إستفسار مهم جدا فى تاريخ الأنتاج
 

أنا معاية لانسر بومة 2007 إتوماتيك فيها كل الكماليات العادية +airbag

ولكن الكماليات الأخرى مثل السنسور بارك والجنط والعتب والمخدع الخلفى بتاع الكنبه والكلام ده كله لا:-

النهاردة لمحت كلام مكتوب مابين باب السائق والباب الخلفى فى الأسفل

تتوافق هذه السيارة مع جميع المقاييس السارية المفعول فى دول الخليج /المملكة العربية السعودية

وتاريخ الأنتاج نوفمبر 2006

مع إن العربية فى الرخصة والورق كله 2007 ورقم الشاسية المكتوب مع الكلام ده كله متطابق مع رقم الشاسية فى الكبوت إذا ما معنى هذا الكلام

رد: إستفسار مهم جدا فى تاريخ الأنتاج
 

نفس الموضوع حصل معى انا
فأنا اشتريت لانسر 2010 وكان مكتوب عليها تاريخ الانتاج سبتمبر 2009
ولما سألت فى الصالة عرفت ان العربيات فعلا ً بيتم انتاجها قبل بيعها بفترة
فمثلا ً انا اشتريت عربيتى موديل 2010 ( وبها كل مواصفات الموديل الجديد ) كما ان الافراج الجمركى بيقول انها مو 2010 واشتريها فى شهر 11 ( نوفمبر 2009 )
- فكيف يتم انتاجها فى وقت لم يأتى بعد ؟
الخلاصة :-
- عادى ان عربية موديل 2007 يكون مكتوب عليها انتاج 2006 ولكن اخر ثلاث اربع شهور فالسنة وليس قبل ذلك
- كما ان الافراج الجمركى هو الفيصل وهو لا يجامل احد فى الس سى ولا تاريخ الانتاج

رد: إستفسار مهم جدا فى تاريخ الأنتاج
 

شكرا على الرد والأفادة أستاذى العزيز ولو تعرف حاجة بخصوص السؤال الأول لا تترد وشكرا

رد: إستفسار مهم جدا فى تاريخ الأنتاج
 

عفوا ً اخى الفاضل
اما طلبك بخصوص السؤال فلم افهم قصدك
ولكن هذا السؤال سألة لى مندوب المبيعات عند شراء سيارتى وكان كالتالى :-
بعد ان دفعت ثمن السيارة وهى لازالت بالمعرض عى ان يقوم مندوب من المعرض بإنهاء الاجراءات الخاصة بالترخيص
- فوجئت بأن السيارة مكتوب عليها اسفل القائم بين باب السائق والباب الخلفى
" تاريخ الانتاج سبتمبر 2009 " فى حين ان السيارة مو 2010 خاصة وان هذا الموديل اختلف عن الموديلات السابقة لة فى اشياء وكانت موجودة بسيارتى مثل الفتيس ستريبترونك والعدادات .... فسألت المندوب فورا ً وانا منزعج
فسألنى" احنا فى شهر اية ؟ " قلتلة نوفمبر 2009 فقلى " يبقى ازاى العربية انتجت فى وقت لسة مجاش فعلا ً ؟ "
وكان كلامة منطقى خاصة وان كل السيارات بنفس الطريقة
كما اخبرنى ان تاريخ الانتاج ليس هو الموديل
وان الجمارك لا تجامل احد

رد: إستفسار مهم جدا فى تاريخ الأنتاج
 

أنا فهمتك أخى أنا بسئل بخصوص موضوع الكلام اللى موجود على القائم أن هذه السيارة مطابقة للمواصفات القياسية الخليجية/السعودية هل ده معناه أنا العربية خليجى؟ أزاى أعرف لأنى أعرف أن فيه خليجى بدون كماليات highline

رد: إستفسار مهم جدا فى تاريخ الأنتاج
 

موضوع تاريخ الانتاج ده طبيعى وموجود فى كل العربيات ..

وانا برضو عربيتى موديل 1997 ومكتوب فى البيانات اللى فى الكبوت انها انتاج 11/1996

رد: إستفسار مهم جدا فى تاريخ الأنتاج
 

- مكتوب على كل العربيات نفس العبارة سواء كانت خليجى ( اردنى - كويتى - سعودى - اماراتى ) انها " مطابقة للمواصفات الخليجية السعودية "
- ولكن المصرى انا مش عارف ان كان مكتوب علية ام لا ولكن
- الفارق بين الخليجى بصفة عامة والمصرى
- ان الخليجى بيكون هناك رقم الشاسية امام السائق على التابلوة وقريب جدا ً من الزجاج الامامى ويقرأ من خارج السيارة
- كما ان رقم الشاسية بين الخليجى والمصرى مختلف ويمكن احد عندة فكرة اكتر منى يقلك عليها
- كما ان المصرى الاريال موجود فالقائم الامامى الخاص بباب السائق
- اما الاريال فى الخليجى بيكون بسقف العربية من الخلف ويمكن فكة وتركيبة
- اما موضوع الكماليات فهى بتكون واضحة امامك فالاريباج بيكون على الطارة والباقى عبارة عن لمبات بتنور فالتابلوة مثل ABS و كذلك الاريباج
واى استفسار انا فالخدمة