ماهى مزايا وعيوب كاسيت سيتى ساوند
 

عايز اعرف مزايا وعيوب كاسيت سيتى ساوند

رد: ماهى مزايا وعيوب كاسيت سيتى ساوند
 

مزاياه - ان سعره رخيص نسبيا - امكانياته كويسة
عيوبه - ضعف نقاء الصوت - الخرج بالوات المكتوب عليه مش حقيقي بالمره - منتج صيني جودة رديئة - سريع العطل و عدم وجود توكيل يضمن فعلا الجهاز
لو امكانياتك لا تزيد عن ال 250 جنيه يبقى ملكش حل لان اي كاسيت كويس بيبدأ من 450 و انت طالع و لو اني انصح انك تجيب ماركة نظيفة مره واحده و خلاص
اصل انا مجرب الصيني كتير - خسارة فيه الجنيه - و اخره يقعد معاك سنه لو بتحسس عليه - دا غير انك مش حتكون راضي عن جودة الصوت خالص

رد: ماهى مزايا وعيوب كاسيت سيتى ساوند
 

انا سالت على سعره طلع 350 جنيه
الصينى اللى انت جربته كان سعره كام

رد: ماهى مزايا وعيوب كاسيت سيتى ساوند
 

جبت بتاع 5 كاسيتات واحد منهم باظ بعد اسبوع
نصيحة لو 350 زود و هات بيونير كاسيت من غير سي دي

رد: ماهى مزايا وعيوب كاسيت سيتى ساوند
 

ارجو منك تقول بايونير ولا سونى .. ايهما افضل .. و ياريت يا باشا تقول موديل بايونير بس يكون فيه يو اس بى و كابل ان عشان اعرف اشغل عليه فلاشه او اشغل عليه الموبايل او ام بى 4 ... شرايط مش مهم بس يكون فيه يو اس بى لو امكن مع كابل (إن- in) .. و ياريت يكون قوى ... هشغل عليه سمعاتين بيضاوى و 2 بتو الباب ... و هستبدل له الاصلى يعنى عايز حاجة فوق الجيد جدا و مش عايز احط امبلايفر ولا اى دوشة ... 2 بيضاوى بايونير ( لو ممكن تقولى اسم موديل كويس ) و 2 فالباب ( صينى ب 12 جنيه ) و بس و ربما افكر احط سماعة كبيرة نسيبا او متوسطة ف الشنطة ... يايرييييت افادة
الرد هنا او يفضل ع الخاص ... و شكراااااااااااااااااااااا ااااا GIFT4UGIFT4UGIFT4UGIFT4U

رد: ماهى مزايا وعيوب كاسيت سيتى ساوند
 

اليو اس بي في الموديلات العالية اللي ب سي دي
تمنه حيكون من 550 لحد 650 جنيه
طبعا بيونير و ملكش باللي يقول سوني اكسبلود
بيونيير تخصص - عارف يعني ايه تخص
اديني فرصة و ارجعلك بموديل بيونير او ممكن تسأل في صفحة اكسسوارات السيارات

رد: ماهى مزايا وعيوب كاسيت سيتى ساوند
 

شكرا جدا ليك ... خلاص بلاش يو اس بى .. كب ياريت تدينى اسم موديل يكون شرايط او سى دى او اى حاجة بس يكون يستحمل و صوته قوى و نضيف .. و شكرا ليك .. ممكن تراجع الموضوع ده عشان تعرف طلبى و بجد شكرا جدا لحضرتك ...
GIFT4UGIFT4UGIFT4UGIFT4U
http://www.masrmotors.com/vb/showthread.php?t=52304