الباب بيلق
 

عندى البابان الاماميان لما امشى فى حته مكسرة اسمع صوت كأن الباب مش مقفول و بيلق
رحت لمتخصص ابواب عندنا فى المنصورة و ربط عليهم و كده لكن قالى لازم تغير القطعة اللى متربطة فى القايم و بتمسك الباب لأن الكاوتش اللى عليها داب و بصراحة سألت عند بتوع الاستيراد و الجديد مالاقتش
هل فى امل انى الاقيها اصلا و لا ايه ؟ و ممكن الاقيها فين ؟
و اسمها ايه القطعة دى ؟
و شكرا لكم

رد: الباب بيلق
 

هل تقصد المفصلات ؟
وهى عبارة عن اثنين فالقائم الامامى ودى سهل تلاقيهم عند بتوع الاستيراد ولكن دور شوية
- وانا سبق ان غيرت الاثنين فى عربية اكسنت 2001 وهمة مش غاليين على ما اتذكر
- ولو فالقاهرة بحثت ممكن تلاقى نفس لون عربيتك ويكون بحالة كويسة
- ولكن فى البداية بكل باب قطعتين من الكاوتش تشبة عقلة الاصبع وهم سهل يكون وقعوا فلو ملقتهمش حاول تدور عليهم خاصة فى التوفيقية عند الجماعة اللى بيبيعوا فالشارع وهات كمية لان صعب تلاقيهم بسهولة ومهمين جدا علشان الباب ميخبطش لما يقفل ومتسمعش اهتزاز فالمطباب ( طالما سمكرة الابواب مظبوطة )

رد: الباب بيلق
 

شكرا لحضرتك بس مش قصدى المقصلات
اقصد القطعة المثبتة غلى القايم اللى بيثبت فيها لسان كالون الباب لما يتقفل
يارب اكون وصلت قصدى

و قطعتين الكاوتش اللى حضرتك اشرت ليهم مكانهم بيكون فين لو سمحت

رد: الباب بيلق
 

نفس المشكلة
الكاوتشتين دول فين ولا قصدك اطار الكاوتش حول الباب كله ؟؟
متااااااااابع جدا جدا

رد: الباب بيلق
 

فهمت قصدك
ودى عبارة عن حرف U تقريبا ً ومثبتة بمسمارين راس مفك صليبة غاطسين
ودى اسهل من المفصلات كتير
وهى بها بوش يمكن ضبطها بدون تغيير وتحتاج لواحد بتاع كوالين شاطر
- اما الكاوتشات فبتكون فى الابواب ( اثنين فى كل باب ) وهتلاقى الفتحات عبارة عن دائرة بقطر اقل من 1 سم وبها شق صغير وبتكون اعلى واسفل كل باب
- لان كتير مش بياخد بالة منهم وهم مهمين جدا ً لان اى زنة او خشولة فى الباب او اى جزء فالعربية بيفرق كتير معى وانا ماشى
- وممكن ارفعلك الصور لها ان شاء الله

رد: الباب بيلق
 

افتح الباب و امسكه بايدك و حاول تحركه فوق و تحت لو اتحرك يبقي انت محتاج تعمل بنز للابواب
لو ما اتحركش يبقي القطعه المثبته بقايم العربيه فعلا الكاوتش اللي عليها متآكل
و دي لها حل بسيط جدا لو ما لقتهاش
يا تجيب شيكرتون و تلزقه حواليها كام لفه بنضافه
يا اما تجيب خراطيم سكرا رفيعه علي مقاس القطعه و تقص علي حسب ما انت عاوزه

رد: الباب بيلق
 

فعلا هي دى القطعة اللى اقصدها

هجرب ان شاء الله و اشوف و يارب الاقيها

شكرا لحضراتكم