للأهمية إلي عباقرة الفيرنا أفيدوني
 

أنا معايا فيرنا أوتوماتيك 1600 موديل 2009 شاريها مستعملة و هيا عاملة 56000 المهم انا ظهر عندي مشكلة بعد ما مشيت بيها 2000 كيلو ان الموتور بيزن او زي بيكركر بس لما يعدي ال 3 RPM حتي و هيا في المور و واقفة .
فتحت الكبوت و ركزت في الصوت لاقيتوه جاي من عند الجنب الشمال. خفت و أخدت العربية و طلعت علي التوكيل و قلت أعمل صيانة ال 60 بالمرة.
المهم المهندس لما سمع صوت الموتور قال ده كرنك و هيتكلف حوالي 3000 و علي فكرة انا لما افتح الموتور مش عارف ممكن يكون إية بايظ فا أعمل حسابك أن الموضوع ممكن يوصل لنصف موتور كامل وده تكلفتة حوالي 9500 جنيه.
المهم أخدت العربية و أخدت خبتي معايا و روحت :crying:
أنصحوني أرجوكم أعمل إيه وهل فعلا الصوت ده ممكن يكون الكرنك أتعوج.
شكرا لمشاركتكم مقدما

رد: للأهمية إلي عباقرة الفيرنا أفيدوني
 

رد: للأهمية إلي عباقرة الفيرنا أفيدوني
 

عملت إيه فى التوكيل من أعمال صيانه ........؟

متقلقش من كلامه

فممكن تلاقى كلامه مش مظبوط


مفيش كلام من ده خاااااااااااالص

رد: للأهمية إلي عباقرة الفيرنا أفيدوني
 

أولا شكرا على الأستجابة و سرعة الرد.
بالنسبة للصيانة أنا كنت غيرت زيت و فلتر زيت أول ما أشترتها.
بس لما روحت التوكيل و بعد تقييم المهندس قالي سيبك من الصيانة و شوف هتعمل إية في الموتور الأول فروحت و معملتش حاجة .
معلش انا بس مرعوب عشان انا لسة جايب العربية "مستعملة 56000 كيلو" مكملتش شهرين و للأمانة هيا مكنش فيها الصوت ده.
بس الصوت ده لو مش كرنك زي ما قالو في التوكيل ممكن يبقى إية و أعمله فين.
شكرا مرة تانية.

رد: للأهمية إلي عباقرة الفيرنا أفيدوني
 

هل حضرتك كشفت علي العربيه في التوكيل قبل ما تشتريها ؟
ما هي طريقه قيادتك ؟

رد: للأهمية إلي عباقرة الفيرنا أفيدوني
 

شوفلك ميكانيكى شاطر ياباشا

وخليه يغيرلك سير الكاتينه

ويشوفلك نظام شداد الكاتينه وكل المكونات الموجوده شمال المكنه

ونظام وحالة رباطات طنابير المكونات دى

( طلمبة الميه + الدينامو + خلافه )

هتلاقى حاجه من دول فيها بليه وحشه

أو طنبوره عاوزه تتراجع كرباط صح

وهتلاقى العمليه سهله جدا بإذن الله

ولا كرنك ولا دياوله

رد: للأهمية إلي عباقرة الفيرنا أفيدوني
 

متقلقش يا زعيم ده راجل معندهوش ضمير او مش فاهم اللي قالك علي عمود الكرنك ده ملهوش دعوه خالص التصفير بعمود الكرنك

قولي الاول انتا روحت فين يعني انهي مركز صيانه