|
زنه في التابلوة
انا معايا فيرنا 2011 اوتوماتيك لسه ما كملتش 3000كيلو
لكن من اول يوم ركبتها وانا سامع زنه في التابلوة لما روحت صيانه الالف قولتلهم عليها لما استلمت العربه قالولي كله تمام والزنه مافيش يدوب طلعت من باب التوكيل و لقيت الزنه موجوده كمان صوتها بقي اعلي عارفين كانها نحله بتلف جوة العربيه تفتكروا الحل ايه في بتوع التوكيل دول كلمت المهندس قاللي ابقي تعالي تاني واحنا ندخلها قسم الهياكل حد عنده خلفيه عن سبب الزنه دي؟ كمان بجد انا حاسس ان العربيه فيها حاجه مش مظبوطه يعني وانا سايق لو اتحركت ع الكرسي باحس ان الجنب الشمال في العربيه بيزيق بيزيق يعني باسمع اصوات غريبه زي ما تكون قاعد علي كنبه رجليها مش مظبوطه مستني ردودكم ونصايحكم الغاليه شكرا ليكم |
رد: زنه في التابلوة
بص مادام في توكيل يبقى ابعد عن اي ميكانيكي
وماتسيبشي حقك في التوكيل يعني من الاخر حد حقك تالت ومتلت ولازم العربية تطلع على الزيرو مافيهاش زنة دا من حقك انت شاري عربية جديدة مش مستعملة |
رد: زنه في التابلوة
التزييق ده عيب تقفيل والزنه عيب كهرباء بنسبه 90% ماتسيبش حقك وروح التوكيل
|
رد: زنه في التابلوة
انا عندى نفس المشكله فى الكرسى و فضلت وراهم لحد ما اخدت منهم ورقه بتغيير الكرسى فى المصنع
|
رد: زنه في التابلوة
حضرتك - وعن تجربة شخصية - ترجع التوكيل فى اقرب وقت
وتصر ان يسجل مهندس الاستقبال كل ملاحظاتك وتتأكد انة كتبها فعلا بأمر الشغل وقبل ما تستلم السيارة تخلى المهندس يطلع معاك وتجربها وان لم تتم المعالجة كاملة اطلب مقابلة مهندس اعلى وتصر وتقابلة وان شاء الله تبقى الامور بسيطة |
رد: زنه في التابلوة
طبعا التوكيل هيضمن حقق بس انت لازم تروح و تفهم التوكيل عن اللي في العربيه و ما تستناش و التزيق و الزنه في كل العربيات الفيرنا الجديده علشان هما ما عدوش بيهتموا بالفيرنا في التقفيل زي الاول . و ده طبعا اكبر غلط بينفذه غبور الوقتي (انه بيهمل الفيرنا في التقفيل) |
| الساعة الآن 10:01 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017