|
تقييمي انا و الحاج للجميله السيراتو موديل 2010
انا كنت عايز اكتب الموضوع ده من زمان بس قلت اكتبه دلوقتي قبل ما انساه السنه اللي فاتت الحاج ( ربنا يديله الصحه و طولت العمر ) لما نزل اجازه اخر السنه من الخليج ( الحاج شغال مهندس ) كان عايز يخليني ابيع الفيرنا بتاعتي ( اللي ماتت محروقه في الثوره ) و نشتري السيراتو نظرا لذني الكتير في ودانه فقال يريح عقله و يشتريها و اديني بروح و باجي بيها من المكتب و بجيب طلبات البيت المهم روحنا معرض مشهور جدا في بورسعيد ( بدون ذكر اسماء طبعا ) عشان نتفرج علي العربيه و صاحب المعرض صديق قديم للحاج و كان قاعد يحلف لاحنا اخدين العربيه و احنا مروحين بس غيرنا رأينا ... ناس تسألني ليه ؟ اقولكم ليه : طبعا انا كنت منبهر بشكلها ( لغايه دلوقتي منبهر و خصوصا الكوبيه ) فكنت بتغاضي عن عيوبها ( اي عربيه فيها عيوب و الكمال لله وحده ) المهم الراجل شاكرا ادي الحج المفتاح و قاله اتفرج براحتك قام الحاج لافف حوالين العربيه و بيبص عليها من كل الجوانب فقالي شكلها شبابي اوي فقلتله ما انا اللي هركبها فقالي نبص جوه بقه فقام فاتح العربيه و دخلنا قعدنا ( الحاج قاعد قدام الدريكسيون و انا قاعد جنبه اكيد ) اول بصه للتابلوه يبهرك بس لما تدقق فيه هتلاحظ انه بلاستيك بجوده لا تتعدي 65 % مثلا و طبعا ده رأي الحاج مش رأيي ( انا منبهر و بس ) قلتله يا حاج ما هي مش بي ام يعني و معلش تعالي علي نفسك ( الحاج راكب كورولا و قبليها كان راكب دودج رام ... ما هي العربيات ببلاش في الخليج ) قالي انا بصراحه مليش في الكوري و انا مش عارف انت مصمم علي العربيه دي ليه قلتله انا عايزها مليش فيه ( شغل عيال عشان ادبسه ) طبعا جوده فرش الابواب و السقف و الارضيه بنفس جوده التابلوه فقالي الحاج بلاش من العربيه دي انا مش مستريلحها ( الحاج عملي شويه ) قلتله و الله حلوه فقام نازل و قعد يخبط علي الصاج ( علي اساس انها بطيخه ) فقالي ورق قلتله كعاده الكوري و ربنا ميقطعله عادي فقالي لو مصم عليها لازم نجرب نسوق واحده الاول قلتله نأجر واحده فقام طابب علينا صاحب المعرض و ببتسامه عريضه قال نقول مبروك يا حاج قاله لا عايز اجرب الاول فقاله عندي واحده مستعمله خدها لفه حوالين العماره و قولي رأيك ( صاحب المعرض راجل طيب و عايز يبيع ) قاله ماشي فقام اخد مننا مفاتيح الزيرو و ادنا مفتاح واحده ex لونها اسود عامله 1500 كيلو فقط و طبعا لسه زيرو فقام الحاج فاتح الباب و داخل و مدور و انا طبعا راشق جنبه العزل بتاع الصوت تمام التمام و كان الازاز مقفول طبعا ثواني كده تسخين و قام طالع طبعا طلعتها جابتلي شلل و كنت حاسس اني راكب الكورولا مش السيراتو يعني ادائها مش رياضي خالص و طبعا ادائها ده دخل دماغ الحج و عشش كمان و بعد لفه كده قلتله انزل و اعد مكاني فقالي براحه و مش عايزين هبل قالتله حاضر طبعا كنت حاسس اني بسوق الكورولا ده غير وسطي اللي اتقطم