ايبيزا 2000 ولا سيينا 2000
 

محتار ياجماعة بين سيينا 2000 او 2001 وايبيزا 2000 ايهما افضل عموما فى الصيانة واعادة البيع علما بان السعر 40000 جنيه للسيينا و39000 للابيزا وجزاكم الله خيرا

رد: ايبيزا 2000 ولا سيينا 2000
 

لو ابيزا 2001 كنت قولتلك اوك بس غاليه
يبقي كده السيينا افضل بشرط الحاله النضيفه
و هات ال 1400 مش ال 1600

رد: ايبيزا 2000 ولا سيينا 2000
 

+1
1400 سيينا احسن من 1600

ولو استخدام العربيه حيكون لعائله و معاك اطفال و سفر حتريحك ان شاء الله
عربيه ناعمه زي الياباني و سحبها حلو وموتور ايطالي وشنطه بحر وتابلوه بسيط بس مريح و سلس


الابيزا مقدرش افيدك اوي ....
معانا طبعا محمد ابيزا يفيدك كتير ... وواضح من اسمه ... اكيد حيقولك ابيزا الي الابدptmnlo123per1127

رد: ايبيزا 2000 ولا سيينا 2000
 

انا شايف السيينا هتبقى احسن وهتلاقى قطع غيارها متوفره اكتر من الابيزا وارخص كمان من الابيزا

رد: ايبيزا 2000 ولا سيينا 2000
 

شكرا لكم جميعا بس معلش بتعبكوا معايا انا بعيد عن سوق العربيات خالص ومعرفش فيه حاجة اللى بيتعرض عليا بقولهولكوا انوا اهل خبرة اكيد وشكرا تانى ليكو ولو حبيت اقارن بين فليشيا 2001 وسيينا 2001 تكون المقارنة لصالح مين وهما برضو نفس السعر

رد: ايبيزا 2000 ولا سيينا 2000
 

انا مش متحيز اوي كده يا sam انا بحب الابيزا و هي عربية ممتازة فعلا بس ده ميمنعش اني ممكن ارشح السيينا لو هي تكسب المقارنة فعلا:):):)


بص يا باشا اولا انا مش هكلم في السعر لاني متابعتش الاسعار بعد انهيار السوق و انخفاض الاسعار انما الرقم ده بالاسعار القديمة لم يكن يعرض في الابيزا 2000 او 2001 الا لعربية حالتها تعبانة و مبهدله بدون مبالغة و الكلام ده شوفته علي ارض الواقع فعلا يعني يتعرض لعربية محتاجة مصاريف لا تقل عن 7 8 الاف جنيه عشان تتظبط انما بعد انهيار اسعار المستعمل كل شئ جايز...

نظرا لاني مليش في السيينا اوي هقول رأيي بحيادية تامة:

الابيزا 2001 عربية جميلة جدا كشكل احلي شكل نزل للابيزا عموما و اعتمادية جدا و تاخد بنزين 90 عادي مش هتقولك لا اقتصادية جدااااااااا في البنزين و خلي بالك ان البنزين غالي العربية استهلاكها حوالي 380 كيلو في الصفيحة و الاستهلاك ده واحد صاحبي معاه العربية هو اللي حسبها و قالي استهلاكها كان الرقم ده اما الابيزا ال2001 ال 1400 سي سي استهلاكها حوالي 250-260 كيلو في الصفيحة غير ان العربية ثباتها ممتاز و فيها ايرباجز و تكييف و هكذا لكن متتوقعش اداء جبار علي الطرق السريعة من ال 1000 سي سي لان الموتور صغير انما ال 1400 ادائها حلو علي حجم العربية بس في حاجة بقي...
1- قطع غيارها رغم انها متوفرة بس غالية
-فلتر هواء مايلي الماني قطعتين:80-90 جنيه

2-حساس حرارة:110 جنيه

3-طقم بوجيهات فيمو الماني 3 شمعة:75 جنيه

4-طقم سلوك بوجيهات الماني اصلي:300 جنيه

5-بارات دركسيون:الجزء الصغير القطعة الواحدة ب 150 يعني الاتنين 300 جنيه و ده مش البارة بالكامل

مع الاخذ في الاعتبار ان العربية موتور و شاسيه و عفشه و فتيس الماني بتوع البولو و العربية غير استهلاكية في قطع الغيار بالمرة

بس يا باشا لو عايز تسأل اي سؤال اسأل:):):)

و السيينا برضه عربية مش وحشه لكن للاسف معرفش عنها حاجة ولا اسعارها ولا قطع الغيار لذلك انا قولت معلوماتي عن الابيزا و لك الاختيار و مش هقول الابيزا احسن من السيينا او السيينا احسن من الابيزا لاني عارف معلومات عن طرف واحد في المقارنة مش الاتنين

ربنا يوفقك:)

رد: ايبيزا 2000 ولا سيينا 2000
 

بص يا ريس
انا كانت معايا فيليشيا 97 و نزلت منها ركبت سيينا 2000
السيينا باور الفيليشيا لا ...
السسينا ناعمه زي الياباني... انما موتور ايطالي متجاوب ... الفيليشيا فيها خشونه القوه بتاعه الالماني ( مش خشنه لكن تحس ان الموتور خشن ودي حاجه حلوه و كانت بتعجبني )
الفيليشيا ثباتها احسن لانها هاتشباك السيينا ... ثبانها اقل لانها سيدان و اغلب وزنها قدام
الاتنين تقريبا نفس معدل الاستهلاك للبنزين يمكن الفليشيا احسن شويه
الاتنين جبت بيهم 170 كم/ساعه
السيينا ازاز كهربا قدام بس ... الفيليشيا سنتر لوك وازاز عادي
تقفيل الفيليشيا تشيكي ... السيينا مصري ....تفرق كتير
التابلوه في الاتنين حلو بس الفيليشيا متظبط اكتر واقيم
السيينا شنطتها اد شنطه الفيليشيا مرتين
مفدرش افيدك في اسعار قطع الغيار حاليا
لو عائله السيينا ممكن تريحك اكتر ...
لو حضرتك لوحدك او لسه عائله صغيره الفيليشيا ممكن تعجبك اكتر

واي استفسار انا تحت امرك