مصر موتورز مجتمع السيارات - موضوع مهم جدا عن الجنوط السبور

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - موضوع مهم جدا عن الجنوط السبور (https://www.masrmotors.com/vb/showthread.php?t=52082)

موضوع مهم جدا عن الجنوط السبور

بسم الله الرحمن الرحيم
الحمد لله و الصلاه و السلام على رسول الله .... أما بعد
الموضوع يا إخواني إن الواحد لما بيغير الجنوط من جنوط الفابريكة إلى جنوط سبور ممكن تقابلك مشكله تحيرك و تكرهك في الجنوط الجديدة و هي سليمة و مافيهاش أي حاجة
المشكله هي : بعد تركيب الجنوط الجديدة تلاقي العربية فيها هزة جامده و خصوصا بعد الـ100 طبعا بنتوجه مباشره لبتاع الكاوتش لترصيص الجنوط و طبعا بعد التركيب و التجريب هي نفس المشكله ...........
طب إيه ؟؟؟؟ العيب فين ؟؟؟!!!!!
أنا أقولكم العيب فين
العيب هنا ........
http://i64.servimg.com/u/f64/15/74/52/29/img_0710.jpg

داخل الدائرة السوداء المفروض إن الدائر ده يبات على صرة الطنبورة و لكن المشكله هي إن بيبقى في فراغ بينهم يعني كأن الجنط متعلق في الهوا و مربوط بالأربع مسامير فقط
الحل : جلبه مصنوعة من ماده التيفلون

http://i64.servimg.com/u/f64/15/74/52/29/img_0815.jpg

توضع في الفراغ بين الجنط و صرة الطنبورة

http://i64.servimg.com/u/f64/15/74/52/29/img_0711.jpg

و بكدة إن شاء الله تقفل الأمبير و إنت مرتاح

و ربنا يحمينا و يحميكم

رد: موضوع مهم جدا عن الجنوط السبور

حلو جدا الموضوع دا وفى نفس الوقت مهم جدا .
شكرا يا باشا وتسلم ايديك .
ولو ممكن تفيدنا فى موضوع عفشة العربيه . وانها اذا كانت عفشه عاديه تنفع مع الجنوط الإسبور والا لأ ؟؟؟؟؟؟؟؟؟؟؟؟؟؟

رد: موضوع مهم جدا عن الجنوط السبور

شكــــــــــــرا مليون شكر .....

لان انا حاصل معايا الموضوع ده وعملت ترصيص كذا مره ومافيش فايده

انا حجرب الموضوع ده النهارده واقولك الاخبار.....

رد: موضوع مهم جدا عن الجنوط السبور

شكرا على المعلومة عشان عند تغير الكاوتش ان شاء الله هاجنط

رد: موضوع مهم جدا عن الجنوط السبور

اولا تسلملنا ايدك يا زعيم علي الموضوع الممتاز ده

ثانيا انا عندي جنوط الفبريكة بعد ال 120 رجه شديدة بتحصل مع اني رصصت كذا مره هل الموضوع ده ينفع مع الجنوط الفبريكة ولا ايه

ومنين بيتجاب الجلب ديه وبتتركب ازاي

رد: موضوع مهم جدا عن الجنوط السبور

اقتباس:

المشاركة الأصلية كتبت بواسطة سيف الدين سعيد (المشاركة 396102)

اقتباس:

المشاركة الأصلية كتبت بواسطة shoshet (المشاركة 396942)

اقتباس:

المشاركة الأصلية كتبت بواسطة samirsaid1 (المشاركة 396978)

شكرا على المعلومة عشان عند تغير الكاوتش ان شاء الله هاجنط

جزاكم الله خير جميعا و بارك الله فيكم
و بالمناسبة مافيش غير واحد بس في الأسكندرية اللي بيعمل الجلب دي و هو في سيدي بشر
ملحوظة مهمة جدا : الأفضل تكون الجلب من ماده التيفلون لأن هناك جلب بلاستيك و دي بتكون أضعف من التيفلون و بتعوز تغيرها كل فترة

رد: موضوع مهم جدا عن الجنوط السبور

اقتباس:

المشاركة الأصلية كتبت بواسطة corsair (المشاركة 396986)

أكيد جنوط الفابريكة بتبقى مافيهاش الفراغ اللي بين الجنط و صرة الطنبورة بس إنت ممكن تلاقي العفشة محتاجة تربيط " حتى إذا هي زيرو " و ممكن تبص على الجنط ممكن تكون فيه لوحة أو عوجة خفيفة " مع إن المفروض في الترصيص يكشف على العوجة أو اللوحة " بس ممكن يكون فاتت عليه بص مش هاتخسر حاجة
و بالنسبة للجلب بتتعمل عند واحد في سيدي بشر متخصص في جلب التيفلون
و طريقة التركيب عند بتاع الكاوتش بيشحط الجلبة في صرة الطنبورة و بعدين بيركب الجنط.
أي إستفسار تاني أنا في الخدمة
أخوك محمد عادل