و انا باخد المطب عشان العفشه ناشفه جدا فقلت للحاج العربيه ممله بالنسبالي ( معلش بسوق فيرنا طياره بعفشه طريه و مانيوال و اجي اسوق سيراتو بعفشه ناشفه تيبترونيك ففي فرق اكيد ) فقالي قلتلك مش حلوه و طبعا كان بيتريق فرجعنا للراجل شاكرين مهللين و طبعا الراجل وشه اتقلب لما عرف ان احنا مش هنتشري خلاص و دي كانت تجربه السيراتو و نلخص التجربه في التالي : جوده خامات غير مرضيه بالنسبه لركيبه الياباني و الالماني و الامريكاتي اداء غير رياضي خالص و غير مناسب للشباب اللي بيشد و بيجري عفشه ناشفه تقطم الوسط الكراسي مريحه و قعده العربيه كلها مريحه جدا العزل الصوتي ملوش حل |
رد: تقييمي انا و الحاج للجميله السيراتو موديل 2010
قدر الله وما شاء فعل
|
رد: تقييمي انا و الحاج للجميله السيراتو موديل 2010
كلام منطقى وجيد جدا وممكن نلخص عيوب السياره فى ردائه الخامات الداخليه والعفشه.بس هقولك برده كلام منطقى.بالنسبه للخامات الداخليه ممكن تظبطها جلد كمان عند واحد كويس ومش هتتكلف كتير.انا فى السعوديه وفى محلات تخليها BMW من جوه.و بالنسبه للعفشه ففعلا بتلين مع الوقت.ومن الاخر هى عربيه ممتازه مقارنه بالسعر.واتمنى ليك الاختيار الفضل وعليك بالاستخاره اولا
|
رد: تقييمي انا و الحاج للجميله السيراتو موديل 2010
الخير فالاحسن منها ان شاء الله ربنا يديك اليابانى ولالمانى والامريكى يارب
|
رد: تقييمي انا و الحاج للجميله السيراتو موديل 2010
ياباشا متتسرعش خالص ومتشتريش خالص دلوقت طبعا واضح ان الحاج واخد على العربيات النضيفة المحترمة مش الضرب الموجود هنا فى مصر وبالسعار الجنونية المبالغ فيها خالص دى وميعرفش ان فى نصب شغال فى مصر عارف سعر السيراتو كام فى السعودية ههههه ملهاش تمن اصلا لانها عربية تعبانة جدا جدا والسعودين مش معترفين بيها اصلا ناهيك عن النصب بتاع اسعار السيارات فى مصر العربية دى بي 30 الف ريال فول اوبشن تبص هنا تتفاجى من النصب مهو لزمن يعبو كرشهم من دمنا امال انت فاكر اية |
رد: تقييمي انا و الحاج للجميله السيراتو موديل 2010
اقتباس:
فيا اخى الفاضل لمعلومتك والله على ما اقوله شهيد سعر السيراتو هنا ينقسم الى عده فئات اقل فئه ب 39900 وهي عاديه مانيول وزجاج يدوى ولا يوجد بها اى كماليات مثل اشارات المرايات او الجنوط او انوار ضباب الخ وبحسبه بسيطه بمقارنه سعر الريال بسعر الجنيه المصري ( متوسط الاسعار اليوم ) تكون سعر السيراتو العاديه هو63 الفول ولا تنسى الجمارك والضرائب المصريه التى سوف تضاف اى اننى اذا قارنتها بسيارات السوق السعودى يا اخ عبده تكون اسعار الهيونداي الاكسنت ( الشكل الجديد موديل 2011 ) سعر المانيول منها وزجاج عادى ودون كماليات ( نفس الفئه ) هو 35500 ريال وهنا اكون ظلمت الهيونداى عند مقارنتها بالسيراتو لانها ليست نفس الفئه اذا ماهى افئه التى يمكن مقارنتها بالسيراتو ؟؟؟؟ طبعا الانترا فهى نفس الشاسيه ونفس قاعده الموتور بل هى نفس كل شيء لان الكيا والانترا سيارة واحد باستثناء الجسم الخارجى للسيارة .. اذا كم سعر الانترا هنا فى السعوديه ؟؟هو 47500 ريال من المجدوعى للسيارات و 49000 من العليان ولا يتوفر لى السعر من الناغى ولعلم اعضاء المنتدى الكرام توكيل الهيونداى هنا فى السعوديه يتقاسمه 3 وكلاء حسب المنطقه الجغرافيه .. ولكن هل معنى هذا ان الانترا اغلى من السيراتو ؟؟؟ فهذا السعر للانترا هو للفئه الاوتوماتك مع زجاج كهرباء وجير بوكس 4 سرعات فقط على الصعيد الاخر نفس السعر يخص السيراتو الاستيبترونيك وليست الاوتوماتيك وزجاج ومرايا كهرباء وجير بوكس 6 سرعات مع وبلوتوث وتحكم مالتى من المقود وجنوط 17 انش رياضى ومرآة تعتيم ذاتى يضاف 1500 ريال على السعر في حالة ما اذا كانت السيارة بها حساسات و فرامل ايه بي اس . اى ان السيارة ستكون بحوالى 50500 تقريبا وهو سعر غير حقيقي للسيارة تم اعتماده من الوكيل هنا ( شركة الجبر للسيارات ) بمناسبه عوده ملك السعوديه من رحله علاج فقد كان سعر السياره 56 الف تقريبا وهذا الاجراء يعتاد عليه اهل السعوديه بأجراء خصومات عندما يكون هناك مناسبه عظيمه ( ليست نفاق والله على ما اقوله شهيد ) . اخى الكريم عبده .. السعر الذى ذكرته وهو 30000 ريال هنا يمكن ان يخص الافيو او الدايهاتسو او السيارات الصينى الزيرو على ما اعتقد ولا افتي في هذا الموضوع كى لا اعطى معلومه خطأ بينما يمكن لسعر السيراتو الجديد وهو 50 الف تقريبا ان يشترى لك بي ام 2007 الفئه الثالثه مستعمله لكنها نظيفه او جولف نفس 2007 كذلك مرسيدس 300 موديل 2004 وما قبلها او تويوتا كامري او ليكزس حديثه ايضا يمكنك شراء شيفروليه 4*4 او جيمس او هوندا اكورد او فورد وكلها سيارات حديثه لموديلات ما بعد 2004 حسب اجتهادك فى البحث اما بالنسبه للاخ صاحب الموضوع الرئيسي ..فتحيه خالصه لك واود ان اذكرك انه لولا اختلاف الاذواق لبارت السلع .. فانا هنا فى السعوديه ومعى لاندروفر موديل 2009 سبورت والكل يعلم ماهى هذه السيارة الا اننى لا احبها وافضل سيارتى الجولف GTI وهذه راحه نفسيه ولكن للاسف السياره السيراتو ليس لها وكيل قوى بمصر او الخليج عموما فليس لهم هم الا سعر مرتفع مع فئات منخفضه المهم المكسب حتى لو على حساب الجوده او سعر قطع الغيار او خدمة ما بعد البيع وربنا يخلى لينا وليك الحاج واتمنى ان تسأله عن سعر الدودج هنا وهل هى سيارة جيده والا اى كلام وهل يمكن مقارنتها بالفورد او الجيمس او الشيفروليه طبعا لم اتطرق للهامر او اللاند روفر او اللاند كروزر .... الساده اعضاء المنتدى الكرام اتمنى ان تلتمسوا لي العذر ان كنت قد تجاوزت ولكنى تعودت على الاجتهاد لتوصيل معلومه صحيحه ولكم خالص الشكر والتقدير... |
رد: تقييمي انا و الحاج للجميله السيراتو موديل 2010
الحمد لله انك مجبتهاش
|
| الساعة الآن 04:54 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017