مصر موتورز مجتمع السيارات - عداد ال rpm والسرعة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - عداد ال rpm والسرعة (https://www.masrmotors.com/vb/showthread.php?t=52521)

عداد ال rpm والسرعة

السلام عليكوم يا شباب
ازاي اتاكد من قراءة العدادات؟؟؟؟

رد: عداد ال rpm والسرعة

لو قصدك عداد السرعة سهل جدا
بواسطة GPS
تمشى بالسيارة على سرعة ثابتة و تقارن
قراءة عداد السرعة مع قراءة الـGPS
أما لو قصدك الـrpm : أغلب السيارات التى أعرفها ( 1600cc ) بتكون
السرعة 90 كم/ساعة عند 3000 rpm على الترس الخامس
و الله الموفق

رد: عداد ال rpm والسرعة

اخى الكريم الغيار الاول يصل مؤشر الكيلو متر الى 20 والغيار الثانى 40 والثالث 60 والرايع 80 والخامس الى الاخر اما امبير RBM لا بد ان يأتى على رقم 30 عند كل غيار والله يوفقك .

رد: عداد ال rpm والسرعة

طيب يا جماعة فى عربيات ممكن توصل السرعة إلى 50 كيلوا ولسة العداد rmp مش وصل لحد 3؟

رد: عداد ال rpm والسرعة

اقتباس:

المشاركة الأصلية كتبت بواسطة sherif fersh (المشاركة 457587)

لو قصدك عداد السرعة سهل جدا
بواسطة GPS
تمشى بالسيارة على سرعة ثابتة و تقارن
قراءة عداد السرعة مع قراءة الـGPS
أما لو قصدك الـrpm : أغلب السيارات التى أعرفها ( 1600cc ) بتكون
السرعة 90 كم/ساعة عند 3000 rpm على الترس الخامس
و الله الموفق

السلام عليكم
شريف باشا أسمحلى من فضلك أقول أن فية فرق بين السرعة على عداد الأوكتافيا وعداد الGPS عندى عن تجربة والفرق فى حدود 7-8 كيلو أزيد فى عداد العربية. بالنسبة للRPM فعادة بيكون 3000 على الخامس على سرعة 100 كم/ساعة فى أغلب العربيات اللى سقتها وعندى حاليا أو كانت عندى.
مع التحية

رد: عداد ال rpm والسرعة

اقتباس:

المشاركة الأصلية كتبت بواسطة Bahi (المشاركة 457812)

باهى باشا، معظم السيارات بها اختلاف بين السرعة الحقيقية والسرعة على عداد السرعة وأحيانا يصل الخطأ الى 20 كم/س فرق على سرعة 100 كم/س (نعم 20 كم/س) ولذلك لاأصدق عندما يقول أحد انه كان يقود على سرعة 200 فممكن أن تكون السرعة الحقيقية فى تلك الفترة 180 كم/س فقط أو أقل، سيارة واحدة فقط التى وجدت سرعتها الحقيقية هى نفسها السرعة على العداد وهى السيارة دايهاتسو تيريوس 2.
أما بخصوص القراءة الصحيحة لعداد الـ RPM فيمكن مقارنتها بقراءة RPM بإستخدام أى OBD Scanner

رد: عداد ال rpm والسرعة

اقتباس:

المشاركة الأصلية كتبت بواسطة atgps (المشاركة 457830)

سعادة الباشا معاك 100% بالنسبة لأختلاف العدادات اللى ممكن يوصل لدرجة خطأ عالية فى العربيات التعبانة وعلشان كدة الرادار على طريق مصر/اسكندرية الصحراوى بيسمح بـ10 كم زيادة (110 كم/ساعة) فروق عدادات بس معتقدش أن التكنولوجيا الألمانية زى الأوكتافيا اللى معايا أو الفكترا اللى كانت معايا قبلها تسمح بذلك الفرق الكبير.

أما عن السرعة 100 كم/ساعة على الخامس على 3000 لفة موتور/الدقيقة فدى ملحوظة قديمة واخد بالى منها حتى من زماااااااااااان أوى مع أول عربية كانت معايا من سنة 1986 ولغاية دلوقتى

والله أعلم

شكرا على التوضيح والاضافة

ملحوظة: من أفضل -ولا أدعى أنها الأفضل على الاطلاق- أنواع العدادات على مستوى العالم ماركة Veglia وهتلاقيها فى عربيات كتيرة وأول معرفتى بيها كانت فى أول الثمانينيات لما أشتريت أول بوصلة بحرية لية أيام ما كنت فى منتخب مصر لرياضة سباقات الزوارق الشراعية طراز ليزر Laser Class وأعتقد أنها أسبانى أو أيطالى مش متذكر