|
شكرا سبير كار شكرا أستاذ أمير
كنت من فترة متخوف من تركيب جهاز إنذار علي عربيتي النيو سيراتو لعدد من الأسباب
أولها العربية خليجي ملهاش ضمان والثاني العربية مزودة بنظام شل حركة الموتور وبالتالي مكنش فيه ضرورة والثالث كان عندنا أمان قبل ما إبن ..... الك.... العدلي يسيب البلطجية و نعاني من الإنفلات الأمني ..... بس من ساعة ما كترت سرقات السيارات .... قلت أتوكل علي الله وأركبه عند سبير كار وفعلا الحمد لله وجدتهم عند حسن الظن بيهم والله ناس محترمة من أول عامل السويتش والبائعين لحد الأستاذ أمير ... إنسان محترم وذوق ... شكرا علي مقابلتك يا أستاذ أمير وشكرا لجميع العاملين في سبير كار فرع التجمع الخامس إستقبلني الأستاذ أمير وعمل معايا واجب في السعر وفوقيه هدية قيمة ... الجهاذ نوعه ... SPY TWO WAY LCD وخدته بـ 350 + 50 جنيه مصنعية + هدية قيمة الفني إللي ركب الجهاز فاهم الحمد لله شغله ... وأنا طلبت يشغل الأوبش اللازم فقط عشان الجهاذ له مميزات كتير بس أنا مكنتش عايز لعب كتير في العربية .... الحمد لله كله تمام كنت ناوي أصور الموضوع وأعرضه عليكم بس قعدنا أنا والأستاذ أمير نتفرج علي لقاء شفيق وعلاء الأسواني و حمدي قنديل ..... ونسيت العربية والإنذار وقاعدنا نتناقش في موضوعات الثورة .... والحقيقة الأستاذ أمير بجانب إنه فعلا مدير علاقات عامة ممتاذ ولكن أيضا مثقف ممتاذ .... ولما عرف إني من مصر موتورز إزداد ترحيبا بيا ......شكرا سبيركار شكرا أستاذ أمير :Love: |
رد: شكرا سبير كار شكرا أستاذ أمير
الف مبروك يا خالد باشا وان شاء الله ماتحتاجش ليه بس مش معنى دا انك تنفضلنا فى الموضوع بص يا سيدى اكتب عندك اولا : تعملنا موضوع عن الجهاز بجميع امكانياته اللى انت عملتها واللى ماعملتهاش ثانيا : تقولنا الجهاز بلده ايه واذا كان معاه ضمان ولا لا ومين وكيله ثالثا : تقولنا ايه هى الهديه القيمه اللى ا/ امير ادهالك |
رد: شكرا سبير كار شكرا أستاذ أمير
5 مرفق
اقتباس:
http://www.masrmotors.com/vb/showthread.php?t=12767 بس دي بعض الصور عن الموديل إللي معايا هو أحدث شوية صناعة إيه مش عارف ومش مكتوب المستورد ( الغريب أو العالمية ) عامله سر حربي |
رد: شكرا سبير كار شكرا أستاذ أمير
الف شكر لحضرتك وده هوشعار سبيركار دائما
سبير كار فى خدمة عملائها شكرا ا/خالد |
رد: شكرا سبير كار شكرا أستاذ أمير
شكراً على الريفيو الجامد ده يا استاذ شريف ياريت تطمنا الريموت عامل ايه ومداه قد ايه تقريباًَ وموضوع ال TWO WAY ده مفيد ولا ملوش لازمة
|
رد: شكرا سبير كار شكرا أستاذ أمير
ان شاء الله الجهاز - يبقى شغال - ومتسمعش صوتة نهائى - وانا عندى استفسار 1 - بما ان عربيتك نيوسيراتو تبقى بريموت ام لا ؟ 2 - هل تم تقشير فى الضفيرة ام لا ؟ وان كان فهل كتير ؟ 3 - الجهاز الجديد لة ريموت فما دور ريموت السيارة الاصلى ؟ 4 - ما هى امكانيات الجهاز كاملة ؟ 5 - هل بة حساس تعلى او تخفض بة درجة حساسية الانذار - واعذرنى لان عربيتى لانسر 2010 وناوى اركبة لكن متخوف مما ذكرت خاصة والعربية خليجى بضمان الرواس ومشكور اخى الكريم |
رد: شكرا سبير كار شكرا أستاذ أمير
اقتباس:
هو مدي الجهاز معقول بالقياس للأجهزه الأخري إللي في السوق يعني تقدر تقول حوالي 500 متر هو المدي القوي والفعال ...حتي لو فيه خرسانات فالمسافة دي بتستقبل بيها كويس بين العربية والجهاز ودي حاجه كويسة لأني كنت مركب قبل كده أجهزه أخري بس ون واي فقط وكانت تقعد تزعق وصوتها عالي بس ولا أنت سامع حاجه عشان مفيهاش خاصية التو وي يعني كنت كارفور العبور وراكن في موقف البنوك وكان فيه ترنسميشن ... وده بيبان علي الجهاذ زي الموبايل كده ؟؟؟ وكانت المسافة حوالي 700 متر بالنسبة للسؤال التاني عن كون التو وي مفيد ولا لأ ... طبعا التو وي مفيد جدا يعني لو حضرتك كنت في كارفور مثلا زي كده وفيه مسافة كبيرة غير الزحمه بتاعة المكان وحصل حاجه للعربية فااليموت إاللي معاك بيديك ثلاثة تنبيهات - إهتزاز -إضائة إنذارية متقطعة - صوت إنذار ( صفير رقيق ) - صورة بتبين إذا كان فيه محاولة إقتحام للأبواب أو كسر للزجاج بس أنا إكتشفت إن الصورة دي نمطية يعني أي خبطة في أي حته في العربية بتديك شكل شاكوش بيخبط الزجاج ... بس أي محاولة لفتح الأبواب بتظهر محاولة فتح أبواب حتي لوكانت الشنطة يعني من الأخر افيد أوبشن موجود هو ال2way ومفيد جدا أرجو رديت علي أسئلتك بوضوح وتقبل تحياتي GIFT4U |
| الساعة الآن 03:22 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017