مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   أفيو (https://www.masrmotors.com/vb/forumdisplay.php?f=155)
-   -   استفسار بسيط عن الافيو (https://www.masrmotors.com/vb/showthread.php?t=50429)

temmo 24-03-2011 05:02 AM
استفسار بسيط عن الافيو
 
بسم الله الرحمن الرحيم

السلام عليكم ورحمة الله وبركاته

نويت ان شاء الله تعالى اشترى افيو ولانى مش بحب الاوتوماتيك رحت ادور على المانيوال لقيت منه هاف اوبشن وفول اوبشن وبصراحة معرفتش ايه الفرق

ياريت اعرف ايه بالظبط اللى ناقص فى الهاف اوبشن عن الفول اوبشن

شكرا واسف على ازعاجكم

tareksakr 24-03-2011 09:14 AM
رد: استفسار بسيط عن الافيو
 
نصيحة لوجه الله تعالي ابعد عن الافيو سيارة سيئة وكثيرة الاعطال والتوكيل مش كويس اشهر اعطالها عيب بالكنترول يونيت المتحكم بنظام الحقن الالكتروني وليس له علاج

auto5truck 24-03-2011 01:08 PM
رد: استفسار بسيط عن الافيو
 
أشترى الأوتوماتيك كويسة جداً و ما فيهاش مشاكل

akerima 24-03-2011 03:45 PM
رد: استفسار بسيط عن الافيو
 
وانا مع الاخ الكريم طارق صقر ابعد عن الافيو الافيو كلة مشاكل -انا قبل ما اشتري عربيتي استشرت واحد من مهندسي الوكيل - ابن عمي - قالي ابعد خالص عن الافيو مشاكلها كتير وملهاش حل

hyundai2005 24-03-2011 03:55 PM
رد: استفسار بسيط عن الافيو
 
اقتباس:
المشاركة الأصلية كتبت بواسطة akerima (المشاركة 381403)
وانا مع الاخ الكريم طارق صقر ابعد عن الافيو الافيو كلة مشاكل -انا قبل ما اشتري عربيتي استشرت واحد من مهندسي الوكيل - ابن عمي - قالي ابعد خالص عن الافيو مشاكلها كتير وملهاش حل
اؤيد بشده هذا الرأي

temmo 26-03-2011 04:15 AM
رد: استفسار بسيط عن الافيو
 
شكرا على الرد والاهتمام

طب يا جماعة ايه افضل العربيات اللى فى الحدود دى من 70 ل 80 الف ؟؟؟

nadenono 26-03-2011 01:21 PM
رد: استفسار بسيط عن الافيو
 
إحترس من الآفيو. أنا دلوقت و اللحظة دي في التوكيل باخبط دماغي في الحيطة و ابتديت أدور على مشتري
حد يشتري آفيو موديل 2009 فاضية عاملة 70 ألف كيلو؟؟؟؟
متغيرلها حاجات بسيطة - طنابير أمامية - مساعدين (ثلاث مرات) - فيشة تي بي إس - علبة ديريكسيون (مرتين) - مقصات - بيض ميزان - أويل سيلات كبالن و مجموعة موبينة - كاوتش باب أمامي أيمن - بطاحات (مرتين) - مجموعة سيور كاسيت

بس الشهادة لله كلها حاجات أصلية جي إم متغيرة في التوكيل بالفواتير و الصيانات تمام في التوكيل و برضه بالفواتير و الضمان شغال لسة بس ممكن يتعمل ورق تواليت

و الخبطات اللي فيها و الحكات كلها معمولة في مركز دهانات متخصص و بيستخدم خامات سيكنز ألماني

الفرش أصلي و معمولها دواسة جلد

متركبلها إنذار وولف و سنتر

أهم ما ينبغي ذكره أن كل الشكاوى التي أدت لتغيير الأجزاء السالفة الذكر في التوكيل لم يتم حلها
فما زالات السيارة تخبط في المطبات و لا يمكن ضبط زواياها و بها صوت تزييق عالي في المطبات الصناعية العالية و الديريكسيون يتقل أحيانا و يتربس أحيانا و الرجة عند ضغط الفرامل لم تنتهي نهائيا و الصفير الصادر من الباب الأمامي الأيمن ما زال عاليا بعد سرعة تسعين كيلو و الكاسيت بيعلق و يسف الشرائط

و السلام عليكم و رحمة الله و بركاته


الساعة الآن 09:13 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017