|
اخوكم و حيران و محتاج مساعدة
معلش هاطول عليكوا شويا اصلى قصتى طويييييلة اوى انا عندى عربية فيات 131 عملتلها عمرة متور و فرش سمكرة ودوكو الخخخخخ و كلفتها 9 الف جنية ما علينا الموتور معدش فيها 3 شهور و توكل على الله باظ سبتها سنة مركونة و قررت اشدها و كلفنتها 7الف تانى و جبتلها متور جديد مستعمل من عزبة شلبى (الله يخربيتهم جميعا) جبتة ب 2700 جنية مصرى لا غير و العربية ماعدش غير 15 يوم و خد عندك بقا لقيت المتور من الفايظ دخانة الله ما يوريك ببقا قاعد موش شايف قدامى و بعدين كمان يومين لقيت الفايظ كلة طحينة ( زيت على مية ) و نصحوننى ولاد الحلال (الميكانيكة) انى اعملها عمرة و طبعا لانى لسا دافع دم قلبى فيها قررت انى امشى و اتوكل على الله .... والعربية مقعدش بعدها غير 20 يوم و القيها شغاله على ثلاثة بوجيهات و بتنتش جامد و موش بتدور فققرت انى اغيرها بيجوهات تعود عدد يوم واحد فقط و البيجوهات تبوظ تانى اغيرها تانى تفضل شغالة ليوم واحد و تبوظ تانى فققرت انى اركنها لغايت لما اجيب فلوس و اعملها عمرة ....و قد تحقق هذا الحلم و جبت الفلوس عدد 2500 جنية المطلوب بقا هل العمرة فى المتور دا هتنفع و لا هاخد بمبة تانى و اولع فيها و انجز و انتحر و اريح دماغى |
رد: اخوكم و حيران و محتاج مساعدة
نسيت اقولكم ان عملت للمتور الجديد دا وش سلندر عند الخراط و العيب الطحينة و الدخانة لسا موجود و بقات تشتغل على ثلاثة بيجوهات زى ماقولتلكم فى المشاركة الاولى مع ان العربية بتسخن طبعا
فهل العمرة هاتضيع كل العيوب دى؟؟ و لا |
رد: اخوكم و حيران و محتاج مساعدة
حتحتاج وش سلندر بحاله جيده
ويتعمله روديه وتغيير كاوتش صباب ويتكشف على المكنه أولا من داخلها قبل الشروع فى تغيير رأس السلندر أو عمل طقم شنبرللبساتم |
رد: اخوكم و حيران و محتاج مساعدة
والله صعبت عليا بس اسمع كلام البشمهندس سمير هو ده المفيد |
رد: اخوكم و حيران و محتاج مساعدة
استاذى العزيز samirayad
انا عملت فعلا كدا و عملتلها كاوتش صباب و فضلت نفس المشكلة بس لما شوفت الشمايز لقيت فيها عتب فهل كل المشاكل دى منها ؟؟ و لا فى مشكلة تانى |
رد: اخوكم و حيران و محتاج مساعدة
hyundai2005 الاخ العزيز
هو انا قلت حاجة دا جزء صغير من مشكلتى امال لو قلتلك ان لما العربية كانت واقفة لقيت مرة واحد اسود نايم فيها جوا ؟؟ واللهى ناهيك عن سرقة البطارية بتاعتى و الكاسيت الخ الخ |
رد: اخوكم و حيران و محتاج مساعدة
اقتباس:
أكشف على المكنه أولا من الداخل والسؤال الآن هل لمكنتك شمايز منفصله ولا زى عندى فى الدايو الشمايز ماهى اللى عباره عن غرف مشكله داخل بلوك المكنه ............؟ بأجابتك على تساؤلى هذا هنحدد الصح علشان متصرفش على الفاضى _________________ بالمناسبه العتب خفيف وممكن ينشال بصنفره ولا هيحتاج توسيع للغرف ....؟ |
| الساعة الآن 12:20 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017