترمة وطبعا الالنترا والسيراتو |
رد: ممكن مساعده في الاختيار بين 3 عربيات
طلع الفورد من المعادلة خالص
لانها عربية ضيقة و شكلها غير متميز بالمرة- دا غير عدم توافر قطع غيار و ارتفاع سعرها الابيزا تعتمد على قاعدة عجلات الجولف 4 و ده معناه ان فولجس فاجن انتقلت بالابيزا من فئتها الى فئة اكبر منها جودة تصنيع متميزة شكل شبابي محترم جدا اداء السيارة لا غبار عليه خصوصا المحرك ال 1600 سي سي و اعتقد نزلت دلوقتي بموتور ال 1.4 TSI صالون واسع جودة تصنيع معايير امن و سلامة اوروبية الهوندا سيتي واخدة سمعة الاسطورة سيفيك - بس عمرها ما حتكون سيفيك فمتوهمش نفسك كتير توجه الى الابيزا و توكل على الله بدون تفكير |
الساعة الآن 07:00 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017