جوز مساعدين فيات 132 ببلاش
 

السلام عليكم
انا عربيتى لادا وكنت بعمل العفشة من حوالى شهر بيض وبارات والكلام دة
اما فكيت لقيت المساعدين الامامى بتوع عربية 132 وهما كانو كويسين جدا والله بس انا بحب الحاجة تكون على اصولها مش بحب حاجة مكان حاجة فافكتهم وشلتهم عندى وجبت اتنين جداد بتوع لادا
اللى محتجهم يبعتلى بس رسالة خاصة وانا تحت امرة وطبعا السعر دعاء خالص من القلب
وفى حاجة كمان
انا فكيت العفشة منالخلف لقيت سوستة 132 راكبة طبعا شلتها وجبت اتنين بتوع لادا لكن اما ركبتهم فى حاجة مش مظبطة
انا هاركب جوز مساعدين فى الخلف لو اتظبطت انا هاكون مستغنى عن السوستة دى وهاعرضها هنا بامر الله انما لو ما اتظبطتش هاركبها تانى
مستنى اول واحد يقول عاوز المساعدين

رد: جوز مساعدين فيات 132 ببلاش
 

انت هتخلي الواحد يروح يجيب عربية 128 وعربية 132 وعربية لادا علشان ياخد اللي انت عمال تبعته كل يوم ده
هههههههههههه
بهزر طبعا
ربنا يباركلك في العربية وفي صحتك وفي رزقك وفي اولادك
GIFT4U

رد: جوز مساعدين فيات 132 ببلاش
 

بنتعلم منكم صدقنى

رد: جوز مساعدين فيات 132 ببلاش
 

انا عايز انصحك بحاجة

ممكن تبيعهم وابقي اتصدق بتمنهم

لاننا كلنا مرتاحين ومعانا عربيات وعندنا نت الحمد لله

ودة ما يمنعش انك برده تعرض الحاجات دي هنا

وربنا يوفقك للي فيه الخير

انا معجب جدا بمبادرتك

ان كمان بفكر اعرض الحاجات اللي بغيرها

و قريبا العجل عشان بفكر اغير لجنوط

ربنا يكتر من حسناتك ويديك علي ادد نيتك

رد: جوز مساعدين فيات 132 ببلاش
 

بتتعلم مين يا باشا
ده انت مدرسة
GIFT4U

رد: جوز مساعدين فيات 132 ببلاش
 

[QUOTE=mrastra;403161]السلام عليكم
انا عربيتى لادا وكنت بعمل العفشة من حوالى شهر بيض وبارات والكلام دة
اما فكيت لقيت المساعدين الامامى بتوع عربية 132 وهما كانو كويسين جدا والله بس انا بحب الحاجة تكون على اصولها مش بحب حاجة مكان حاجة فافكتهم وشلتهم عندى وجبت اتنين جداد بتوع لادا بسم الله الرحمن الرحيم . اولا اشكرك اخى الكريم لتبرعك بما استغنيت عنه ثانيا اسمح لى ان اوضح لك شئ مهم الفرق بين المساعدين الادا و 132 هو الطول فقط وذلك بحوالى 3سم اما باقى امساعد فلا يوجد فرق اطلاقا واحب ان اعرفك سبب تركيب مساعد 132 بدلا من مساعد الادا . السيارات عموما تاتى من الخارج قريبه للارض وذلك بسبب تحسن حاله الطرق فى بلادهم اما فى بلادنا فالوضع مختلف فالطرق عندنا غير ممهده وللتفادى هذا الفارق نلجا الى تعليه سيارتنا ونقوم بوضع سست اعلى او علايات فينشد المساعد الى اخره فيفقد وطيفته ولذلك نلجا الى تركيب مساعد اطول ليعوض فارق الارتفاع فهذه نصيحتى لك مع العلم بان هذا التعديل ليس تعديل جوهرى يضر بالسياره ولك تحياتى . والسلام عليكم ورحمه الله وبركاته .

رد: جوز مساعدين فيات 132 ببلاش
 

لسة شايف الرد دلوقتى اخى طارق
طبعا حينما تتكلم لازم اصغى تماما وانفز ما تقولة بالحرف الواحد